الموضوع: أسئلة بخصوص موريشيوس

السلام عليكم أخواني وأخواتي اعضاء المنتدى

عندي استفسارات بخصوص جزيرة الأحلام " موريشيوس " وحاب اسوي لي برنامج وما أستغني عن اللي سبقني وزارها خصوصاً ان السفره هذي " شهر عسل " وحاب تكون مميزة تاريخ السفر في 20 جولاي إن شاء الله قرأت كثير في المنتدى كذا تقرير بس حبيت الاشياء المميزة في الجزيرة عندي استفسار عن ...



أفضل الفنادق ... وأتمنى وضع رابط او صور عشان اطلع على الفندق ( وياليت يتم ذكر اي منطقة شرق او شمال او جنوب او غرب ) ؟

الأماكن السياحية ؟

المطاعم الراقيـة ؟


كم المدة اللي تنصحوني اجلس في الجزيرة ؟ ( لاني بعدها راح ارجع واجلس 4 ايام في دبي ) ...


مشكور مقدماً للجميـع ...

مواضيع عشوائيه ممكن تكون تعجبك اخترناها لك:

• ساعدوني باختيار فندقين بالمالديف
• ابي مشورتك با ابوعزيز
• نبي الدليله والغشيم يفكنا منه
• استفسارعن مجمعات المالديف
• أبغى جزيرة جوها معتدل
• قبرص
• فزعتكم الله يعافيكم محتاره بشهر العسل؟
• استفسار حول المالديف
• رغبة السفر للمالديف
• الله يسعدكم جاوبوني
• استفسارات عن مورشيس
• ابو الريم ناوي يروح لها ومالقى غيركم يدله
• كم سعر التذاكر من السعوديه الى كيب تاون
• جزيرة بالي
• العريس يبي شووركم موريشوس والمالديف لشهر العسل
• اتمنى المساعده لبرنامج لجزر المالديفودبي؟؟
• عاااااااااااااااااااااااجل ابو عزيز وخبراء المالديف
• رحلتي إلى جزر السيشيل
• رحلة لمناسبة خاصة
• محتاريين مليون بالمئة ممكن تساعدونا

منتظر ردودكم ..

هلا يا اخوي ...

المده انصحك انها تكون مب اكثر عن 7 ايام ..

انصحك بفندق البراديس في الجنوب الغربي او الشوقر بيتش في الغرب ...

اما افي الشرق انصحك في البيل مار ...

الاماكن السياحية تقدر تشوف الموضوع المثبت لمشرفنا بو عبدالعزيز .. ما قصر حط الاماكن المهمه ...

والله يوفقك و مبروك مقدما

أولاً:: مبروووووووك الزواج........الله يوفقك

ثانياً:: ليش اخترت جزيرة موريسيوش لقضاء شهر العسل..؟؟

ثالثاُ:: قريب زميل لنا بالعمل زار الجزيرة ويمدحها....لكن...!!!!

ترآآآآآآآآآآآآها ....غآآآآآآآآآآآآآآآآلية..وغالية جداً..أكثرمما تستحق ..!!!

مرة أخرى الله يوفقك...

المشاركة الأصلية كتبت بواسطة بينانغ
http://www.arabtravelersforum.com/tr...9/#post2804179



أولاً:: مبروووووووك الزواج........الله يوفقك

ثانياً:: ليش اخترت جزيرة موريسيوش لقضاء شهر العسل..؟؟

ثالثاُ:: قريب زميل لنا بالعمل زار الجزيرة ويمدحها....لكن...!!!!

ترآآآآآآآآآآآآها ....غآآآآآآآآآآآآآآآآلية..وغالية جداً..أكثرمما تستحق ..!!!

مرة أخرى الله يوفقك...




أخوي الكريم بينانغ


الله يبارك فيك إن شاء الله ...

أخترتها توصية من راح لها من الأهل والمنتدى اللي الكثير أثناء عليها وأنها فيها نشاطات مختلفة وهادية ورمانسية وطبيعة متنوعة وتعرف بداية الزواج تحتاج لمكان هادي تلاقي وقت تتعرف على شريك حياتك ...

لكـن أيـش ؟؟

بنسبة انها غالية حاسب حسابي لهشي أهم شي التوفيق من رب العالمين ودعواتكم الصادقة ...

