انا (واعوذ بالله من كلمت نا) فكرت اني اقدم على تأشيرة هولندا سياحة لمدة شهر وبالفعل قدمت بكل ثقة على اعتبار اني معي في الباسبور فيزا امريكا و فيزا شنجن ف قلت الحكايه حتبقى سهله اكيد وبالفعل جبت للسفارة طلبتها كلها بس كلموني عالايميل بعد ما قدمت الورق بعتولي قالولي عايزين حجوزاتك بتاعت كل رحلتك وهتعمل انترفيو بعدها باسبوع رحتلهم السفارة وجبت كافة حجوزاتي بتاعت الشهر كله و كلها محجوزة و مؤكده المهم القنصل طلع لي
اسمك
بتدرس ايه
والدك بيشتغل ايه
عندك اخوات
رايح هولندا ليه
ورايح بلاد ايه غير هولندا قلتله المانيا وفرنسا
وريني حجوزاتاك ورتهمله كلهم
وريني الطيران
مدفوعة قلتله اه مدفوعة بكريديت قالي وريني الكريديت قلتله لا بتاع والدي مش معايا دلوقتي انا لسه طالب
رحت المانيا ليه قبل كده قلتله سياحة
قالي مش شايف شهر دي كتير لهولندا قلتله انا حروح كذا بلد مش هولندا بس
قالي طب تعرف ايه عن امستردام اللي فيها الفندق قلتله دام سكوير قالي ايه كمان قلتله هولندا بلد كبيرة واكيد انا رايح علشان اعرفها اكتر
قالي طب ثانية واحده
دخل جوه دقيقتين بظبط
طلع قالي احنا عايزين شيكات سياحية بقيمة 1500 يورو قلتله ليههههه طبعا انا اتجنت كل ده علشان انا طلع اتفسح شهر :S
قالي علشان نضمن انك هتصرف على نفسك هناك انا من نرفزتي قلتله طب هات الباسبور
فببص في ايده لقيته بيحضر ختم كده
قلتله هتعمل ايه ماردش عليا
فانا بصراحة مش عايز اوسخ باسبوري برفض فقلتله طب خليه و هبقى اجيب لك الشيكات قالي لا خليه معاك و لما تجيب الشيكات هاتهولنا في اي وقت من غير حجز ميعاد
قام خاتم لي الباسبور بختم كده مكتوب عليه اسم السفارة و تاريخ دخولي السفارة وفيه بلاد الشنجن و معلم على حرف هولندا و كاتب بالقلم على الختم حرف e
انا طبعا طلعت الدنيا مسوده في وشي مش علشان ممكن مسافرش لا والله علشان و سخت باسبوري بختم وفيه فيزا لامريكا و فيزا شنجن يعني المفروض باسبوري قوي
السؤال بقى
معناه ايه الختم ده؟؟ هل ده رفض ؟؟ ولا معنا اني دخلت السفارة؟
مع العلم انه قالي هاتلنا الشيكات و هات باسبورك اي وقت؟
طب لو جبتله الشيكات دي هيسلمني الفيزا و يحطها فوق الصفحة اللي عليها الختم دي؟
وايه هي الشيكات دي؟
ولو ما اقدرتش اجيب الشيكات دي هل الختم ده مش هيخليني اخد تأشيرات تاني سواء امريكا او شنجن؟في ناس كتير قالولي غير باسبورك بس انا معايا تاشيرات لامريكا و تأشيرة شنجن اعمل ايه ؟؟
انا والله مش رايح اهرب ولا الكلام ده انا رايح فسحة لا غير
انا اللي مضايقني ان باسبوري في تأشيرات لامريكا وفيهم واحده لسه ساريه و تأشيرة سابقة للشنجن و خايف من الختم ده
ارجو حد يكون فاهم يفهمني وانا اسف جدا عالاطاله بس هنا كلنا اخوات ولازم نفيد بعض
شكرامواضيع عشوائيه ممكن تكون تعجبك اخترناها لك:
- إلى مشرفين بلجيكا
- استفسار عن قضاء ايام في أثينا
- الحل الأكيد مع سفارة التشيك بالرياض معلومات كاملة ومفصلة
- ياهل امستر دام
- أعزائي الأعضاء أحتاج معلومات عن فنلندا ، فيه أحد مر عليها ؟؟
- روسيا الحضارة تجمع بين كنوز القياصرة ومخلّفات الشيوعية
- ارجو الافاده تفعيل دعوه الى اوكرانيا ما هي الخطوات
- ترتيب رحله وميزانية سفر لاوروبا
- استفسار بخصوص شهر العسل في اليونان لمدة 20يوم
- ممكن تجاوبون علي التشيـك
- شكـــــــــــراً
- رايكم مهم جدا جدا جدا جدا جدا جدا جدا جدا جدا
- مسافر لـ اوروبا ومحتاج نصايحكم
- رحلات الكروز
- استفسار اذا ممكن يا شباب
- بخصوص إستئجار السيارة من مطار أمستردام
- للكويتيين متى يفتحون السفر دايركت الي اوكرانيا؟؟؟
- ياشباب اوكرانيــــــا والنهاية معاكم
- ماهي أفضل الأوقات لزيارة اليونان ؟؟
- اريد فندق في فارنا
رد مع اقتباس
المفضلات