الموضوع: القائمة السوداء الخاصه للمطاعــــم في تايلند

السلام عليكم يا اعضاء المنتدي الكرام

حبيت اكتب لكم هذا الموضوع المهم والخاص بالمطاعم السيئة

( العربية - التايلندية - الامريكية - الايرانية - الهنديه - اليمنيه )

في جميع مناطق وجزر مملكة تايلند لانها كثرة حالات التسمم من قبل بعض المطاعم ويجب علينا تحذير وتنبيه جميع أعضاء بوابة تايلند

فأرجوا من جميع الاعضاء المشاركة والتفاعل مع هذا الموضوع وخاصة الا صار لهم موقف في هذة المطاعم وكتابة ملاحظاتهم عنها .

( مــــن ناحيــــــــة )

1- النظافة

2- جودة الاكل

3- الاسعار

4- سوء المعاملة

5- المكان

قائمة بالمطاعم السيئة
وأي جديد وأكتشاف عن مطاعم سيئه راح نضيفها الي هذه القائمه

شنغ ماي

مطعم أسماء
مطعم الحسين
مطعم المصري
مطعم القاهره

جزيرة بوكت

مطعم القاهرة
مطعم دبي

مطعم علي بابا

ملاحظة بسيطة:-
مطعم الشرق
والمطعم الهندي indian food
عيبهم انهم غالين بالاسعار فقط

بانكوك العاصمة
- مطعم حضر موت سئ جدا
- مطعم الفردوس

- مطعم sriayudhya seafood market للاسماك
اسعاره خياليه جدا ومتخصص في عمليات النصب والاحتيال علي العوائل

وجميع المطاعم العربية في منطقة العرب فيها الاسعار غالية جدا جدا جدا

ونصيحة اخيره الي جميع الاعضاء

- البديل لهذه المطاعم السيئة هي مطاعم الوجبات السريعه والسي فود

- مطعم بيتزا كومبني جميع اللحوم في المطعم لحوم خنزير حصل معي في شارع البنغلا رود في المطعم لما طلبت قالت لي الموظفه اللحم خنزير عادي؟

اخوكم :- عبدالله الكويتي

مواضيع عشوائيه ممكن تكون تعجبك اخترناها لك:

• تايلند ولاول مرة
• استفسار عن الحجز لتايلاند سعودي
• استاذ العصيمى
• دولار هل تكفي ؟؟؟؟؟؟؟؟؟؟؟
• مساعدة ضرورية
• محمرات أفران التنور والصاج تزين طرق اللاذقية السياحية
• شلالات ايروان، هل من مجرب؟
• ممكن استفسار ياجماعة الخير؟
• ابي منتجعات مسابح خاصة في تايلاند
• ارجو المساعده
• استفسار بخصوص الصرف
• سؤال للخبراء كم يبعد فندق الشام عن مستشفي الأمراض الجلدية
• استفسار لشخص اول مره يروح تايلند ؟ شـــوركم
• اهل الخبره في تايلند تفضلو ابييييييييييكم
• بخصوص اجواء سوريا
• شـــاركنــي رايـــكـ فــي ســوريـــا
• فندق وش رايكم فيه
• الرقم السري لشريحة جوال سيريتيل
• كيف أحصل على تأجير سيارة في صلنفة
• شهر عسل في شنغماي و فوكت و بانكوك تايلاند

يعطيك العافيه علي التقرير

بارك الله فيك على الموضوع المفيد

بالنسبة لي اغلب مطاعم المنطقة العربيه حاط عليهم إكس ، ماعدا زهرة الخليج في بتايا و شهرزاد في بانكوك .
حصل موقف امامي في احد مطاعم المنطقة العربيه .. رجل وزوجته لقوا صراصير في الأكل ..! والي صدمني ان الرجل بكل بساطة طلب من العامل تغيير الصحون فقط .. ومرته المسكينه قاعده ترجع ..!!

تحياتي

اي والله موضوع مهم عشان الواحد مايطيح بهالمطاعم سيئة النظافة

عن نفسي مطاعم الحي العربي مستحيييييييل اكل منها ولك جزيل الشكر

الله يديم النعمه المطاعم العربيه قاطعها من سنه 1997

الافضل المطاعم التايلانديه اسماك طازجه واسعار رخيصه وطعم الذ وانظف مليون مره من المطاعم العربيه اللي كلها نصب في نصب واسعار خياليه

شكرا من صميم القلب للجميع علي مروركم وتعليقكم الذي راح يستفيد منه جميع الاعضاء والمسافرين .
واتمني التواصل والتفاعل مع كل شي جديد يحدث مع الاعضاء في المطاعم السيئة .



