السلام عليكم ورحمة الله وبركاته
ان شاء الله سفرتنا هالصيف ترتبت هولند - بلجيكا- فرنسا ياريت اتفيدوني بارائكم عن الفنادق التالية:
الوصول هولند 31 يوليو الى 5 اغسطس بفندق HolidayInn Express Amesterdam south
اشرايكم بالفندق ؟ هل هو جريب من الاماكن السياحية ؟وكيف استخدم الترام او المترو للوصول للاماكن السياحية ؟ تنصحوني ببطاقة امستردام ؟ وكيف نظامها ؟
بخصوص الاماكن السياحية شنهو تقترحون برنامج ل5 ايام ؟ هل اخذها من مكاتب التورز بالنت او اخذها من الفندق لما نوصل ؟
بخصوص التاكس هل اخذ الفواتير مع الفورمة واصرفها باخر مطار لنا وهو شارل ديقول والا بكل دولة اخلص الفواتير حقها ؟
بروكسل من تاريخ 5 اغسطس الى 9 اغسطس بفندق NH hotel Stephanie
وش رايكم في الفندق ؟ احد جربة من قبل؟ هل هو قريب للاماكن السياحية ؟ واذا مو قريب تنصحوني بشنهو للوصول للاماكن السياحية ؟
هل يوجد بطاقة مثل بطاقه امستردام في بلجيكا الى فيها مواصلات شاملة لعدد ايام مع دخول لبعض الاماكن السياحية ؟ واذا موجوده تنصحوني فيها ؟
انا قريت كثير ان بروكسل مافيها اماكن سياحية كثير ..تنصحوني اخذ جولات سياحية يومية من مكاتب السياحة بالفندق لبروج ودلفت وغيرها والا اخذها من النت ؟ وهل في صفحات للسياحة تنصحوني احجز عن طريقها ؟
وبالنسبه للتاكس كيف ارجعه لاني راح اسافر لباريس عن طريق القطارmidi station
هل ممكن انتظر لطلعتي من باريس ؟
كيف اخذ تذاكرنا للقطار من المحطة ؟ لان التذكره جزء من رحلة الطيران عن طريق KLM سالتهم قالو لي برقم الحجز كل شي بيصير تمام (والله خايفة اروح اهناك واتوهق)
الوصول لباريس 9 اغسطس والمغادرة 13
السكن بقندق Hotel Residence Foch
وش رايكم فيه وبمنطقته ؟ قريب من السنتر والا احتاج قطار او مترو للتنقل ؟
نفس الشي بالنسبة لبطاقة باريس هل تنصحوني فيها ومن وين اخذها احسن من النت او من الفندق لما اوصل ؟
ان شاء الله راح اقضي يومين بباريس شنهو الاماكن السياحية الى لازم ما افوتها ؟ ويومين من الصباح نروح دزني ونرجع المسا؟ تنصحوني اخذ التذاكر حق دزني ان لاين والا من الفندق ؟ والله محتاره اسكن بدزني يومين والا اروح لها من باريس لاني سمعت انها مسافه 45 دقيقة بالمترو ومن بعد المسا لما تسكر الحديقة 8 مافي شي انسوية ؟ كثير نصحوني بالسكن بدزني اريح بس احاتي نقله الشنط من باريس لدزني بعد ليلتين بباريس بالقطار واخاف يضيع الوقت ونتاخر على الحديقة ؟
بخصوص التاكس كيف اصرفه في مطار فرنسا بالرجوع ؟ ياريت تعطوني الخطوات بالتفصيل لاني اول مره اروح اوربا وانا من الاشخاص الى الذاكرة المكانية عندهم مو تمام يعني بسهوله اضيع
اتمنى تفيدوني بنصايحكم الذهبية وادري ما بتقصرون وجزاكم الله خير مقدمامواضيع عشوائيه ممكن تكون تعجبك اخترناها لك:
- أحتاج فزعتكم بلغاريا
- استفسار فني عن جمهورية التشيك
- هل من معلومات عن ليتوانيا ؟؟؟
- الطريق من ميلانو الى المانيا ؟
- بشرى ساره الخطوط السعوديه تسير رحلاتها الى روسيا إبتداءا من نوفمبر القادم
- قبرص تروج عناصر الجذب المختلفة في الجزيرة
- البانيا لا تحتاج فيزا الي الخليجي
- رحلتي الى البانيا رمضان هـ
- السفر إلى الدنمارك بفيزا من دولة اخرى أفيدونا
- غامدي بيسافر بكرتونه إلى اوروبا تكفووووووون الفزعه
- سؤال واتمنى الإجابة لاهي
- الرجاء المساعدة لاهنتوا السكن
- استفسار عن الجبل الاسود كرواتيا
- بروكسل
- يا أهل بلجيكا تـفضلوا
- استفسار اتمنى من الاخوه الرد وخصوصا الاخت حتشبسوت
- خبراء اوكرانيا
- استشاره لـ روّاد السفر لـ اوروبا ؟
- بلجيكا وهواندا
- محتار بين قبرص واليونان واوكرانيا ساعدوني يا اخوان
رد مع اقتباس
المفضلات