يعطبك ألف عافية ومشكور على تواجدك ..


تحياتي

السلام عليكم


ممكن أحد يفيدني بسائق يعرف عربي يرسلي رقمه خاص او حسب ماهو متبع في المنتدى من تعليمات ..



حجزت فندقين ( الفور سيزن و شوقر بيتش ) رايكم في الفندقين وماهي أبرز سلبيتهم وايجابياتهم ..


رايكم في مطاعمهم

Acquapazza

Beau Champ

Bambou

Le Club


وياليت أسمع نصائح اللي سبقوني للجزيرة ( سواءً تجهيزات معينة أخذها معاي أو الاحتياط من أشياء هناك ) ..



مشكور مقدماً للجميـع

السلام عليكم ورحمة الله وبركاته
اتمنى أن انفع هذا المنتدى منذ زمن.ولكن عدم معرفتي بتحميل الصور أشكل علي
أمابعد:أخوي موفنبيك
قضيت شهر العسل في ميروشيس7 ليالي ودبي5 ليالي
خمس ليالي بفندق بلمار.وليلتين في برادايس
(فندق بلمار)أربع نجوم ولكن يستحق خمس نجوم بجداره للأسباب التاليه:
الفندق جميل جدا. الخدمه جدا راقيه. البوفيه رائع خاصة قسم الحلويات(الحلويات كل ليله يضيفون أنواع جديده)
ترافقك أحدى العاملات إذا أردت أن تعرف الاكل الحلال من الحرام(ويجب تركيزك على هذا الموضوع)
الإفطار على الجهه المواجه للمسبح فرصة لاتعوض
الغرفة الطابق الأرضي جميله
تعليق زوجتي على هذا الفندق بانه أونس(أي تشعر بارياحيه اكثر) من فندق برادايس
(فندق برادايس)خمس نجوم غالي ولكن غرفته جميله جدا بشرط أن تكون الغرفه بالطابق الثالث (تشوف البحر وانت على سريرك) الغرفة كبيره والجلوس بها متعه. يوجد بالفندق سبا
العيوب:الفندق كبير جدا. غير مريح نفسيا. البوفيه لم يعجبني. المسافات بعيده(يوجد عربات تنقل بين مرافق الفندق). إن زرت ميروشيس مرة أخرى لن يكون هذ الفندق من خياراتي.

وقت زيارتي في 14/7/2008
في مثل هذا الوقت تحتاج الى ملابس أشبه بشتويه
المعيشه غاليه
الشعب ودود جدا ونسبة المسلمين 15%100 سنه وشيعه
لاتنسى البوصله وهذي نصيحه فانا واجهة مشاكل مع القبلة للصلاة
من الجيد استخدام برنامج الوافي للترجمه.

انصح بمقابلة مترجم من أول الرحلة وهو يرافقك عن طريق شركة وايت سنت بقيمة 55 دولار
وجدت مترجم جيد أخذته في رحلتين معي, نصوح مسلم يعجبني أسلوبه محترم ونوعاما كومدي.
هذ رقمه(7422650)اسمه محمد رياض كلمه مباشره ارخص لك. ف55 دولار ليست كلها له, بل للشركه

أتمنى أني أفدتك

هلا أخوي معجب بكم


أشكرك على ردك ومساعدتك ..


بنسبة لبرنامج وافي مافهمت عليك كيف يعني استخدمه ؟

بنسبة للاخ محمد رياض هل هو سائق ويعرف عربي ؟ ام مترجم فقط ؟

وأتفقت معاه أنت 55 دولار على ايش ( يعني وش راح يقدم لك خدمة مقابل المبلغ هذا ) ...



ومشكور على ردك مقدماً


إذا ممكن أحد يفيدني عن مطاعم تكون راقية ؟


وشكراً للجميــع

أنا مثلك ناوي أروح موريشوس مع الزوجة

بس ما أدري كيف أخطط لها.... و كيف أحجز الفنادق

أتمنى واحد يضبط لي كل شئ و أدفع له

هل فيه شركات سياحية كويسة؟

الطيار أسعارهم نار و الليلة بــ 1500 ريال!