اخوكم :- عبدالله الكويتي

الواحد يا اخواني وهو قبل لا يسافر يقول خليني اقطع اكل الرز واغير ومن يوصل اهناك بعد يومين يحن حق اكل ديرته ويقول خلني اشوف لي مطعم عربي زين

طبعا هالعاده فيني بس بحاول هالمره اغيرها

ومثل ما قلتوا يا اخواني ان المطاعم العربيه جودتها مو عاليه وسعرها مبالغ فيه




وتسلم لي اخ عبدالله على هالموضوع

الله يسلمك يا اخي العزيز
وبصراحه قمنا نكتشف مطاعم السيئة من خلال تجارب الاعضاء
والمفروض من جميع الاعضاء الابتعاد عن الاكلات الخليجية وخاصه المجابيس
لازم نريح المعده شوي نغير ونجرب اكلات السي فود


اخوكم عبدالله الكويتي

الله يعطيك العافيه على الموضوع
هذا سميته النصاب علني شوف المنيو وتعرف العربي السعر غير والاجنبي السعر غير ذكرني بمطاعم ام الدنيا مصر والله العظيم


والاكل الله يديم النعمه
والمطعم الثاني تجربه اخواني الي معاي لاني ماكنت معاهم يبون اكل هندي ودشو المطعم الهندي الي بالصوره
وطلبو 6 سنبوسه و 6 جباتي وماعون كيما و 3 شاي = 3050 بات وتهاوشو معاه وصار السعر 2110 بات
صورتهم مخصوص عشان انزلهم بالمنتدى

اشكر اخوي عبدالله علي الموضوع الاكثر من رائع والمهم

اتمنا انة يتثبت الموضوع

بصراحة ماشاء الله عليك اخوي عبدالله موضوع في غابة الروعة ويستحق التثبيت بجدارة
لانه مهم لجميع المسافرين هناك خصوصا اللي بعدهم ماسافرو هناك مثلي

فقط للامانه حبيت اضيف افضل مطعمين متخصصين في الوجبات الخليجية الى جربتهم :
مطعم الشرق ببوكت الى مقابل جونكسيلوون ( روبنسون ، بيج سي ) و مطعم الريم الي بشنجماي مقابل فندق شنجريلا . على شان نعطيهم حقهم و ما نظلمهم .
بارك الله فيك يا اخي / ابو نجم bigbin609 على الطرح و في ميزان حسناتك ""

المشاركة الأصلية كتبت بواسطة موسى العازمي
http://www.arabtravelersforum.com/tr...0/#post5806110

الله يعطيك العافيه على الموضوع
هذا سميته النصاب علني شوف المنيو وتعرف العربي السعر غير والاجنبي السعر غير ذكرني بمطاعم ام الدنيا مصر والله العظيم


والاكل الله يديم النعمه
والمطعم الثاني تجربه اخواني الي معاي لاني ماكنت معاهم يبون اكل هندي ودشو المطعم الهندي الي بالصوره
وطلبو 6 سنبوسه و 6 جباتي وماعون كيما و 3 شاي = 3050 بات وتهاوشو معاه وصار السعر 2110 بات
صورتهم مخصوص عشان انزلهم بالمنتدى




يعطيك الف عافية اخوي موسي علي التوضيح والتنبية
وبصراحه هالمطعم الهندي دائما اسعاره خيالية وعلي الفاضي

المشاركة الأصلية كتبت بواسطة suliman515
http://www.arabtravelersforum.com/tr...4/#post5806514

بالنسبة لي في تايلند لا ادخل المطاعم العربية ولا اقرب منها

اول مره جربت القاهره والشرق كل واحد انصب من الثاني والاكل الله يديم النعمه

ماتطلع من عندهم الا دافع فوق الألف بات بالراحه مع العلم الطلب مايتعدى 400 بات

نصب عيني عينك



كلامك صحيح يا اخي
الواحد يفضل البعد عن المطاعم السيئة

المشاركة الأصلية كتبت بواسطة hassantop
http://www.arabtravelersforum.com/tr...6/#post5808666

بصراحة ماشاء الله عليك اخوي عبدالله موضوع في غابة الروعة ويستحق التثبيت بجدارة
لانه مهم لجميع المسافرين هناك خصوصا اللي بعدهم ماسافرو هناك مثلي




حياك الله يا اخي العزيز ويشرفني مرورك وتعليقك

المشاركة الأصلية كتبت بواسطة mallm
http://www.arabtravelersforum.com/tr...4/#post5809594

أخي الكريم عبدالله ... لفتة ممتازة .. وأختيارك موفق لخدمة المسافر لتلك الديار .. ونتمنى من الأخوة . الصدق في مايقولون .


