مساعده في السفر الي برشلونة

**ahmed3** · 01-16-2015, 01:23 AM

السلام عليكم ورحمة الله وبركاته

اسعد الله صباحكم بكل خير
بدون مقدمات بدخل في الموضوع دوغري

انا اول مرا اسافر الي اوربا وكنت ابي اقدم على الفيزا الاسبانيه عشان اسافر فيها الي برشلونه
قالولي اكثر الشباب قدم على الفيزا الايطالية تقدر تدخل من خلالها الي اسبانيا

السوال هنا هل الكلام صحيح ياجماعه لاني قدمت انا علي الايطالية وخايف من هذا الامر

مشكورين مقدما وارجو الرد في اسرع وقت

مواضيع عشوائيه ممكن تكون تعجبك اخترناها لك:

**ahmed1** · 01-16-2015, 01:23 AM

ان اللي سمعته وهذا اللي خلاني اغير حجزي بسبة هالشي انك لازم بالبداية تتدخل اوربا عن طريق الدولة اللي طلعت التاشيره منها وبعديم عادي تتنقل للي تبي فمثلاً انت تآشيرتك من السفاره الايطاليه ما تتدخد برشلونه الا لازم تروح ايطاليا قبل ةبعدين من ايطاليا تجي اسبانيا هذا اول مره بس وبعدين عادي تتنقل للي تبي ...

وناس قالولي عادي يدخلونك بس يسون لك قلق بالمطار لمدة ساعه ساعتين بعدين يدخلونك . خصوصاً اذا كانت اللغه عندك مش ولا بد بتتوهق

امشي على المضمون زي ما سويت انا

**ahmed2** · 01-16-2015, 01:23 AM

الموضوع يعتمد على موظف الامن اللي بيستقبلكم ولكن تقدرون تقولون ان كنتم مخططين لايطاليا وغيرتوا المخطط وتبون اسبانياالفيزا تمنحك الصلاحيه للتنقل ولكن الامن يصعبها بحالات نادره
لو طلعت فيزتك رح ولا تحاتي ولكن تجنبها بالمستقبل

**ahmed1** · 01-16-2015, 01:23 AM

بسم الله ،،،

تصدقون ان عمري ما سافرت للدولة اللي ماخذ منها الفيزا ..

أعزائي .. لا يوجد قانون في دول الإتحاد الأوروبي يفرض على المسافر الذهاب للدولة المصدرة للفيزا ، ويجب إصدار قانون رسمي بهذا الشي .
أنا سافرت كثيراً ولم يسألني أحد لماذا لدي فيزا من دولة أخرى حتى ألمانيا .

الزبدة يا مجودي .. توكل على الله وما عليك كلع كلام فاضي ( مع انه حاطين تحذير في مكتب إصدار الفيز ) ولكن كل هذا من اختراع مكاتب الفيز هنا لأن القنصليات والسفارات صارت تخسر وما يجيها أحد بالذات لما كل الناس تروح تطلع من الفرنسية والإيطالية ..

وشكراً ونتمنى لك التوفيق في برشلونة .. ولا تنسى تسلم لي على شارع Paceig De Gracia