السلام عليكم ورحمة الله وبركاتة (اللهم اجعلني من الهادة المهتدين لا الضالين ولا المضلين) ،،
اولاً احب اقول لكم اني متابع للمنتدى من سنين طويلة (ويمكن من المخضرمين الي فيه ومن ايام ما كان على نطاق اسمه القديم "ترفل 4 اراب") ويعلم الله انه قبل كل سفرة لي لأي بلد جديد علي وما سبق اني زرته من قبل ، اجي يمكم هنا في المنتدى اقراء ، والشهادة لله اني استفدت الكثير الكثير وياما دعيت لناس شاركوا هنا بظهر الغيب).
لكن الان اخوكم بحاجة لمشورتكم في موضوع وهو ان لي سفرة الى هولندا بشهر يونيو القادم ولأربعة ايام-ثلاثة ليالي (بالعربي لحضور معرض) وللأسف هذي زيارتي الثانية لأمستردام ونفس الشيء اجي ولا اوسع صدري فيها لأني دائماً مشغول من 8 الصبح تقريباً الى حروة 6 المساء!! وحاب بعد ما انجز شغلي هالمره اني اخذ لي 10 ايام اضافية ويصير الاجمالي 14 يوم 13 ليلة بس مو كلها بهولندا ولكن شوي فيها والباقي فيما جاورها من دول اوربية - ودي بأكثر من 10 ليالي بس ما من حيلة وراي اختبار حق كورس للشركة يناديني ويقولي تعال ارجع .. الوقت مره ضيق
السؤال الان .. انا ناوي اجلس 3 ليالي اضافية بعد الثلاث الاول ويصير المجموع ستة ليالي كلهن في امستردام مع الملاحظة ان اول 3 ليالي ما ظنيت انه يمديني اسوي اي شيء او امارس اي نوع من انواع الترفيه و يمكن بعد مقدر اتنفس فيهن (مو مبالغة يا جماعة .. بس والله بيزي بيزي) الان هل تتوقعون يمديني استكشفها مضبوط ب3 ليالي الباقية؟ مع العلم ان ما لي نية اروح لمدن ثانية بهولندا مثل روتردام ، لأني عاقد العزم على السفر الى بروكسل الي ما شفتها من قبل وناوي اقضي فيها 3 ليالي ايضاً ، ومن ثم الى محبوبتي الاولى باريس والي سبق ان زرتها واستمتعت فيها كثير - ولكن ما اسقم بدونها! اكون باوروبا ولا اسير على حبيبتي..قصدي باريس! والي بجلس فيها ايضاً 3 ليالي ، ومن ثمن بروح اشوف هالجنيف والي نفس الشيء ناوي الجلوس فيها 3 ليالي .. هالحين الوهقه لا جمعنا المدد الزمنية صار الإجمالي 16يوم 15ليلة واختبار الكورس الدعلة بعد ما اوصل لديرتي بيكون فات يومين عليه وما يمديني .. وان قضيت 14 يوم تبي تكون عندي ليلة وحده الي يمديني اجلس اذاكر فيها ومن ثمن اتوكل على الله وامتحن والي طبعاً لا يمكن اتنازل عنها ابداً مهما يكووون مهما يكووون
عسى الله لا يمتحنا ويمتحنكمقولوا امين
ملاحظة: ارجوا ان تكون ضربات الترجيح بين (امستردام وبروكسل وجنيف) يعني في اي منهم اختصر الليالي فيها ولكن ليس حذفها من قائمة الزيارة .. بس باريس لا مستحيليالله انا بإنتظار ارائكم ومرئياتكم
مواضيع عشوائيه ممكن تكون تعجبك اخترناها لك:
- رايح لروسيا للدراسة وماذا عن سيارة لادا
- زينسا البلقان الثالثه روعه
- سؤال هام لمن يقيم في بلجيكا
- مارأيكم في الخطوط الجويه التشيكيه؟
- أحلى دولة في أوروبا
- افتتاح فندق في موسكو
- هل تكفي الشنغن الأوربية للدخول للدول الاسكندنافيه
- برنامج لهولندا جزاكم الله خيرا
- جدول لجورجيا من اقتراح بعض الشباب ايش رايكم فية هل يحتاج تعديل ؟
- طير هل ألف تكفي للذهاب إلى النرويج؟
- ل خبراء بلجيكا
- اسافر الي اين اليونان او اوكرانيا او هولندا او بروكسيل رحله شبابيه
- أبي تفصيل عن السفر للبوسنه
- الخطوط بين التشيك وفينا او ميونخ
- السياحه في بلجيكا والسكن في الشرتون
- لخبراء دول شرق أوروبا
- عن فيزا اوروبا
- خبراء بلغاريا ابي مساعده
- سؤال بالنسبه للبرتغال
- الي مقيمين بهولندا أو الخبراء فيها
رد مع اقتباس
المفضلات