بانكوك
مطاعم الحي العربي ( السعر غالي جداً ) دبل الاسعار لدينا لنفس الوجبات ( إستغلال واضح )

شنق ماي

أضم صوتي مع صوت الاخ الكريم ولد البحرين .. مطاعم شنق ماي .. الحسين والقاهرة .. قمة القذارة
البديل المطاعم السريعة .

بتايا

مطاعم الاكلات البحرية .. على الشاطي خيار جيد .. المطاعم البحرية في حي العرب ( خيار سيء )
افضلهم .. مطعم ابو عبدالله الكويتي .. الرجال كل ماشافني ياهلا ويامرحبا ..
طلبي دائماً مشاوي ( شيش طاووق وحمص ) جيد جداً بشكل عام

بوكيت
الخيار الافضل المطاعم البحرية ... ويوجد مطعم عربي اسمه على ماعتقد القاهرة يعمل فيه مصريين .. جيد وتعاملهم جيد . والطعام لديهم ايضا جيد .. ولكن الاسعار نفس الاسعار دبل

أهم شيء الابتعاد قدر الامكان عن الاطعمة المقلية بالزيوت في جميع المطاعم ( المشوي يمدحونه )

شكرا علي التوضيح يا اخي العزيز

المشاركة الأصلية كتبت بواسطة حسن الحمادي1
http://www.arabtravelersforum.com/tr...4/#post5812454

فقط للامانه حبيت اضيف افضل مطعمين متخصصين في الوجبات الخليجية الى جربتهم :
مطعم الشرق ببوكت الى مقابل جونكسيلوون ( روبنسون ، بيج سي ) و مطعم الريم الي بشنجماي مقابل فندق شنجريلا . على شان نعطيهم حقهم و ما نظلمهم .
بارك الله فيك يا اخي / ابو نجم bigbin609 على الطرح و في ميزان حسناتك ""

شكرا يا اخ حسن علي التوضيح والتنويه
وان شاء الله ما نظلم احد واتمني الخير للجميع

تحياتي يا الحبيب




مطعم القاهرة في بوكيت لحد ياكل فية



لقيت صرصور بين الطاولات والصحون

ولما قلت لهم

رشوا فليت فية



ومصاروة 24 يتهاوشون مع بعض

ولا في ادارة


والاكل والله مدري عنه اللهم يديم النعمة



ولما لقيت الصرصور

قلت لهم


جو ورشوا فليت وانا قاعد


ولما قلت لهم ليش هالشكل


قالوا علشان يموت الصرصور


ولما حاولت اخذ فلوسي رفضوا










افضل مطعم الشرق وبس


نظافة وادارة راقية

يعطيك الف عافية علي التنبية يا اخي العزيز

مطعم اسماء في شنغماي
انا اكلت عندهم ربيان مقلي وتسممت منه

بغيت اموت من الأعراض اللي ياتني
عوار بطن وكرمكم الله اسهال مو طبيعي
والحمد لله طلنا من استقبال الفندق يوصلونا اي مستشفى

وكان الجو خطير وصلنا التوك توك الى مستشفاهم
مستشفى بسيط عجييييييييييب

عطوني علاج وابرتين عشان الأسهال مكرم القارئ
بس انا كنت مفتحة عيني اشوف من وين يطلع الأبر
والحمد لله فتحهم من كيس
لأني اخاف من التلوث والأمراض المعدية
الله يبعدها عنا وعنكم

والله نصيحة خلكم على المطاعم التايلندية السي فوووووووووود
المشوي اهلي يقولون عجيب
بس انا من عقب تجربتي بمطعم اسماء كرهت البحري
اخاف يصير فيني شي

غير ان المطاعم العربية غالية عالفاضي واغلب اللي يشتغلون فيهم مو مسلمين بس ملبسينهم حجابات تمويه
هذا الكلام قاله لنا تايلندي مسلم في بانكوك

مطاعم نانا الله يكرم النعمه لا اكل ولا طباخ وغالي بالنسبة لاسعار المطاعم التايلاندية

في مطعم الخيمه اللي مقابل غريس اكله زين بس قعدته تعبانه شيشة واغاني وناس ...

احسن مطعم كليت عنده هو شهرزاد وهذا في داعووس ورا نانا يدلونه اللي راحو نانا .. هذا يصلح للعائلة قعدته زينه

واكله زين ونظيف بس بعد غالي

افضل المطاعم شفتها هي اللي موجوده في مجمع طوكيو في الدور الخامس .. تلقون في منطقة المطاعم كم مطعم حلال .. والافضل منهم في مقابلهم مطعم تايلاندي جمب الصراف هذا اكله نظيف وزين وسعره معقول


-----------


بوكيت ماك دونالد اللي في باتونق بيتش اللي جمب فندق لافلورا .. كليت ومرضت منها وانغشيت فيه لان مكتوب حلال

احسن مطعم شفته هو برجر كنج اللي في المجمع التجاري اللي قريب من فندق ميلينيوم .. اكله اشوفه الافضل

المشاركة الأصلية كتبت بواسطة قصة حب تايلندية
http://www.arabtravelersforum.com/tr...8/#post5822388

مطعم اسماء في شنغماي
انا اكلت عندهم ربيان مقلي وتسممت منه

بغيت اموت من الأعراض اللي ياتني
عوار بطن وكرمكم الله اسهال مو طبيعي
والحمد لله طلنا من استقبال الفندق يوصلونا اي مستشفى

وكان الجو خطير وصلنا التوك توك الى مستشفاهم
مستشفى بسيط عجييييييييييب

عطوني علاج وابرتين عشان الأسهال مكرم القارئ
بس انا كنت مفتحة عيني اشوف من وين يطلع الأبر
والحمد لله فتحهم من كيس
لأني اخاف من التلوث والأمراض المعدية
الله يبعدها عنا وعنكم

الحمدلله علي السلامة
ولا تزعلين يا اختي
تم وضع اسم المطعم بالقائمة السيئة



اخوكم عبدالله الكويتي

المشاركة الأصلية كتبت بواسطة قصة حب تايلندية
http://www.arabtravelersforum.com/tr...4/#post5822414

والله نصيحة خلكم على المطاعم التايلندية السي فوووووووووود
المشوي اهلي يقولون عجيب
بس انا من عقب تجربتي بمطعم اسماء كرهت البحري
اخاف يصير فيني شي

غير ان المطاعم العربية غالية عالفاضي واغلب اللي يشتغلون فيهم مو مسلمين بس ملبسينهم حجابات تمويه
هذا الكلام قاله لنا تايلندي مسلم في بانكوك

يعطيج الف عافية علي هالنصيحة ويشرفني مرورج وتعليقج

الف شكر لك اخي الكريم / ابو نجم big bin 609 على هذا الموضوع الهادف و الى الكثيرون استفادو منه
بالنسبة لمطاعم شنجماي انا جربت مطعم الريم ممتاز جدا و عندة وجبات خليجية و المطعم تحت ادارة اردنية ( ام سيف ) و يقع مقابل فندق شنجريجلا بشنجماي ، يمكن يكون البديل المناسب للمطاعم السيئة الى ذكرت في نتيجة الاستبانه لكم .
تقبل تحياتي و بوركت يا عبدالله .

مشكور اخوي علي الموضوع مع العلم اني مقاطع تايلند وحالف اني ماروح لها بسبب تم تغريمي بالمطاره علي شان معاي سجاير بالشنطه وحسبوها تهريب جمركي ودفعوني 23 الف بات وتم تصويري عموما موهذه الموضوع بس حبيت اذكر السبب
في مطعم عراقي ببانكوك ناسي اسم المطعم بس ونت طالع من فندق قريص وكانك بتروح للمطاعم العربيه اسير بالوجه كان عنده موضف تايلندي تعامله سيء سألته عن لون الرز شدني من التيشير وقالي نفس لون تيشيرتك وكان صاحب المطعم موجود ولا كلمه ون كنت مصدوم من التصرف . وبتايا في مطعم هندي بشارع المطاعم العربيه اعتقد اخر مطعم باشارع طلبت شيش طاووق وأكلت وبعدها بنص ساعه حسيت بأعراض الام نفس المغص ونوع من البرد وغثيان وثلاث ايام انتكاس . وفوكيد مطعم دبي الي بنفس الشارع الي فيه كارفور طريقه تقديم الاكل الله يديم النعمه شكله ملقطه من بقايا الصحون

المشاركة الأصلية كتبت بواسطة waleed_8q8
http://www.arabtravelersforum.com/tr...0/#post5837790

مشكور اخوي علي الموضوع مع العلم اني مقاطع تايلند وحالف اني ماروح لها بسبب تم تغريمي بالمطاره علي شان معاي سجاير بالشنطه وحسبوها تهريب جمركي ودفعوني 23 الف بات وتم تصويري عموما موهذه الموضوع بس حبيت اذكر السبب
في مطعم عراقي ببانكوك ناسي اسم المطعم بس ونت طالع من فندق قريص وكانك بتروح للمطاعم العربيه اسير بالوجه كان عنده موضف تايلندي تعامله سيء سألته عن لون الرز شدني من التيشير وقالي نفس لون تيشيرتك وكان صاحب المطعم موجود ولا كلمه ون كنت مصدوم من التصرف . وبتايا في مطعم هندي بشارع المطاعم العربيه اعتقد اخر مطعم باشارع طلبت شيش طاووق وأكلت وبعدها بنص ساعه حسيت بأعراض الام نفس المغص ونوع من البرد وغثيان وثلاث ايام انتكاس . وفوكيد مطعم دبي الي بنفس الشارع الي فيه كارفور طريقه تقديم الاكل الله يديم النعمه شكله ملقطه من بقايا الصحون



تكفى عطنى تفاصيل عن الغرامه على الدخان
لاني دايم اخذ كرز في يدي و كرز في الشنطه خوفي يسوولي مشكله

و ترى نعيد ونزيد المطاعم العربيه في تايلند هي الأسواء على الاطلاق دائماً

بصراحة المطاعم العربية بشكل عام سيئة ماعدا شهرزاد اللي في منطقة العرب نانا

ومثل ماقالو الاخوان عليكم بالمطاعم التايلندية والاكل البحري المشوي يمدحونه

المشاركة الأصلية كتبت بواسطة بن مطير
http://www.arabtravelersforum.com/tr...8/#post5852758

بصراحة المطاعم العربية بشكل عام سيئة ماعدا شهرزاد اللي في منطقة العرب نانا

ومثل ماقالو الاخوان عليكم بالمطاعم التايلندية والاكل البحري المشوي يمدحونه

شكرا اخوي بن مطير علي مرورك وتعليقك

http://www.sh2soft.net/q000p_ramadan.gif

المشاركة الأصلية كتبت بواسطة الجمان المنثور
http://www.arabtravelersforum.com/tr...2/#post5855572

انا توي واصلة من تايلند بصراحة الاكل فيها متعب وصعبة تلقى اللي يعجبك واكثرمطعم عجبنا في بوكيت مطعم الشرق ومطعم القاهرة
اما اللي حابة احذركم منه المطعم اللبناني في بوكيت طلبنا منه سمك زبيدي مشوي ويوم جابها عجزت آكل منها حسيت لاعت كبدي اكرم الله النعمة حسيت كأنها بايتة وفيها ريحة المهم نادينا المصري اللي فيه وقلنا له وكأنه عصب شوي له وجه بعد شين وقوي عين وشقال قال .... اصلا بصراحة الزبيدي مايتشويش بيكون مطبوخ احسن يعني يمكن من الشوي هههههههههههه




مشكور يا اختي علي التنبيه ويعطيج الف عافية

المشاركة الأصلية كتبت بواسطة وين الحبايب
http://www.arabtravelersforum.com/tr...4/#post5857204

يعطيكم العافية




الله يعااااافيك من كل شر

المشاركة الأصلية كتبت بواسطة حسن الحمادي1
http://www.arabtravelersforum.com/tr...4/#post5858974

http://www.sh2soft.net/q000p_ramadan.gif

مشكور يا اخي ابو نجيب علي هالصوره
ومبارك عليك الشهر و كل عام وانت بخير

احسن مطعم في باانكوك

مطعم ايام زمان

او زماني ماني مثبت الاسم

رووعه و نظافه و طعم و لا اروع


و احسن مطعم في بتاايا

مطعم ابو عبدالله رووووووعة


و في مطعم دخلته شميت الريحه على طوول نحشت اسمه مطعم عمان الله يديم النعمه


و من المطاعم السيئه و الغاليه على غير سنع في بوكيت مطعم القااهرة


و القائمة تطووووول


و شكراً على الموضوع الهادف

سلاام

أحب اشكرك على الموضوع

صراحة جربت مطعم بيروت رااااائع

المشاركة الأصلية كتبت بواسطة meshoo_86
http://www.arabtravelersforum.com/tr...8/#post5866378

احسن مطعم في باانكوك

مطعم ايام زمان

او زماني ماني مثبت الاسم

رووعه و نظافه و طعم و لا اروع


و احسن مطعم في بتاايا

مطعم ابو عبدالله رووووووعة


و في مطعم دخلته شميت الريحه على طوول نحشت اسمه مطعم عمان الله يديم النعمه


و من المطاعم السيئه و الغاليه على غير سنع في بوكيت مطعم القااهرة


و القائمة تطووووول


و شكراً على الموضوع الهادف

سلاام

حياك الله اخوي ميشو
يشرفني مرورك وتعليقك

المشاركة الأصلية كتبت بواسطة obosaad
http://www.arabtravelersforum.com/tr...4/#post5866684

أحب اشكرك على الموضوع

صراحة جربت مطعم بيروت رااااائع

لا شكرا علي واجب اخوي ابو سعد

المشاركة الأصلية كتبت بواسطة @ الحنوووون @
http://www.arabtravelersforum.com/tr...2/#post5843332

الحمدلله على السلامة
ماشاء الله كويس روحتي مستشفى
والله ماقدرت أسوي شيء ... أستسلمت
اكلت اخر يومين في المطعم اليمني في نانا ومالنا نية
المهم صجني اليمني الي شغال في المطعم اليمني يطاردني قلت أوك
ودخلت وقال لحم تيس صغير تايلندي قلت أكيد
[b][i][font="arial black"][size="4"][color="blue"]قال اوووف مايحتاج وأخوكم على الصدقه ... ضعيف



اخي الكريم هناك مطعمين يمنيين في نانا تراهم جنب بعض اللي اكلت فيه البتراء او ظبي اليمن ؟

افضل وانظف المطاعم اللي جربتها في بتايا مطعم ابوسعيد وبوكيت مطعم دبي وبانكوك مطعم ايام زمان وشهرزاد
واوسخ المطاعم عن تجربة في بتايا مطعم ابوعبدالله اكله زفر ويعور البطن ومطعم ابوليلى العراقي كبابه بايت وفي بانكوك مطعم ناصر المصري اكله يسد النفس

اناتوي جاي من تايلند ومثل ماقالوالاخوان مطاعم العربية هناك ضاربين ضربتهم مرفعين الاسعارفوق ونفسهم خايسة
انااحسن واحد عندي في بتايامطعم بوعبدالله ومطعم سعيد وامامطعم الزهرة اولاماوصلنابتاياقلنابنتعشاعنده
ورحناوطلبناوالي جايب المينيونافخ خشمه كانه باقي شوي ويطردناالمشكلة خاطرك تغيروتاكل من مطاعم التايلنديين بس مالهم امان ماتدري وش يجيبون لك ولامن الاتشوفه في الشارع ايبيعونه صراصيرحشرات الاحسن تجنبه

المشاركة الأصلية كتبت بواسطة بوعوض
http://www.arabtravelersforum.com/tr...6/#post5871556

افضل وانظف المطاعم اللي جربتها في بتايا مطعم ابوسعيد وبوكيت مطعم دبي وبانكوك مطعم ايام زمان وشهرزاد
واوسخ المطاعم عن تجربة في بتايا مطعم ابوعبدالله اكله زفر ويعور البطن ومطعم ابوليلى العراقي كبابه بايت وفي بانكوك مطعم ناصر المصري اكله يسد النفس

مشكور اخوي بو عوض علي التمبية والتوضيح
بس اللي اعرفه مطعم ابو عبدالله بتايا حيل ممتاز وانا جربته بنفسي اكثر من مره

المشاركة الأصلية كتبت بواسطة bigbin609
http://www.arabtravelersforum.com/tr...8/#post5876938

مشكور اخوي بو عوض علي التمبية والتوضيح
بس اللي اعرفه مطعم ابو عبدالله بتايا حيل ممتاز وانا جربته بنفسي اكثر من مره

المشاركة الأصلية كتبت بواسطة ali_amor
http://www.arabtravelersforum.com/tr...0/#post5873140

السلام عليكم ومبارك عليكم الشهر الفضيل وانشالله يكون شهر خير وبركة للجميع ..

أول مشاركه من أخوكم من البحرين ولي وجهة نظر معينه بالنسبه للسفر والأكل، وخصوصا في تايلاند ..

بالنسبة لي ما أقرب جنب مطاعم العرب والأكلات الخليجية .. بذمتكم الحين، طول السنه واحنا اندح في هالمجابيس والبرياني والمندي والمظبي وغيره وغيره ... حبكت السالفه اني لازم اكل خليجي في تايلاند بعد؟؟ طول السنه أصبر وانتظر الأجازه وأقص التذكره بذيك الحسبه واتحمل الطياره سبع ساعات ماني قادر انام وفي النهايه اروح أكل خليجي ؟ شهر واحد بس معقوله ما اقدر اترك المجبوس والبرياني؟؟ با كثر المطاعم التايلنديه السنعه .. لازم نجرب يا اخوان ونعيش ثقافة البلد وفي مطاعم بالحدس والحس تقدر تعرف اذا كان طيب أكله او لا وأكيد راح اتكون ارخص .. من 60 بات الى 400 بات بس مو أكثر (أخذت أكثر من شخص لهالمطاعم والكل استغرب من السعر وحلاوة الأكل)

أنا أفضل المطاعم الشعبيه التايلنديه ومطاعم السي فود والحمدلله طول هالسنين ما صادتني مشكله بالأكل أو المعامله .. نصيحتي للكل (قابله للأنتقاد) انكم تتركون مطاعم الشو والفاخره وعليكم بالمطاعم الشعبيه والله راح تشوفون أكلات عجيبه وغريبه والطعم بلاوي (للحين اتذكر الطعم في حلقي) والسفر تجارب ومغامرات.

وشكرا على الموضوع الحلو ..

مشكور اخوي علي يعطيك العافية
ويشرفني مرورك وتعليقك
ومثل ما قلت المفروض نبعد شوي عن المجابيس في تايلند
لازم نريح المعده شوي ونجرب اكلات السي فود

بالنسبة للدخان كرز لكل واحد هذا قانونهم ويجب احترامه وهم محذرينك قبل لاتجي مو بس تحبون تكسرون القانون وتقولون ما يحترمون السايح هم ناس يختلفون عنا ما عندهم بيع برد القانون يطبقونه بحذافيره مو مثلنا
لا وازيدكم من الشعر بيت اعرف واحد اخذ معاه 3 كروز وفتحهم وفلهم بالشنطة وحطوا عليه قضية تحايل فوق الغرامة الجمركية
الزبدة لازم تحترم قوانين اي بلد علشان تمشي امورك تمام او تتحمل مايجيك

المشاركة الأصلية كتبت بواسطة bigbin609
http://www.arabtravelersforum.com/tr...8/#post5876938

مشكور اخوي بو عوض علي التمبية والتوضيح

بس اللي اعرفه مطعم ابو عبدالله بتايا حيل ممتاز وانا جربته بنفسي اكثر من مره

صح كلام اخوي مطعم ابوعبدالله ممتاز قبل بس الحين تغير وصار مو نظيف وابوعبدالله الحين ما يقعد بتايلند دايما بالكويت وسلم المطعم لسوري وعراقيين اللي لعبوا فيه لعب وخربوه والاكل كله بايت والبطاط اللي بالمرق لونه اخضر الله يديم النعمة وين لك نفس تاكل

المشاركة الأصلية كتبت بواسطة بوعوض
http://www.arabtravelersforum.com/tr...6/#post5879396

صح كلام اخوي مطعم ابوعبدالله ممتاز قبل بس الحين تغير وصار مو نظيف وابوعبدالله الحين ما يقعد بتايلند دايما بالكويت وسلم المطعم لسوري وعراقيين اللي لعبوا فيه لعب وخربوه والاكل كله بايت والبطاط اللي بالمرق لونه اخضر الله يديم النعمة وين لك نفس تاكل

مبااارك عليكم الشهر

عساااكم من عوااده

بوعوض بصرااحه انا مستغرب من كلامك عن مطعم ابو عبدالله

بالعكس من افضل و انظف المطاعم العربية في بتايا

و العاملين فيه فوق راسك ينطرونك تطلب بس

و بالذات السوري ابورجا الله يذكره بالخير

و الاخ ابوعبدالله صاحب المطعم

كان متواجد فوق بالمطعم

و سلمت عليه في سفرتي اللي طافت في شهر 4 في ( عيد الماء )

فديت اخلاقه و فديت صلعته

حبيب هالرجل

و بالنهاية وجهة نظرك نحترمها

و انا قلت عن تجربتي و تجربت الربع ِ

المشاركة الأصلية كتبت بواسطة meshoo_86
http://www.arabtravelersforum.com/tr...2/#post5882832

مبااارك عليكم الشهر

عساااكم من عوااده

بوعوض بصرااحه انا مستغرب من كلامك عن مطعم ابو عبدالله

بالعكس من افضل و انظف المطاعم العربية في بتايا

و العاملين فيه فوق راسك ينطرونك تطلب بس

و بالذات السوري ابورجا الله يذكره بالخير

و الاخ ابوعبدالله صاحب المطعم

كان متواجد فوق بالمطعم

و سلمت عليه في سفرتي اللي طافت في شهر 4 في ( عيد الماء )

فديت اخلاقه و فديت صلعته

حبيب هالرجل

و بالنهاية وجهة نظرك نحترمها

و انا قلت عن تجربتي و تجربت الربع ِ

كلامك صحيح يا اخي
انا عن نفسي مجرب هالمطعم حيل ممتاز
يمكن صاير اهمال بالمطعم

هلا ابو نجم ...... Bigbin609 كيف الحال ؟ عساك بخير
اشكر مجهودك السخي و اطروحاتك الهادفة . اتوقع الان الرؤية واضحة بخصوص المطاعم العربية بتايلند ، بعد كل الاراء الى شاركو فيها معظم الاخوان الاعضاء بكل صراحة و اخلاص ، الرجاء منكم تقييم هذة الاستبانة و البدايل المناسبة للمطاعم السيئة . حتي تؤدى رسالتك الحميدة لقطاع كبير من رواد المنتدي و المسافرون الى تايلند ان شاءالله .
بارك الله فيك و دمتم ذخرا يا عبدالله """""

شهر مبارك على الجميع

كنت اتمنى اسمع حد يقول بطلت تدخين

وكل عام وانتم بخير

الهدار مستحيل تسمع احد يقول قطع التدخين انا اعطي مليون اللي يقطعه
اخوي عبدلله مشكور على هالطرح الجميل والجيد
واشكر كل من يعطينا من تجاربه الجميله والسيئه والتعيسه من اهم ما يجتاج اليه الشخص في السفر المطاااااعم

اشكرك اخي على الموضوع

لكن هل المطاعم العالميه اكلهم حلال واذا كان حلال فهي الافضل لأن الجميع يريدها بس خايف

اما التايلنديه من ناحيتي فالله يعز النعمه تكرهك في الاكل .

