الموضوع: رحلة كروز استفسر فندق ميلايا بنسكن في برشلونة في فندق Melia خمس نجوم

الاماكن كثيرة ..راح تلقى تقارير عنها ..الجو حار الله يعينك بشوف الفندق وارد لك من الموبايل

وعليكم السلام

نفس حالتي أنا طالع رحله كروز شهر أغسطس (8) من برشلونه مدتها 7 أيام
وبأجلس في برشلونه 5 أيام


بالنسبه للجو بيكون حار قليلا مثل ما ذكرت الأخت فوق .. لكن درجات الحراره تتراوح بين 26 الى 32 .. بالنسبه لنا أهل الخليج
ميزه السفر بهذا الشهر في الكروز خاصه أنه الواحد يقدر يستخدم المسابح والفعاليات بسطح السفينه بكل راحه ويكون الجو مناسب


أما بالنسبه للأماكن في برشلونه .. فحسب ذوق كل شخص ... البعض يحب الأسواق واماكن التجمعات والمهرجانات والبعض يحب المناظر الطبيعيه والبعض يحب المعالم الأثريه
لكن بالنسبه لي أرشح بعض الأماكن هاديه وجميله مثل


شارع الرامبلا
هذا يكون مكتض بالجنسيات والسياح والشارع مخصص للمشاه أكثر لأن فيه محلات متعدده من ماركات وغيره وفيه عروض وأستعراضات من أهل البلد بشكليات جميله .. الشارع جميل جداً بالنسبه لي ومن أهم المعالم ببرشلونه
وأيضاً بآخر الشارع يطل على البحر وتحصل تمثال كولومبس الشهير ومن الجهه الثانيه من الشارع تواجه أفضل ساحات برشلونه وهي ساحه كاتالونيا


المعرض المائي أو حوض الأسماك L'Aquarium
من أكبر المعارض المائيه وفيها ما يقارب 3500 نوع من المخلوقات البحريه .. أنصح بزيارته وهو موجود بنهايه شارع الرامبلا في الميناء البحري للقوارب .


ملاهي portaventura
أصنفها أفضل ملاهي بالنسبه لي في أوروبا لأنها تجمع ما بين الملاهي المائيه والملاهي الأعتياديه ... تحتاج زيارتها يوم كامل ومن الصباح لأنها تبعد 100 كيلو عن برشلونه لكن التكلفه والمده بالقطار قليله جدا


كنيسه sagrada familia
وهو أهم معلم سياحي في برشلونه وله تصميم غريب جداً


تقدر تشاهد اي مما ذكرت بقوقل وتطلع عليه أكثر


وبالنسبه للتنقلات في برشلونه أنصح بأستخدام المترو وأتباع الخريطه السياحيه تحصلونها بالفنادق توزع أو تحصلها بالنت متعدده أو برامج في الجوال متخصصه بالسياحه
وأيضاً عندكم الباصات السياحيه .. ولها ألوان .. وكل لون له مزارات معينه وخط سير خاص به .. (لكن بالنسبه لي أنصح بالتنقل بالمترو للزيارات لأن الواحد ياخذ راحته أكثر يتفرج ويتمشى ولا ينتظره أحد)




وبالأخير أي سؤال بالنسبه للكروز أو برشلونه حاضرين ...


وهذي أول مشاركه لي بهذا المنتدى والصرح العضيم .. وآسف على الرد السريع

شكرا على الردووود من الموبايل

الحين غيرنا الخطة وبيدا الكروز تبعنا من روما ،، بنقعد يومين في روما وعقبها كروز اسبوع وعقب بنروح فانيس
حبيبت استفسر عن فانيس وروما شنو الاماكن الحلوة الي فيها؟! من الموبايل

الجو راح يكون حاروماعندي فكره عن الفندق
لكن جربت فندق رويال رامبلا كان راااائع من كل النواحي