الموضوع: تخطيط رحله الى اسبانيا

السلام عليكم
باذن الله بنسافر الى اسبانيا لاول مره ..وياليت تفيدونا باقتراحاتكم لخطة سير الرحله ..

مدة الرحله من : 3سبتمبر الى 15 سبتمبر ,, الوصول الى مدريد والعوده من برشلونه

خطه مبدأيه :
يومين في مدريد
5 ايام في ماربيا
2 ملقا وغرناطه بما انهم قريبين من بعض نسكن في ملقا مثلا ونروح لغرناطه يوم :$ او العكس (ينفغ؟!
3برشلونه

واقتراحاتكم للسكن في كل منطقه : فنادق 5نجوم او 4 راقيه وهاديه والاهم قريبه من الاماكن السياحيه مثل شارع الملوك (مومتاكده من الاسم )في ماربيا وش الانسب والاقرب له؟!

الله يعافيكم السكن جدا محير ومابي احجز واتورط فيه هناك ..مساعدتكم بليز

مواضيع عشوائيه ممكن تكون تعجبك اخترناها لك:

• عاجل أنا مسافر غدا
• السفر من ماربيا الى برشلونه بليييييييييييز مساعده
• أسبوعين في إسبانيا
• تذاكر القطار من برشلونة الى مدريد
• اروح اسبانيا ولا لا؟
• هذا الي شفت بالسفاره الاسبانيه
• رحلة أولى لــ برشلونة وأريد مساعدتكم أسئلة خفيفة
• حمام سباحة خاص
• ودي اطلع رحلات من ماربيا الي غرناطة و قرطبة و اشبيلية
• اخر استفسار التاكس فري
• استفسار
• رحلة في ديسمبر ورأيكم مهم بالنسبة لي
• موعد السفارة هل استطيع الحصول على موعد قريب بدفع رسوم اضافية ؟
• استفسارات لسفرتي اول نوفمبر فزعتكم يا الربع
• اريد مساعدة في برشلونة
• رحلتي مع الأهل في اسبانيا
• شهر عسل في اسبانيا
• ارجو مساعدتم في اختيار الفنادق اسبانيا
• اصدار فيزا شنجن من السفاره الاسبانيه
• استفسارات عن بعض فنــادق اسبانيا وانتظر الردود

ياليت الله يعافيك ..راح تكون في : 15 و 14 و 13 سبتمبر

بالنسبه لبرشلونه شوف هذا اللينك في نشاطات كثير ممكن تسويها في برشا لو انك من محبين المغامرات

http://www.lifestylebarcelona.com/

ومعليش على القطه في موضوعك اخوي بسئل الاخ lo0onely لو تضيفني مع صاحب الموضوع في ترتيب رحلتي بتكون في برشلونه من 17 - 22 سبتمبر واسفين على الدخله اخ *nouvani

يعطيك العافيه اخ some one ..وحياك الله

اخ LOonly انتظر ترتيب الرحله بحماس ..

.. اختك nouvani ..

مرحبا اختي
يوم الثلاثاء 13 /9 , من ساحة كاتالونيا تاخذ الباص السياحي (علامته عين ورموش ملونة) واماكن بيع التذاكر داخل الساحة (الشخص 24يورو) تاخذ المسار الازرق.
ولو خلصت بدري , من عند ساحة كاتالونيا ادخل شارع الرامبلا واتمشى للنهاية وبعدها بتوصل دوار مكتوب عليه Colon بعده بيجيك البورت ومن عنده خذ جولة بحرية 35 دقيقه (الشخص 6 يورو)
وبعدها جنب هالمكان بتشوف مجمع حلو اسمه Maremagnumواسعاره حلوة
وبعدها اذا حبيت تدخل الحيقة المائية Aquarium خلف المجمع

يوم الاربعاء 14 /9 , تروح قوس النصر Arc de triomfوالحديقه اللي جنبه Ciutadella Pacc وحديقة الحيوانات اللي داخل الحديقة
وبعدها تروح ساحة اسبانيا (اهم شي تكون عند الساحة الساعة 8ونص) وتطلع من عند الساحة بالباص رقم 193 يطلعك على Montjuic cinema وتشوفون فيلم يعرض في ساحة ضخمه ومكشوفه.

يوم الخميس 15 /9 , تطلع لشارع Passeig de gracia (بدايته من ساحة كاتالونيا) وتتمشى في هالشارع الحلو وتزور مبنى Gaudi اسمه Modernist
وبعدها تطلع لساحة اسبانيا اول يوم لعروض النافورة الموسيقية تبدا الساعه 9 وتنتهي 11:30
واذا في اماكن في الجدول ما عجبتك , اقدر اغيرها
هذا اللي اشوفه مناسب لثلاث ايام

موفقه ان شاء الله

المشاركة الأصلية كتبت بواسطة some one82
http://www.arabtravelersforum.com/tr...2/#post5840392

ومعليش على القطه في موضوعك اخوي بسئل الاخ lo0onely لو تضيفني مع صاحب الموضوع في ترتيب رحلتي بتكون في برشلونه من 17 - 22 سبتمبر واسفين على الدخله اخ *nouvani




هلا اخوي
يوم السبت 17 /9 , تطلع لشارع Passeig de gracia (بدايته من ساحة كاتالونيا) وتتمشى في هالشارع الحلو وتزور مبنى Gaudi اسمه Modernist
وبعدها تطلع لساحة اسبانيا لعروض النافورة الموسيقية تبدا الساعه 9 وتنتهي 11:30


