بسم الله الرحمن الرحيم
ابدي الموضوع بأسم الله الواحد الأحد............ انا واحد كنت أسمع عن رومانيا وايد من الشباب اللي عندنا بالكويت وعيال خالتي ولعبت السالفه في راسي من السنه اللي طافت وسألت عن الديره وشفت صور ومعلومات عنها وعفت خريطتها ودليت الطريق اللي بين المدن وانا لي الحين ما رحت :101:
ولما قرب الصيف وصارت الصجيه الكل يقول من الربع الضاهر اني ماني رايح........
وانا كنت راكب راسي وصامل بروحه لو بروحي وقام معاي رفيجي الخاص (عبدالله) وقال انا معاك رحنا المكتب السفريات وضبطنا نفسنا ولا المكالمات ما توقف على التلفون وكلهم يقولون: بكم التذكره وشلون الرحله ويسئلون وانا اعرف ربعي لين اخر شي يقررون وين يروحون تصورو قبل السفره بشهر اثنين قبلها بيومين صرنا 14 شخص قروووب ماشاء الله اللي بالمطار عبالهم رايحين نشجع نادي رياضي :109:
والعجيب اللي فينا احنى 14 ولا واحد فيهم اسمه نفس الثاني :101: وكلهم يطمحون الى الضحك مافيهم اللي رايح يتثقف..... المهم طرنا على الخطوط الرومانيه (تاروم) من دبي لأ نه من الكويت مافي ديريكت وصلنا دبي وعفيستنا نايمين بالممر تقول لاجئين :101: لما فرجت علينا وطرنا بتجاه بوخاريست تاخذ الطياره 5 ساعات تقريبا وكنا متواعدين مع واحد ينطرنا بالمطار روماني يتكلم عربي عنده خبره في السياحه مع العرب يتكلم الخليجي عموما ما يفهم بالمصري وغيره محترم الى اخر درجه وأميـــــــــــن لدرجه التذاكر عنده طوول الرحله اللي كانت 25 يوم كان ناطرنا بالمطار على باص وسياره لأنه ماشاء الله ما يكفوون وكنا حيل مستانسين لأنه الديره كنت اتمناها صج ومن قلب وتقريبا 6-8 من القرووب اول مره يسافرون الى اوربا يعني بالعربي اضحك والقروب كله حد يتكلم انجليزي الى 4 بـــــس واشوى اني منهم :surf
بعدها طلعنا مع الروماني ( دورو ) الى مدينه تسمى كونستانتا الساحليه على البحر الأسود وفيها هناك منتجع اسمه مامايا واللي فيه اكثر من 70 فندق على البحر ويجمعون فيه السياح من كل اوربا وذلك لموقعه الممتاز بين بحر وبحيره وممشى عجيـــــــــــــب انا اللي ما احب المشي تمشيييت لأنه عيونك ما تشوووف اللي يكسرها الكل يجذب مثل ما قالو خضره وماء و(وجها حسن)........ فيها المنطقه الكثير من المطاعم والمقاهي وتصدقوون انه عندهم شورما حلوووووه حيــــــــــــــــــــــل وعليهم بحر يرد الروح وتأجير سياكل ودراجات هوائيه وفي الليل حيااة اخرى...... ما يوقف الروتين مثل المناطق الأخرى في رومانيا وعموما في اوربا لا على العكس تزيييد المعيشه بالليل وتشتغل البولينغ الرااااااائع حقيقتا يكوون FULL في الليل والألعاب الناريه والأماكن الرومانسيه على البحر وديـــــره كثر ما اوصف عنها ما اقدر على شان اذا طولت بسوالف فيها راح ابكي :110: سكنا في فندق اسمه الدولفينول وكانت الليله للغرفه الدبل 50 دولار والتربل 60 دولار رخييص عموما وفندق جميل والعمال يرحبون فيك وانت طالع وداش
بعد مرور اربع ايام في مامايا قررنا نروح براشوف وكنا حاجزين الفيلا بالتلفون بعد وصولنا الى براشوف كان الجو برررررد لقينه الفيلا موجودين فيها ناس كانو المفروض يسافرون بس حجزهم تكنسل كويتيين قلنا مو مشكله دورنا سكن مكان قريب وصعبه تلقه سكن ل 14 شخص من حسن الحظ لقينه قريب يم السنتر وكل ما فيها جيد بس مو كافيه نامو البعض على الأرض ماكو مشكله متعوديم من المخيم :101: كان اجارها 160 دولار باليوم قعدنا فيها 5 ايام وبعدين رحنا للفيلا الكبيره 6 غرف منهم5 لشخصين وتكرمون 5 حمامات وحووش تنور لشوي وكل شي فيها مطبخ صالتين واجارها 100 دولار تصدقوون براشوووف ديييره تقووول انك في القرن 17 طريقت البناء فيها عجيييب خاصتا السنتر............
السنتر عباره عن ساحه كلها محلات وكوفي شوب ومطاعم وتعتبر محلاتهم حيييل رخييصه مقارنتا بأوربا او الخليج والمطاعم بعد نفس الشي التمشي فيه يرد الروح مناظر خلالالالابه ويوجد هناك مطعمين عربيين للمشويات والأخر كويتي طبخات خليجيه كبسه لحم ودجاج وروبيان وسمك ومجبوس وكل شي يطري عليك بالكويت او الخليج العربي اسمه كازابلانكا اما الكويتي ابونواس مفتوح 24 ساعه
يوجد ترفليك في براشوف تستطيع ان ترى براشوف بالكامل من فوووق مكان حلوووو........