أخوي شاهي أخضر


أنت شف كم مرتب مبلغ لسفر وعلى قد افلوسك شف لك فندق يناسب ميزانيتك ( طبعاً يشمل تذاكر الطيران والفنادق ) أنا سويتها عند عطلات الامارات .. ويكون معاك ميزانية لصرف هناك .


واذا تقصد الاماكن السياحية تقرير أبو عزيز مو مقصر مسجل كل الاماكن السياحية انسخها على الوورد وطبعها واذا رحت هناك كل يوم اطلع لك مكان معين ..



ماشوف فيه صعوبة أخوي ..

والله موريشيوس شكلها غالية بس مو بطريقة انك تحجز بنفسك
من مواقع النت لانك راح توفر الكثير من المال

هلا أخوي موفنبيك
في بداية الرحلة وأول ماوصلت كانت أموري ملخبطه, أبي اتفاهم معاهم وبلشت,طبعا فتحت الاب تب وفتحت برنامج الوافي وخليت الموضف يكتب بالانجليزي,ثم ظغطت أيقونة الترجمه وفهمت وصرت أهز راسي يعني نعم أو لا. وبهذه الطريقة مشيت أموري حتى قابلت شركة وايت سنت, شافوني احوس بالابتب عرضوا علي مترجم ب55دولار في اليوم من الساعة تقريبا9صباحاإلى الساعة 5 مساء. أخذته معي مرتين في رحلتين.
تعرفت عليه وسائلته ال55دولار تأخذها كامله,فأجابني لا, فعرضت عليه عرض رقمه في النت ففرح الرجل,ليربح اكثر.
الرجل تعلم اللغة العربيه في الجامعه إن لم اخطء,وهو مترجم فقط.
مبلغ 55 دولار تعني له الكثير لأني أظنه يأخذ أقل من النصف والباقي للشركه.
إذا فيه سؤال قول لاتستحي!

أخوي الشاهي الأخضر
عطلات الإمارات ثقة بمعنى الكلمه,ولها احترامها لدى فنادق الجزيره
خذ من عندهم بكج أفضل لك من التشتت,التذاكر غالية بس مع البكج أرخص بكثير.
وبنسبه للأماكن في ميروشيس أقرا مواضيع الشباب خاصة المتألق أبوعبدالعزيز

لا انصحك بالفور سيزن ابدا ... انا سكنت فيه .. تقدر تشوف موضوعي عن هالفندق ..

الفندق جديد .. وجميل و رائع .. لكن مشكلته مسابح الفلل بدون خصوصية + شاطي صغير و صناعي + غالي جدا ..

البيل مار قريب منه و افضل كشاطئ و والسعر .. و الفندق الكل يمدحه ...

أخي الكريم معجب بكم

يعطيك العافية على تواجدك وماقصرت يالغالي ..

بصراحة أدور على سائق يكون يتكلم عربي هذا أهم شي عندي أتمنى اذا حد عنده رقم سائق يكتب رقمه ...


أخوي السراب
انا حجزت عن طريق عطلات الامارات ومن موظف اعرفه انا واخواني من سنوات فقالي لك مسبح خاص فيك في الفيلا قال على مسئوليتي اتصل فيني من هناك اذا لم يكن مسبح خاص ... حجزنا وتوكلنا على الله ...


مشكور للجميـع مساعدتهم لي

المشاركة الأصلية كتبت بواسطة موفنبيك
http://www.arabtravelersforum.com/tr...5/#post2827485

أخوي السراب
انا حجزت عن طريق عطلات الامارات ومن موظف اعرفه انا واخواني من سنوات فقالي لك مسبح خاص فيك في الفيلا قال على مسئوليتي اتصل فيني من هناك اذا لم يكن مسبح خاص ... حجزنا وتوكلنا على الله ...


مشكور للجميـع مساعدتهم لي



اخوي الغالي .. انا بغيت اقولك رايي عن مجرب سكن في الفندق وشاف الفلل كلها ..

جميع انواع الفلل مسابحها بدون خصوصية .. الفيلا مفتووحة من جدام ومن الجوانب ...

هذا موضوعي عن الفندق
http://www.arabtravelersforum.com/travel260002/

تقدر تشوفه .. والله يوفقك ان شاء الله .. هذا راي مجرب ..

هذي صورة للفيلا الي على يميني .. شوف الحاجز الي بينا ..