يوم الاحد 18 /9 , من ساحة كاتالونيا تاخذ الباص السياحي (علامته عين ورموش ملونة) واماكن بيع التذاكر داخل الساحة (الشخص 24يورو) تاخذ المسار الازرق.
ولو خلصت بدري , من عند ساحة كاتالونيا ادخل شارع الرامبلا واتمشى للنهاية وبعدها بتوصل دوار مكتوب عليه Colon بعده بيجيك البورت ومن عنده خذ جولة بحرية 35 دقيقه (الشخص 6 يورو)
وبعدها جنب هالمكان بتشوف مجمع حلو اسمه Maremagnumواسعاره حلوة
وبعدها اذا حبيت تدخل الحيقة المائية Aquarium خلف المجمع

يوم الاثنين 19 /9 , تروح قوس النصر Arc de triomfوالحديقه اللي جنبه Ciutadella Pacc وحديقة الحيوانات اللي داخل الحديقة
وبعدها تروح ساحة اسبانيا (اهم شي تكون عند الساحة الساعة 8ونص) وتطلع من عند الساحة بالباص رقم 193 يطلعك على Montjuic cinema وتشوفون فيلم يعرض في ساحة ضخمه ومكشوفه.

يوم الثلاثاء 20 /9 , تطلع لجبل الـTibidabo
من ساحة كاتالونيا تنزل لمحطة القطار وتشوف القطارات ومساراتها (تاخذ القطار رقم 2 ومكتوب عليه Tibidabo ) وتستخدم نفس بطاقه المترو- وتوصل اخر منطقة (10دقايق) وتنزل في محطة وتطلع برا وتشوف موقف باصات – خذ الباص رقم 196 ويطلعك على طول للجبل
بس نصيحتي اذا وصلت موقف الباص 196 – بتشوف Tram قديم جدا – اركب معاه وسعره 5 يورو للشخص (بتنبسط لانها قاطرة وحدة ونظامها سحب وقديمه جدا) بس الكل يفضلها

يوم الاربعاء 21 /9 , تطلع للالعاب المائية illa fantasia
وطريقة الوصول لها :
ادخل على هالموقع: http://www.illafantasia.com/infocaps.php?id=4333#mapa
لان فيه باص يطلع 9 او11 الصبح ويرجع 4 او 6 العصر- من قريب من ساحة كاتالونيا - اسم الشارع Rda.Universitat,5
ياخذ من 35-40 دقيقه
واسعار الدخول من هنا : http://www.illafantasia.com/infocaps...day=2011-07-23

يوم الخميس 22 /9 اطلع شاطئ برشلونة La Playa ولانه اخر يوم (مادري متى موعد طيارتك)
فما اقدر احطلك اماكن كثيرة

موفق اخوي

(اهم شي تكون عند الساحة الساعة 8ونص) الصباح؟؟
واليوم الثاني لو ماحبينا نشوف الموفي وش تقترح غيره
..راح نكون 7 اشخاص عائله ..

يعطيك الف عافيه ماقصرت .. حبيت فكرة الجبل كثير

شكرا جزيلا ..

وياليت لو احصل افكار لمدريد وماربيا ..وملقا وغرناطه وشرايك فيهم؟

المشاركة الأصلية كتبت بواسطة nouvani
http://www.arabtravelersforum.com/tr...0/#post5840670

يعطيك الف عافيه ماقصرت .. حبيت فكرة الجبل كثير

شكرا جزيلا ..

وياليت لو احصل افكار لمدريد وماربيا ..وملقا وغرناطه وشرايك فيهم؟




هلا

الجبل ممتاز وخاصة للعوايل

اهم شي تطلعون بدري (الساعه 11 او 12 الصبح ) عشان تنبسطون اكثر

وبالنسبة للمناطق الثانية يفيدونك فيها الاخوان - انا اللي اعرفه فقط برشلونة

موفقه اختي

جزاك الله خير وشكرا لك ..


اتمنى احد يفيدني في البقيه : مدريد , ماربيا , ملقا وغرناطه ..!

لونلي

الله يخليك انا بعد ابيك تنسق لي رحلة خط الرحلة الرياض-مدريد والعودة نفس الشيء مدريد-الرياض لاسبانيا من 21 سبتمبر الة 2 اكتوبر

وش احلى المدن ووشهي الفعاليات الي تقام بهالفترة بليز لونلي انتظر ردك

المشاركة الأصلية كتبت بواسطة أتوق للفرح
http://www.arabtravelersforum.com/tr...2/#post5842162

لونلي

الله يخليك انا بعد ابيك تنسق لي رحلة خط الرحلة الرياض-مدريد والعودة نفس الشيء مدريد-الرياض لاسبانيا من 21 سبتمبر الة 2 اكتوبر

وش احلى المدن ووشهي الفعاليات الي تقام بهالفترة بليز لونلي انتظر ردك




هلا اخوي

والله ماعندي اي معلومات عن مدريد , واذا تبي اي شي عن برشلونة انا بالخدمة

ادخل على موضوعي "من مقيم ببرشلونة..لأي استفسار" في بوابة السفر الى اسبانيا Spain وانا حاضر لأي استفسار عن برشلونة وبس ابيك تكتب لي التواريخ اللي تكون فيها في برشلونة

عشان مانشتت موضوع الاخت nouvani

موفق اخوي

لونلي ما قصرت الف شكر

طيب عندك فكره بالنسبه للنشاطات البحريه زي جت سكي والبنانا بوت او سكاي دايفنق(هبوط مظلي) من الطياره
يعني اشياء زي كذا من وين زي الموجودة باللينك هذا http://www.lifestylebarcelona.com/