الشمس عندهم تغيب الساعه 9:30 او 10 عاد من تغيب الشمس ليما 12:00 يعتبر كل شي صكر بالسنتر او غيره عاد اللي له بنوادي الليليه يروح اللي ماله يرد الفيلا احنى الصراحه كنا نتمشى عشان كنا مفتقدين البرد :101: موشايفين خير وقتا واللي يقووول انه الديره ماكو امان كذاب انا رحت اماكن الرومانيين يخافون يروحون ماكو شي امان حيل الروامنيين نفسيتهم حلوه مع الغريب واحنى هم ما نغلط انا قبل ما اروح توعتها نفس الأفلام تخرع وعصابات طلع كلام فاضي طيعوني..........
رحنا اماكن ورحلات وايد مثل بيانا براشوف وركبنا الخيل هناك :11ight: واكلنا من الغزلان اللي يحبهم قلبك شوي وطبيعه ما تتصورونها في بيانا براشوف .........
ورحنا مدينه سبيو لأنه فيه قمت جبل فيها ثلج واحنى ما شفنا خير رحنى على طووول :109: وكنا نبي نشوي على النهم اللي لو اوصفلكم اياه تجذبووني والله انه كنه نشرب من الماي اللي كان ابرد من اللي بالبراده او الثلاجه حطينه الرقي على النهر والبيبسي وغيرها عشان يبردون واحنى نشوي اللحم والدجاج اللي لقيناه ذبح اسلامي اما اللحم خروف احنى شريناه حي وحللناه وكانت شويه حلوه وما تنسوي والله....... بعدها كملنا للثلج واستانسنا اهناك .........
ورحنا منطقه اسمها بشتين وهاذي تبعد عن براشوف 100 كيلو تقريبا فيها ترفليك يعتبر ثالث اعلى ترفليك بأوربا 2800 متر فييه قمه عجيييبه وحلوه وكله سياح من اوربا هناك تصدقون انه تذكره الترفليك 200000 لي يعني 2 دينار كويتي رخيص حيل
ورحنا مدينه بران اللي تبعد 160 كيلو تقريبا من براشوف وفيها قلعه دراكولا المشهووره وكلها سياح اهناك يتفنتكوون :101: احنا مالنه بهسوالف نبي بس نصور اهناك ونشوف ما نبي نسأل وفيه سوق يبيع ملابس واغراض عليها اسماء ورسومات دراكولا
ورحنا منطقه كودليا اللي فيها بحيره حلووووه ومكان عجيب لصيد السمك وللمغامرات بالغابه مثل ما احنى سوينه تهنا بالغابه بس الله ستر علينا قدرنا نطلع 14 شخص قبل المغرب :101: .......
واخيرا بعد ما طلعنا من براشوف اللي قعدنا فيها 17 يوم رحنا سنايا لنسكن بمنزل (دورو) صديقنه الروماني وكان ياخذ على الواحد 10 دولار وله غرفه :101: يعني شوف الرخص واهو already يأجر بيته مو عشان يعني احنه نعرفه وسنايا ديره صغييره بس حلوه حييييل فيها قلعه الملك الروماني ومنطقه بارده حيل لأنها على جبل تصدقوون انه القلعه بابها من ذهب مكتوب عليه بسم الله الرحمن الرحيم ...........
المنطقه فيها تأجير للبقيات (دباب) حده حده حده حلوووووووو بس يطلب منك انك تورييه الليسن الأجازه
وروح وين ما ودك تروح وفيها مطاعم جميله وهادئ وسوق وكل شي الديره هاذي اللي تشم الهواء النقي صح :101: قعدنا بالمنطقه هاذي 4 ايام قبل ما نرد الكويت واحنا رادين كل واحد ايده على خده من الزهقه نبي نقعد بعد 25 يوم ما كفت.................. :101: وردينه بالسلامه ما صار علينه اي شي بالمطارات ولي يبي يسأل اي شي انا حاضر من عيوني اخوكم عاشق رومانيامواضيع عشوائيه ممكن تكون تعجبك اخترناها لك:
- سؤال يا أهل الخبرة / مواقف السيارات في هولندا
- ماهي الدول التي لاتتبع الشنقن
- تقرير مختصر سفرتي لبولندا
- كم يوم تاخذ الفيزا عن طريق اليونان وماهي المتطلبات ؟ وما اسرع لدولة للحصول على الفيزا
- بسافر لهولندا وسويسرا وصاحب المكتب استخرج لي الفيزا من السفار الأيطاليه
- الريف
- اليوننان
- مترجم عربي في البرتغال
- إستفسار عن السفر الى البوسنة
- كوسوفو
- مسافر من دبلن ايرلاندا الى سلوفاكيا او التشيك ارجو مساعدتكم
- سؤال عن التشيك ارجوكم اريد جواب اليوم
- القنصلية في جدة
- جنيف وبروكسل
- خبيرين البرتغالهلب
- شتاء بلجيكا الرائع فبراير م
- السويد والنرويج
- رايح لروسيا للدراسة وماذا عن سيارة لادا
- كم استفسار عن التشيك؟
- صور من السويد
رد مع اقتباس
المشاركة الأصلية كتبت بواسطة azde
وانا انصح انه يكون معاك شوي كاش (دولار او يورو) والباجي بالبنك بس اذا سألوك كم معاك وانت بالمطار لا تقولهم الصج خش فلوسك عدل واذا قالك ورني وره 400-500 دولار بس وانشالله بالسلامه وتقولنه تفاصيل رحلتك ببوخاريست واذا تبي رقم مترجم روماني 004.0721418669 اسمه دورو وقوله من طرف ناصر اللي جوك بالصيف قروب واهو يضبطك انشالله باللي تبيه
المفضلات