الموضوع: استفسار للاخوان واتمنى ما تقصرون وياي

السلام عليكم ورحمه الله وبركاته

اخواني انا من الكويت وراح ازور تايلند تاريخ 8-9-2011
راح اقعد فيها اسبوع او 8 ايام واول مره ازور تايلند وانا ودي مكان يلم كل شي اماكن طبيعيه ومجمعات ورحلات سياحيه مع قروبات اجنبيه ورحلات بحريه وين المكان الي ممكن يوفرلي كل هذا علما اني مسافر بروحي ومعاي 300 دينار كويتي مصرف غير سعر التذاكر والفندق هل هي كافيه ؟ وحاط ميزانيه للفندق تقريبا 150 دينار كويتي راح احجزالفندق 7 او 8 ايام فأبي الفندق يكون اربع او خمس نجوم ويكون نظيف ولازم يكون بالفندق جيم
فياشباب ابي منكم اذا تقدرون تعطوني رقم سايق ثقه ويتكلم عربي واذا تقدرون تنصحوني بطريقه اقدر انظم فييها جدول رحلتي لاني كلش ضايع ولا ادري وين اروح

ويعطيكم العافيه وما تقصرون

مواضيع عشوائيه ممكن تكون تعجبك اخترناها لك:

• إستفسار لشراء ملابس بالجملة من بانكوك
• بتايا فوكيت شنغ ماي
• شنو ارخص طيران
• منتجع عائلي في بتايا
• سؤال عن فندق الفورسيزن إيجار السيارات
• في الجمرك السوري انتبه من
• فندق Hotel Sofitel Bangkok Sukhumvit اربع نجوم
• السفر برًا إلى اللاذقية
• كيفية الحجز على طيران اير اسيا
• استفسار من اخوانا خبراء بانكوك
• رحلتي الي تايلند شهر وبالتفصيل ومع الصور
• الأمن في تايلاند
• اخوك يسأل هل من جواب ؟
• التنقل داخل سوريا
• خدمة تسمح للسائح بتحديد قيمة فاتورته مسبقاً
• من الشام اطل عليكم واحلى تحية من أبظايات باب الحارة مبااااشر
• انا بالحديثه
• استفسارات بخصوص السفر لتايلاند و بوكيت
• ارجو الرد بسرعه جداااا ضروري
• ارجو المساعده من اهل الخبره

مشكوووور اخوي على تفاعلك وياي ومشكور ما قصرت بس في استفسار هل بطاقات الكي نت تعمل عنده يعني هل بطاقتي مالت بيت التمويل الكويتي تشتغل اهناك ام لازم اطلع بطاقه ثانيه واذا لازم من وين اطلعها من الكويت او تايلند

نصيحه ارفع الميزانية شوي
خاصه لانك بروحك بتروح
بتوفيق لك

نعم اخوي تقدر تستخدم بطاقة بيت التمويل هناك ومافي داعي تطلع بطاقة ثانية ، انصحك بنفس الجدول الي قالك عنه اخوي حسن الحمادي . بس اضيفلك فندق Solo في بانكوك . واي استفسار لا تتردد .
تحياتي

والله يا اخووي حمنك


انا اشوووف 300 ديناار ما توفي

ما اتوقع تكفيك


بالذات اذا بترووح بوكت


لانى بوكت غاليه نوعا ماا


لو اتزيد ميزانيتك احسن و افضل لك


و لا تنسى انك بروحك يعني مو قروب و اتضبطون مع بعض مصاريفك راح اتزيد


و بالتوفييييييج حبيب البي

المشاركة الأصلية كتبت بواسطة حمنك
http://www.arabtravelersforum.com/tr...0/#post5947410

اانزين اخوي انا عندي استفسار بخصوص الفندق انا لقيت في طيران القطريه يودي بوكت على طول ما يحتاج امر على بانكوك واخذ طيران داخلي بنسبه لاسعار الرحلات السياحيه لمده 7 ايام جم اسعاررهم ؟ وشنو احسن مكان ينضم رحلات اهناك



القطرية ماتروح دايركت تمر كوالالامبور تقعد بنفس الطياره تقريبا 40 دقيقه وبعدين تطلع على بوكيت .
الرحلات السياحية على حسب تتراوح من 1000 الى 2000 بات شامل المواصلات من الى الفندق .
الاماكن الي تنضم رحلات كثيرة عبارة عن كشكات منتشرة بالشارع بس عليك بالمكاسر والمقارنة بين اكثر من محل.