السلام عليكم ورحمة الله وبركاته
تحية لكم من البختري مشارك جديد
( البختري نبتة ربيع ذات رائحة عطرة ) أكتب لكم بالعامية ........ أنا دورت اسم أشارك فيه ماحصلت
كل ماكتبت اسم قال موجود قلت يالله عليك بالبختري أو النفل ........ الخ. الزبدة سافرت لأثينا مع واحد من الجماعة زقرتي أول مرة نطلع برا ( السالفة قديمة ) ربعنا يروحون من الأردن ( عمان ) قلنا مثلهم المهم ركبنا ركبنا الموتر ( كراع سعيدة ) ومشينا العصير عاد أخوكم ماخذ وصف عمان قالوا لي امسك هالدحاديرتوصلك لوسط عمان واسكن الفندق الفلاني .......... قل وصلنا عمان قال رفيقي تدل قلت مايحتاج قطاوي ويالله من دحديرة لدحديرة والله مادرينا إلا وحنا قدام الفندق المهم ماطول عليكم سكنا ومن باكر نروح للسفارة السعودية ويعطونا ورقة للسفارة اليونانية ونحجز ونسافر ونطب أثينا وحنا ميييييح
بالانجيلزي مانعرف إلا أوتيل يس نو وكم حررررررف أخذنا تكسي وقلنا للسواق أوتيل قام يخربط قلنا يس
ودانا لفنق اسمه ميرندا نظيف وحلو لكن عجزنا ننام من ازعاج الطيارات أثره الله يجيركم بجنب المطار
وياليلنا ليل وحنا جالسين قدام الفندق مروا من عندنا أربعة شباب قلنا الدم عربي وفعلا الأخوان من الكوبت قلنا النجدة
قالوا ابشروابسعدكم وش طلبكم قلنا نبي نرحل عن الفندق هذا مزعج وحنا نحاسب ونسكن بفندقهم قدام مدينة ملاهي ضخمة ونستانس حنا واياهم الله يجزاهم أأأأأأأأأأألف خير المراد ربعنا الكويتيين رجعوا للكويت
وحنا جالسين العصير بصالة الفندق نتقهوى ويجينا اكالشاب ويسلم ( ازيكم ) ونفرحإنه عربي قال أنا طيار ويطلع البطاقة
ونعزمه على العشا ويتمشى معنا ويعرف غرفتنا ... أثاريه عررربوه ناوينا ويصبحنا اكالصباح ويسرق ساعة خويي هدية من نسيبه توه ماخذ أخته ( والله قيمته 3000ريال ) وياخذ كمرتي ياشيكا غالية بفلمه
وندور رفيقنا ماله أثر ....... خلك مع ربيعك وبس.... الزبدة نبي ناصل بعد هالسرد الطويل الممل لأزرق
العينين . نزلنا لساحة أمونيا ( سندقما ) والا أبو عيون زرق يقول لنا اكسشينج اشر لنا بالحاسبة والا
أحسن من صرف البنوك واجد وأنا أمسد 100دولار ( حتة وحدة ) ويعطيني المبلغ وقال لي تقل يدري
باللي بجيبي 300وفوقهن رجعهن لي قلت أوكي شوي قال بوليس بوليس وانحاش من جهة وانا من
جهة رجعت أدوره عقب ماشفت معي من الدراخمات إلا ال300واللي فوقهن تذكرت النصيحة القديمة
لا جاك أزرق العينين لا تامنه ........ الزبدة استانسنا وكمانا المدة ورجعنا وصارت ذكريات من الماضي
بعدها قالت الديار وينك وصرن من دولة لدولة .

مواضيع عشوائيه ممكن تكون تعجبك اخترناها لك: