الموضوع: ارجومنكم النصيحة صيفصلالة خطر اوأمن

ناوي السفر الى صلالة صيف 2006 أرجو منكم النصيحة هل السفر عن طرايق البر او جوه حيث يوجد مع سيارة يوكون 2005 جديدة الحمدالله وشكرله (ويجب ذكر سباب اذاكان فيه سباب) ملاحظة حيث اننى عائله مكون من 6 أشخاص الأب و زوجة ابن 7سنة بنت 5سنوات ابن 2سنوات ابن 1سنة المدة 15 يوم فى صلالة الرجاء أعطي التكلفة او ميزانية عائله مكون من 6 أشخاص سوا عن طرايق البر اوالجوى وكم سعر التذكرة

مواضيع عشوائيه ممكن تكون تعجبك اخترناها لك:

• كيف ازور صلاله ثم دبي
• تقرير مصور الى صلالة طازج سبعين صورة من اخوكم احمد البحريني
• المدينة الزرقاء في سلطنة عمان
• أفضل الطرق للذهاب الى صلالة جوا
• منتجع شانغريلا بر الجصة
• رايح لصلاااااااااله هذا الاسبوع وابي مشورتكم
• للتو رجعت من صلالة مرورا بمسقط إللي عنده سؤال يتفضل
• استفسار عن طريق صلالة
• ما رايكم في فندق بوابة الشرق بدمشق
• إنشاء مركز لتطوير الطيران في عمان
• مخابز صلاله
• نرجو المساعدة من الجميع
• عتب شديد جداا على الاخوان في صلاله
• الأخوه اهل عمان كيف وضع السكن بعد
• اخوي سالم بن سيف منطقه شير
• إتين والسياح، بتاريخ
• سؤال للمسافرين الى صلاله
• صوربعدسة العماري سبحان الله
• رحلتي الى مدينة صلاله بالصور الجزء الأول
• سؤال ماحد أسائلة قبلي ولابعدي ههههههههههههههه ياعمانيين جاوبوني لو تكرمتم

اخي / ابو عبد الملك


انت متأكد بتسافر عُمان والا الهند .
ترى والله ما فهمت شيئ من سؤالك .
شكلك اجنبي عايش في الخليج .

تحياتي

اولاً اشكركم اخواني eyesmax و البركان على مروركم الطيب وعذراً على ردائة الإملاء لأني كنت مستعجل جداً ... ولم أراجع النص واسمحوا لي أن أقدم لكم اعتذاري مرة اخرى .... والرجاء منكم الرد على موضوعي لو تكرمتوا لاني مستعجل على الرحلة ... وأحب أن اوضح السؤال مرة أخرى .. وهو إنني أريد السفر لمدينة صلالة عن طريق البر .... لمدة 15 يوم ولم يسبق لي أن سافرت لها والسؤال هنا أولاً هل أذهب عن طريق البر أو عن طريق الجو وكم ستكلف الرحلة في الحالتين ؟؟ وأي الطرق أفضل هل عن طريق الدمام أو طريق حرض .. ؟؟؟
ملاحظة / عائلتي مكونة من 6 أشخاص أنا وزوجتي وأبنائي .
ثانياً / هل يوجد هناك أماكن صراف آلي ؟؟ لأني لا أريد حمل كاش ...
ثالثاً / هل يوجد أماكن ترفيه للأطفال ...؟؟؟
ولكم جزيل الشكر ... مع العلم انني من السعودية ..

:114: وجزاك الله خيراً (أبو منصور )عن طريق الجو وكم ستكلف الرحلة

السلام عليكم..
ابو عبداللملك اسف على التاخير.

انا ما اقدر اقوللك روح بالسياره لاني ما ادري وين بتكون نقطة الانطلاق عندك..
انا اروح سنويا بالسياره من الدمام بسوبر بان موديل 93 بس معتني فيه وقبل لا اسافر احط فيه كل شي جديد.. وجربت بمكسيما وبالوانيت ولا كان فيه اي مشكله معاي.

المسافه من الدمام الله يسلمك ما يقارب 2200 كم :24:

امشي من الدمام واروح الى ابوظبي وانام عند الخوال هناك. اما بالنسبه لك تقدر تستاجر في فندق المفرق

ثاني يوم امشي صوب العين واتجه الى منفذ حفيت وليس المنفذ الاخر.. واكمل سواقه الى ولايه هيما اللي تبعد عن ابوظبي حوالي 800 كم. هناك يوجد اكشاك على يمين الخط ويساره تقدر توقف وتنام الى الفجر اذا كان معاك فرشه ومخدات. او تقدر تستاجر في احد المحطات 15 ريال عماني للغرفه الوحده

مع طلوع الفجر نفطر ونكمل ال 500 كم الباقيه عن صلاله.

على فكره سعر التذكره ما يقل عن 2000 ريال ولا تنسى انكم ماشاء الله 7

انا بقوللك شي العام كان معي 12 شخص
6 كبار و 6 صغار
من الدمام الى صلاله الى الدمام ما كلفتني 15000 ريال كاملة المصاريف

لو انا رحت بالطياره خلنا نقول التذكره 2000 وليست اكثر
2000x12=24000 او اكثر وهذا المبلغ الصراحه حرام ادفعه لتذاكر انا اقدر اوفرها
ولا تنسى فوق المبلغ هذا بتستاجر سياره هههههههههه
يعني ما تسوى عليك طيران

الا اذا انت مستطيع الدفع ما اقول الا جعلك عالقوه

اولاً eyesmax يعطيك العافيه .. ولكم جزيل الشكر ... مع العلم بتكون نقطة الانطلاق طريق الخرج حرض باسياره يوكون موديل 2005 ..

انت رحت من قبل للامارات او لا؟
هل رسمت خطه وكتبت الاغراض اللي تحتاجها او لا؟

اخي eyesmax لم يسبق لي أن سافرت للامارات

عبد الملك من وين اخوي العزيز طلعتك

و إن شاء الله تحصل وصف الطريق موجود

عندك خبير خطوط اخونا المهاجر

اخ ابو عبد الملك
اوعدك اني راح ارتبلك كل الامور بس اللحين انا مشغول بمساعدت احدى الاخوات بتروح يوم الجمعه التشيك.
فا لضيق الوقت اللي عندها احاول اني اخلص موضوعها اليوم وبكره

وانشالله يوم السبت ابدي خطوه بخطوه معك

هل يناسبك الموضوع كذا؟؟

كتكلفه ماليه بتفرق معك 13000 الف ريال تذاكر وايجار سياره
انا اميل لراي اخوي ابو منصور
الطريق طويل ومتعب مع انه امين لكن صيف واطفال و2000 كيلو متعبه
خاصة ال 1000 كيلو الاخيره
والله يوفقك

نسيت
لا تنسى تاخذ بخاخ للناموس للاطفال

اها ما قريت ردك عن طريق الخرج

تاخذ الطريق من الخرج إلى نهاية الطريق حرض و بعدها بتوصل إلى مركز حدود البطحاء أظن المسافه من الرياض 470 كيلو أظن كذا حسبتها اذا ما نسيت

المهم من مركز البطحاء دربك إلى مركز الغويفات الإماراتي بحدود 20 كيلو و بعدين من الغويفات إلى المفرق تقريباً 335 كيلو و الطريق سالك خطين مو خط

و لما توصل للمفرق عندك عدة إختيارات ( إلى الأمام ) دبي ( يسار ) أبو ظبي ( يمين و هو طريقكك بإذن الله ) العين و المسافه التقريبية 110 كيلو و الطريق مراقب بالرادار و حدود السرعه 120 و يعطونك إلى 140 أظن كذا

لما توصل العين إتبع طريق حفيت يعني قبل لا تدخل وسط العين في لفه يمين تاخذ لمزيد و بها مركز الحدود الإماراتي للخروج إلى عمان ( هذا إذا بغيت تروح على طول صلالة و إن كنت ما اشجع يعني تنزل مسقط أفضل ترتاح يوم و يومين و بعدين تكمل - بس تزيد المسافه عليك )

و اذا كان عن طريق العين نزوى صلالة الباقي هنا http://www.travel4arab.com/vb/showpo...61&postcount=5

وجزاك الله خيراً ... أخي وين رايح و قصدي خير و eyesmax و أبو منصور اشكركم اخواني على هذا التوضيح ......حكمة غالية اهديها الاخواني (من وجدالله فماذا فقد ومن فقدالله فماذا وجد.........:smile001:

اخ ابو عبدالملك ...
ممكن تحدد موقفك (طياره او سياره)

أخي eyesmax .... هل أذهب عن طريق البر أو عن طريق الجو وكم ستكلف الرحلة في الحالتين ؟؟ وأي الطرق أفضل هل عن طريق الدمام أو طريق حرض .. ؟؟؟ (100% 100 عن طريق البر)
ملاحظة / عائلتي مكونة من 6 أشخاص أنا وزوجتي وأبنائي

الاخ الكريم ابو عبدالملك

كل واحد وله نظره خاصه فيه... انا انسان يتمتع بسفره بالسياره.. لدرجه ان يوم الاربعاء بعد الدوام 4 العصر امشي لابوظبي اجلس فيها الخميس والجمعه ارجع....مب صاحي.

عموما ميزه السفر بالسياره انك راح تاخذ معك عزبتك كامله "شراشف و مخدات و عدة الطبخ والشوي وكل ما تبي" لكن الطياره انت محدود بالوزن.

السفر من الرياض الى حدود السعوديه عن طريق حرض ما عندي فكره عنه. بس اتوقع انه افضل من انك تجي الدمام وترجع مره ثانيه اتجاه الحدود..

نترك هذا الخيار لك ونبدا من الحدود السعوديه "مركز البطحاء" اللي بعدها مباشره حدود الامارات "مركز الغويفات"
الاجراءات في المركزين سهله وما فيها تعقيد.. وقبل لاتطلع من حدود الامارات تامن السياره لمدة 10 ايام بـ 100 ريال.

المهم انا اعتذر الحين لكن انشاء الله السبت اوعدك

طريق خرج - حرض افضل شي تسوق فيه الصبح لأنه فيه كثبان رمليه

السلام عليكم .. هذه اول مشاركة لي ارجو ان تساعدوني ..واعذرني يا اخ ابو عبدالملك دخلت عرض عليك أنا ناوي أسافر صلالة ان شاء الله بشهر شعبان .. ماادري احجز من الان والا بدري ؟ وكم تكلفني الرحلة لو قعدت اسبوع؟ وهل هي مدة كافية ؟ وتستاهل والا لا ؟ وصحيح ان الاكل والشرب والموصلات هناك غالية ؟؟ مع العلم اننا 3اشخاص انا وزوجتي وطفل (سنة).. ارجو من الاخ eyesmax المساعدة بأي وقت ان انتظر عادي .... وشكر لكم

الاخ ابو عبدالملك السلام عليكم اولا قرارك بقضاء الاجازه في صلاله قرار اكثر من رائع وانا اويد الاخوه في مساله السفر بالسياره للاسباب التاليه اولا توفير المصاريف نظرا لغلا اسعار التذاكر ولان عدد الاسره كبير ما شاء الله وللحاجه لاستخدام السياره وخصوصا انها ما شاء الله دفع رباعي وهو المطلوب رغم انني سافرت العام بسياره فورد كراون فكتوريا ولكن لي ملاحظه للاخوان بالنسبه للطريق اليس من الافضل اخذ الطريق المختصر اقصد طريق الغابه حيث نصحني به موظفوا منفذ حفيت وان كان احد الاخوه جرب هذا الطريق و ايضا طريق نزوى يذكر لنا الافضل مع ذكر الاسباب ودمتم بخير

اخوكم / سراب السنين

:m12: :m12: :m12:

ليش ماحد يرد على .. ما تبوني اسافر ...
ارجوووووووووووووووكم
:m9:

السلام عليكم

ابو عبدالملك ... انا شخصيا اروح سياره وحده.... دام سيارتي جديده ومسويلها فوحوصات ليه اخاف..انا اخذت بالاسباب والباقي على الله سبحانه..
اخذ معي بعض العده احتياط مثل سير المكينه وخرطوش الرديتر بس الحمدلله ما عمري احتجت لهم.
اهم شي السرعه ... اضبط نفسك لانه معاك ناس بذمتك ومسؤل عنهم.

المسافه من نزوى الى صلاله 850 كم.... تقريبا المحطات بمعدل 150 كم بين هم او اقل

لا تنسى انا اقول لك وقف في الليل في هيما ونام الى الفجر. وبعدين كمل ال 500 كم الباقيه
يعني توصل صلاله الظهر.\

السكن انا ما احجز من هنا لاني اروح لمكتب عقاري اتعامل معه ويطلع ويفرجني على كل البيوت المعروضه عنده.

:24: أخي eyesmax جزاك الله خيراً

أخي eyesmax جزاك الله خيرا التكلفة مع الفندق والاكل والطريق

السلام عليكم..
انا اسف على التاخير

اخ ابوعبدالملك...
انا دايما اسكن في منطقه السعاده... في مكاتب عقاريه هناك وقف عند اي واحد وخله يدور معك على البيوت والشقق اللي عنده... اسعار البيوت من 20 ريال عماني الى 50 ... يعني من 200 ريال سعودي الى 500
انا اغلى بيت خذته كان 350 لانه جديد...

اما الاكل ... لاني اروح بالسياره اكون ماخذ كل شي معاي ... قهوه و هيل و معلبات و رز و بهارات و عدة الشوي وكل شي... ماعدا الاشياء اللي تخرب مثل الخبز والدجاج والخضروات.
كذا اوفر كثير على نفسي... وهناك مطاعمهم لك عليها شوي... "بعد السعوديه" فا حنا دايما نطبخ بالبيت و ناخذ الغدا برى او نطلع نشوي "لو همبرغر" لان الجو يساعد مرررررررره

اما الطريق.... طبعا بنزين السياره ما ادري وش مصروفها.... حاول تعبي في اخر محطه في السعوديه ... لانها بتفرق واجد... عن الامارات... راح يوصلك حدود عمان اذا زي السوبربان
البنزين في عمان اغلى لكن ما راح ياذيك مره "السوبر كان يعبي بـ 180 ريال"

نصايح بسيطه:
-تاكد ان الكفرات بحاله جيده قبل لا تمشي.
-تاكد ان المساحات ممتازه لانك راح تستخدمها على طول.
-تاكد ان الفرامل فيها عمر.
-ولا تنسى على الاقل تغير سير المكينه.
-فيه شنطه خيش مشمع ..اظن يسمونه تنزاني... اشتر وحده وحمل كل عفشك فيها فوق السياره ولا تخلي الا شنطه صغيره للضروريات وغيارات الاطفال... ولا تنسى تربطها بحبال لا تعتمد على حبالها.
-اكتب ورقه من الحين بكل الاشياء اللي بتاخذها عشان ما تنسى
-خذ معك فحم ابيض "حق الوقده" لانه ما ينباع عندهم. وخذ منقل للشوي وفرشه للطلعات.
-لاتنسى تعتمد على القير في صعود الجبال والنزول "بعض الاماكن بتحتاج D2 في الصعود لكن في النزول في الاغلب 3 مع مسكات خفيفه للفرامل واذا حسيت انها تدحدر بقوه 2 ما يقول شي بس ساعده بالفرامل.
-الرذاذ يزيد كل ما طلعت فوق وكل ما قرب المغرب وتصير الرؤيه معدومه فا لاتغامر بنفسك وعيالك واجد.
-اذا سيارتك ماهي 4x4 لا تنزل اماكن الطلعات منها قويه مثل وادي الدربات او كهف طيق... الكفرات ما تمسك.... ولا تحاول الوقوف في اماكن العشب فوق الجبال لان تحت العشب ارض طينيه ولا تمسك الكفرات فيه... تدور على الفاضي.


واذا فيه سؤال انا حاضر

مشاء الله

الاعضاء كفوو ووفوو

ربي يخليكم للمنتدى

السلام عليكم و رحمة الله و بركاته

أنا كذا مرة أفكر أزور صلاله و لكن لأن العائله كبيرة و الطريق طويل كنت أكنسل الفكرة

لكن السنه هذى بأذن الله ناوي عليها و لكن عندي بعض التساؤلات
ماشاء الله أغلب تساؤلاتي جاوبتم عليها بالنسبه للسكن و التكلفة

لكن أخواني جزاكم الله خير عندي سؤال

هل الطريق من حفيت إلى عبري آمن لعائلة بسيارة واحدة ..... صراحة فيه ناس ما شجعوني علية

مع أن فيه أختصار كبيرعن طريق البريمي مسقط حسب ما سمعت

أيضا هل تتوفر عليه محطات بنزين ( بنزين و بقالة و بنشر ) و قرى مأهوله أم لا

و أيضا أدري طولتها هل 15 يونيو مناسب للسفر لصلاله أم لا

و شكرا

انا بروح لدبي بالسيارة وش افضل طريق الخرج او طريق الدمام المفرق الذي قبل الدمام ب150 كيلو تقريبا