ودمتم

بارك الله في اخواني الافاضل الموضوع هو القائمة السوداء للمطاعم في تايلاند

وليس كيف تهرب السجائر الى تايلاند !!!!!!!

وكل عام وانتم بخير شهر مبارك

المشاركة الأصلية كتبت بواسطة ليمونة حزينة
http://www.arabtravelersforum.com/tr...8/#post5903838

الهدار مستحيل تسمع احد يقول قطع التدخين انا اعطي مليون اللي يقطعه
اخوي عبدلله مشكور على هالطرح الجميل والجيد
واشكر كل من يعطينا من تجاربه الجميله والسيئه والتعيسه من اهم ما يجتاج اليه الشخص في السفر المطاااااعم



انا قطعته أعطيني مائة الف ومسامح بالباقي

المشاركة الأصلية كتبت بواسطة ابودحمي
http://www.arabtravelersforum.com/tr...8/#post5902538

يعطيك الف عافيه

الله يعاااافيك من كل شر
ومبارك عليك الشهر

المشاركة الأصلية كتبت بواسطة الهدار
http://www.arabtravelersforum.com/tr...8/#post5903228

شهر مبارك على الجميع

كنت اتمنى اسمع حد يقول بطلت تدخين

وكل عام وانتم بخير

علينا وعليك اخوي الهدار وين هالغيبه

المشاركة الأصلية كتبت بواسطة ليمونة حزينة
http://www.arabtravelersforum.com/tr...8/#post5903838

الهدار مستحيل تسمع احد يقول قطع التدخين انا اعطي مليون اللي يقطعه
اخوي عبدلله مشكور على هالطرح الجميل والجيد
واشكر كل من يعطينا من تجاربه الجميله والسيئه والتعيسه من اهم ما يجتاج اليه الشخص في السفر المطاااااعم

لا شكرا علي واجب يا اختي

المشاركة الأصلية كتبت بواسطة ابوليونه
http://www.arabtravelersforum.com/tr...8/#post5904588

اشكرك اخي على الموضوع

لكن هل المطاعم العالميه اكلهم حلال واذا كان حلال فهي الافضل لأن الجميع يريدها بس خايف

اما التايلنديه من ناحيتي فالله يعز النعمه تكرهك في الاكل .

ودمتم

حياك الله يا اخي العزيز
يشرفني مرورك وتعليقك

المشاركة الأصلية كتبت بواسطة الهدار
http://www.arabtravelersforum.com/tr...6/#post5905896

بارك الله في اخواني الافاضل الموضوع هو القائمة السوداء للمطاعم في تايلاند

وليس كيف تهرب السجائر الى تايلاند !!!!!!!

وكل عام وانتم بخير شهر مبارك

مشكور يالهدار علي التوضيح
لان بعض الاعضاء قلبوا الموضوع الي تهربين
شكلنا راح نشكل مجموعة عصابة من الاعضاء لان باين عليهم عندهم خبره بالموضوع
ومتخصصين بتهريب السجائر
هههههههههههههههههههه

*

المشاركة الأصلية كتبت بواسطة بن ذي يزن
http://www.arabtravelersforum.com/tr...8/#post5908618

انا قطعته أعطيني مائة الف ومسامح بالباقي

هههههههههههههههههه

مرحبــــــــــــــا ,

بالنسبة لي ما اتقرب ابدا صوب المطاعم العربية بصراحة ملينــــــــــــــا وغالية عالفاضي ,,,

اكثر شيء اخذ من المطاعم التايلنديــــــــــــــــة تغييــــــر , واحيانا الفاست فــــــــــــــود ,,,




+++++ ما انصح بمطعم ( برجر كنج ) في جانسليون مـــــــــــول ( بوكيت ) , الوجبة كانت مش مستوية ابدااااااااا ابدااااااااا ,,,

تحية للجميع ........... مطعم شهرزاد على روحاتي له ماغيرته لانه الافضل
تكلمتوا عن التغيير بالسي فود .... لكن ماذكرتوا وين مكان المطاعم سي فود واسمائهم والنظافة