المشاركة الأصلية كتبت بواسطة @بنت عبدالعزيز@
http://www.arabtravelersforum.com/tr...0/#post5452306
السلام عليكم ورحمه الله وبركاته
جعلكم في الجنه ياأخوانا وأخواتنا ياليت تساعدوني في الترتيب
بأذن الله راح تكون رحلتنا من الرياض لقطر وبعدين نطلع من قطر لمدريد على الساعه 1 ليلاً
اللي أبيه منكم ياليت تعلموني كم مده الرحله مابين قطر ومدريد ؟ وأذا وصلنا لمدريد كم الساعه عندهم ؟
الفندق اللي راح نسكنه أسمه فنسي _66 راح نجلس ثلاث أيام فقط
أذا ماعندكم مانع ياليت ترتبون لي جدول في مدينه مدريد فقط لمده 3 ايام ؟مابي أذا رحت تندمت أنه فيه أشياء مهمه ولا شفناها!! وباقي المدن بأذن الله راح اتواصل معكم من هناك للترتيبات
أيش احسن اخذ تاكسي او مترو واذا مترو ياليت تدلوني ماعرف كيف طريقته؟
ياليت تذكرون الترتيبات حسب الايام من طبيعه واسواق واثار ومتاحف وكل شي في بالكم؟؟
الجو عندهم يوافق مثل اي شهر عندنا في الرياض علشان افهم صح
الله لايحرمكم الاجر لاتتاخرون علي مارتبت الشناط انا وزوجي وبنتي فقط
وسلامتكم..
الرحلة إذا مباشرة في حدود 7 ساعات وبعدين عندكم على التذكرة مبين زمن الوصول وعلى فكرة ممكن تتبهذلون شوي في الشيك ان لو جيتوا بدري ( ممكن تضطرون تنتظرون حتى الضهر )
الجو عندهم ممكن يكون زي شهر 4 عندنا بالرياض
طبعا
الأماكن في مدريد كثيرة جدا بعدد لكم بعضها
الساحات : سول - بلاثا مايور - بلاثا دي اسبانيا
المتاحف : الشمع - البرادو
المزارات السياحية ما فيه أشهر من قصر الشرق ومحطة أتوتشا للقطارات
الحدائق : ريتيرو ( حلوة يوم الأحد ) - كاسا دي كامبو ( وفيها الملاهي والتلفريك وحديقة الحيوان ) - خوان كارلوس ( جميلة قبل المغرب بقليل )
الأسواق : ساندو - مدريد دوس
رد مع اقتباس
المفضلات