السلام عليكم ورحمة الله وبركاته
حبيت أعرض لكم تجربة بسيطة في استخراج فيزا الشنقن من السفارة النمساوية في الرياض حيث اني استخرجتها خلال الاسبوع الماضي خلال يومين ( يوم للتقديم ويوم للاستلام )
* أولا كلفتني جهة عملي بمهمة رسمية في كل من النمسا وبلجيكا وأسبانيا .. والبداية من النمسا والمدة الاطول راح تكون فيها .. بحثت كثير في المنتدى عن استخراج الشنقن من السفارة النمساوية تحديدا ولكن لم اجد معلومات كافيه فالاغلب يستخرج الشنقن من سفارات أخرى أقل تشددا في الأنظمة .. وانا كان لازم اطلعها من سفارة النمسا ، توكلت على الله وجمعت الوثائق المطلوبة وهي :
- خطاب تعريف بالراتب من جهة العمل باللغة الانجليزية .
- صورة الجواز ( المعلومات والصفحة الأولى اللي فيها التوقيع ) .
- صورتين شخصية مكشوف الرأس وبخلفية بيضاء ( يدققون في هالنقطة )
- صورة بطاقة الفيزا للسعوديين ( كان عندي فيزا تسوق الراجحي ) .
- تعبئة النموذج من موقع السفارة أو من موقع المركز الموحد للتأشيرات ( نسخة جدة او الخبر ) .
- تأمين طبي من التعاونية للتأمين .- أخذت معي خطاب من العمل لتسهيل المهمة باللغة الانجليزية .
- تم التوقيع على نموذج اظنه تعهد خلال وقت التقديم في نفس السفارة .
في البداية رحت لمركز التأشيرات الموحد vfs في الرياض واكتشفت انهم لا يستقبلون طلبات الشنقن من السفارة النمساوية في الرياض ، فقط الاستقبال في الخبر وجدة .. ورحت للمكاتب اللي جنب المركز وكلهم نفس الشيء رفضوا ولا أعرف ما السبب .. قلقت من الموضوع خاصة واني سمعت وقرات انها تاخذ وقت عشان تطلع وانا كنت مرتبط بعمل وخفت يضيق علي الوقت ، رحت للسفارة مباشرة وعند البوابة سألت الموظف قال لازم موعد قبل التقديم قلت له اني في مهمة عمل ومستعجل قالي راح تأخذ يوم أو يومين لان ما فيه زحمة بصراحه استغربت وما صدقته ودقيت على الاستعلامات بالسفارة ردت علي موظفه عربية وقالت لي بتاخذ بالكثير عشره أيام ولكن ان شاء الله تطلع قبلها
رجعت للبيت ودخلت على موقع السفارة النمساوية على الانترنت وأخذت موعد للتقديم على السفارة وجهزت كل الاوراق ورحت لهم .. قدمت عليهم وشرحت لموظف عربي الوضع قال ان شاء الله خلال ثلاثة أيام الى سبعة ايام تطلع وكلت أمري لله وطلعت من عندهم
كان التقديم يوم الاثنين الساعه 9 صباحا ويوم الثلاثاء الساعه 8 ونص الصبح دقت علي الموظفه وقالت ان الفيزا جاهزة رحت واستلمتها من عندهم وعطوني 6 شهور
اعتقد ان هالوقت مناسب للي يبي يسافر للنمسا تحديدا في الصيف وان شاء الله يستفيد أحدكم من الموضوع
تحياتي للجميعمواضيع عشوائيه ممكن تكون تعجبك اخترناها لك:
- سؤال حول فيزا دخول ماليزيا
- تجـارب الاعضاء في استخراج التاشيرة السويسرية
- عندي استفسار بسييط عن الفيزا ساعدوني بالاجابه لو تكرمتو
- تم التقديم على الشنغن من عبر المركز الموحد ألمانيا
- شنغن ألماني للسوريين
- الشنقن من السفاره السويسريه لاول مرة
- الاطفال وتأشيرة تركيا
- تاشيرة تحت سنه مع وجود تاشيرة للوالدين نداء للاخ
- مشكلة في الفيزا السنغافورية ياهل الخبره
- يا اهل الخير مساعدة...استخراج فيزا الدراسة في اوكرانيا
- المتاجرة بالمواعيد وصمت المسؤولين
- بخصوص الصورة للمراءة تاشيرة لاوربا
- اللي قدمو عالفيزا بتاريخ يدخلون ضروري
- جبت لكم صورة طلبات التأشيرة الألمانية مع أجوبة بعض الاستفسارات
- بخصوص الفيزا السويسرية الشنغن
- فيزتي
- بخصوص تغيير الفنادق قبل إستلام الفيزا
- تجربتي مع السفارة السويسرية بالرياض
- تجربتي مع القنصلية السويسرية
- ساعدوني بآرائكم - للسفر للامارات
رد مع اقتباس
المشاركة الأصلية كتبت بواسطة قايد
المفضلات