الموضوع: صلاله أم دبي ؟

السلام عليكم ياجماعة الربع


أحب استفسر من اخواني هواة السفر واللي عندهم خبره لعلهم يفيدوني ..
قرأت كل المواضيع والردود لقيت بعض اللي ابيه وضيعتني بعض الردود وكثرة التفاصيل ..
ماقدرت اتوصل لقرار فقلت افضل حل اكتب استفساري هنا لاهل الخبره


أنا متزوج حديثا .. واريد ان اسافر ان شاء الله ومعي زوجتي في شهر 6 ( يونيو ) لمدة 10 ايام بالكثير ..

وكنت حاط ببالي صلاله .. لكن قرأت في اكثر من موضوع ان صلاله مافيها اماكن ترفيه ونزهه ولاتتوفر فيها المجمعات والاسواق ..رغم انها مدينه خياليه حسب ماسمعت وقرأت .. وان الطبيعه فيها شي خيااااالي ..

وقرأت ايضا ان السفر الى صلاله اذا ماكان بعد شهر يوليو ماله اي داعي .. ياريت تفسرون لي هالنقطه بالتفصيل ..

فكرت في دبي .. لكن حسب مااعرف ان جو دبي رطووووووبه وحررر

عموما .. اذا استبعدنا سعر التذاكر .. كم المبلغ اللي يكفيني في دبي ..او في صلاله ..طبعا آكل شارب ساكن مرتاح منبسط

وياريت تفيدوني عن المطاعم في صلاله والفنادق وزي مااتفقنا بالنسبه لاماكن النزهه مثلا مافي ملاهي منتزهات حدائق ؟؟

وبالنسبه لدبي وش افضل الاماكن للتنزه وقضاء اجمل الاوقات فيها

مواضيع عشوائيه ممكن تكون تعجبك اخترناها لك:

• ياليت ياهل الخير تلبون طلبنا بمساعدتنا بوضع جدول لزيارت عمان صلاله
• مساعدة
• تأشيرة سياحية
• كم سعر التذكرة من الامارات الى صلالة او العكس
• هل الوقت مناسب الآن لزيارة الجبل الاخضر
• شكــــر خاص لأدارة المنتدي وكذلك الاعضاء الاعزاء
• من صـلالـه لترنج بالزبادي احلى اطـلالـه
• ارجوا التعليق على هذا البرنامج وابدأ الري في اي تعديل
• أستفسار
• الصين
• تنويه لكل سعودي زائر لصلاله
• بدء الأعمال الإنشائية لمركز قرية المرسى في مسقط
• حبينا عمان واهلها من غير مانشوفها فنوينا زيارتها فلاتبخلو علينا بالمساعده
• سوال الى اهل صلاله
• سؤال مهم وعاجل أين أسكن؟ بجناين صلالة أو بالزاكي للشقق المفروشة بصلالة؟
• عريس ويبغى مساعدتكم
• الاخوة أهل صلاله الجميلة
• أستفسار عاجل وفقكم الله
• هل مسقط قريب من البريمي او اقرب من دبي من منفذ حتا
• مبارك الخير ياأهل عمانويش نسوي

http://www.travel4arab.com/vb/showthread.php?t=4439

http://www.travel4arab.com/vb/showthread.php?t=60506

دبي ما دام انتم 2 يكفيكم 600 * 10 = 6000 ريال مصريف اكل واستمتاع بدون الفندق (السبب ما أدري تبي 5 نجوم ولا نجمتين)

للعلم تكاليف السكن والمعيشة في صلالة أقل من دبي بكثير
فلا بد من التحديد لكي يتم التوجيه

اهلين اخوي/ اختي ..

ماقصرت يالغالي ..


السكن اعتقد ان الخمس نجوم غير مرغوب فيه لأن اختلافه عن الثلاث والاربع نجوم
بس الديسكو والمشروبات المحرمه ..


سؤالي بالضبط .. اماكن النزهه والوناسه والترفيه .. مدن الملاهي ..مجمعات ومطاعم راقيه ومقاهي ..منتزهات ..حدائق حيوانات مثلا .. هل هي متوفره في دبي افضل ام في صلاله ؟

كم اسعار السكن في دبي تقريبا ؟

هلا أخوي .. أبو صلفيق ..

أولا مبروك الزواج .. والله يوفقك في حياتك الزوجية ..

بالنسبة لصلالة ..

أنا من صلالة .. اذا ما عندك فرصة الا شهر يونيو ( 6 ) .. أقولك لا تفكر تقرب صلالة ..

وصلالة من منتصف يونيو يبدأ الجو يتحسن شيئا فشيئا وتبدأ الأمطار أو الرذاذ بالأحرى
بالنزول ويستمر الى نهاية أغسطس وبداية سبتمبر ..

لكن صلالة في بداية يونيو حر ورطوبة ..

يعني لو عندك فرصة تزور صلالة في أغسطس يكون الجو مميز والجبال خضراء
والمهرجان مفتوح ..

والصراحة صلالة ما فيها أماكن ترفيه كثيره .. لا مجمعات كبيرة ولا حدائق على مستوى .


لكن وللأمانه الجو الخريفي المميز ينسيك المجمعات وكل شئ بعد ...

على الرغم أني من صلالة ودائما أقضي فترة الاجازة ( الخريف ) في صلالة الا أنني أحس
نفسي كأني أول مره أزورها .. الحمد لله على النعمه الحمد لله .


عسى أكون قدمت لك الفائدة .. وعسى تكون سفرتك مميزه سواءا الى صلالة أو لغيرها .


بالتوفيق لك ..

من كلامك انك ما ودك تسكن بفندق 5 نجوم
اذا....
مصاريف دبي لليوم الواحد
300 فندق 3 نجوم
+
150 تمشية ومطاعم
= 450
.........
450*10 = 4500 ريال

وباقي عليك قيمة التذاكر تحسبها
واذا على السيارة حط بالحساب 500 بنزين ذهاب وعودة
بأختصار يعني اذا رحت بالسيارة يكفيك 5000 ريال لكل شي
...............
وتقبل تحياتي

سؤال هل صلالة غالية اما رخيصة للسكن

السلام عليكم ورحمة الله وبركاته

انا رحت المنطقتين وبقولك المميز فيهم

صلالة الجو روعة ويجنن بس بفترة معينه اتمنى اهل صلالة يحددوا الاوقات المناسبة لك

بس ما فيه اماكن ترفيه ولا مولات ولا تسوق على مستوى يعني طبيعة اوكي غير كذا فعادية المطنقة

*^*

دبي الجو فيها رطوبة وحر بس المراكز كلها تجنن والتسوق أكثر من رائع وعلى كافة المستوايات واماكن الترفيه كثيره وروعة والشواطيء تجنن

انا السنة الي فاتت رحت اسبوع دبي وبعدها اسبوع صلالة والحمد لله استانست كثير طبيعة حلوة وتسوق احلى يعني ما قصرت تسوق بدبي ورحت صلالة ما اخذت شي غير الثوب الظفاري النسائي

والله يوفقك ان شاء الله وممكن توزع الرحلة على المنطقتين حلو

ليش ما تحط مصر من ضمن الأختيارات مجرد وجهة نظر وليس فرض رأى وعلى البركة الزواج انشاء اللة