في البدايه اشكر كل القائمين على القسم و جهودهم في ترتيب المواضيع و كتابة التقارير و ان شاءالله اشارككم تقريري قريبا
ان شاءالله راح اسافر اسبانيا بعد اسبوع (ماربيا-برشلونه) و عندي استفسار عن برشلونه و اسبانيا بشكل عام
1- شنو افضل شركه اتصالات توفر خدمات الانترنت للايفون في اسبانيا و اكيد يهمني قوه الشبكه
2- لاني مسافر مع زوجتي وبنتي (3سنوات) هل تنصحون للتنقلات استخدام الميترو ام التاكسي خصوصا اني راح اخذ عربانه (عربه) الاطفال معاي
و ملاحظتي اهي مبالغه الاعضاء في مواضيع و قصص النصب في برشلونه مع ملاحظتي ان اغلب المواقف الي حصلت مع الاعضاء هم سببها من خلال التفاعل مع الاشخاص الغرب و الرد عليهم خصوصا العرب او من يتكلم العربيه او البحث عن الرحلات من اشخاص مجهولين في الشارع بدل التوجه و البحث عن مكاتب السياحه او الاماكن الرسميه المختصه بهالامور و اخيرا حب بعض العرب خصوصا جماعتنا الخليجيين للبس كل ماهو غالي و ثمين اثناء السفر يعني ماله داعي المره تاخذ معاها جنطتها الال في ولا ساعتها الشوبارد اثناء السفر للسياحه و كذلك من ناحيه اللبس الاحظ بعض الناس يلبسون لبس رسمي لا يناسب لا المكان ولا الزمان فواضح لاي شخص انه سائح فحاول يكون لبسك بسيط و ماشي مع ستايل المنطقه الي انت فيها
و نصيحه اخيره حتى لو توهقت باي موقف لا تحاول تصرخ او تلوم اهلك و تبين ارتباكك لان اتوقع هالموقف يخلي النصابين ينجذبون لك من باب انهم يبون يساعدونك و بالنهايه يزيدون مصيبتك مصيبه و بدل هالشي توجهه للموظفين الرسميين للمكان الي انت فيه او اي شخص يشتغل بمحل مثلا و استفسر منه احسن ما تسأل شخص عادي و يطلع نصاب على حظك
و بالنهايه الحمدلله سافرت دول كثيره و دايما اخلي محفظتي و كروتي الي ما احتاجها و جوازي بالسيفتي بوكس و اخلي معاي كرت البنك و مبلغ كاش يكفي لثلاث او اربع ايام و صوره لجوازي لو تطلب الامر
و ان شاءالله ماكو الا العافيه من الموبايلمواضيع عشوائيه ممكن تكون تعجبك اخترناها لك:
- أوووول مرا اسافر لاسبانيا ساعدوني بخبرتكم
- جولة في فندق فندق اندلسية بلازا في مــاربــيــا
- استفسار بخصوص تذاكر قصر الحمراء
- استفسار عاجل
- استفسار بخصوص
- طلب خط رحلة الى اسبانيا أرجوا المشاركة
- تكفون استفسار مسافر الى برشلونة نهاية الشهر يرجى الإفادة ضروري
- عاجل بخصوص خصم مبلغ الحجز فى موقع بوكينج
- الكلاسيكو
- استفسار عن الريف الأسباني
- استفسار بخصوص الفيزا الاسبانية
- نصيحة من أهل الخبرة بشأن حجز الفندق
- ساعدوني ضروري
- شهر عسل في ربوع اسبانيا
- استفسارات لذوي الأختصاص والخبره
- تحذير من التعامل بالفيزا في الكورت أنجلز
- فتح مكتب للسفارة في مدينة برشلونة أثناء فترة الصيف
- يا جماعة راسي ضرب وحتاج فزعتكم
- تذاكر قصر الحمرا
- طلب لو سمحتو
رد مع اقتباس
المفضلات