الموضوع: اخيرا حجزت بفندق الروز وود كورنيش

:24:فندق روز وود الكورنيش جــــــــــــدة :24:

Corniche

اولا

احب ان اشكر القائمين والمشرفين والأعضاء على جهدهم الكبير في هذا المنتدى الرائع الذي افادني كثيرا وامدني بمعلومات وفيرة ....... :101:


ثانيا

احب ان استمتع بمشاركتي الأولى في هذة البوابة وخاصة اني اكتب عن فندق يقع على كورنيش جدة عروس البحر الأحمر حيث كانت اقامتي فيه لمدة ليلة واحده فقط ( بس كانت هناك مفاجأة ) راح تعرفوها إن شاء الله

يقع الفندق على كورنيش جدة الشمالي مقابل منتجع موفنبيك وشمال مطعم بيتزاهات،الفندق من الطراز الفاخر ويعد من فئة الخمس نجوم ( درجة ممتازة ) وتم افتتاحه في شهر شوال 1428 هـ
وخدماتهم ممتازة ومنها انك لاتحتاج لركن السيارة بنفسك انما فقط تعطي السيارة للموظف عند مدخل الفندق وسيتولى ايقافها وفي حال رغبتك الخروج بالسيارة سيعيدها اليك
كما تتوفر لديهم خدمة (خادم خاص) لكل غرفة وهذا يوفر عليك عناء انتظار اي خدمة تطلبها من الإستقبال
كما يقوم الخادم الخاص بتنسيق الرحلات البحرية او رحلات الغوص ......( هالمقدمه ) سارقها من أخوي ابو عبداللطيف الله يحفظه في موضوعه ( فندق روز جده ) تعرفون عااااد مشكلتي في اختيار العبارات وكتابة تقرير مفصل :109: بس لكم مني انزل لكم صور عن هذا الفندق ولكن بشرط :114: ؟




















مشكلتي أني نسيت الكاميرا بتاعتي عند ذهابي الى جده فاضطررت إلى التصوير من جوالي :110: لكن لاتخافون الصور واضحة بس كيف انزلها من جوالي الى الموقع :114: ؟ اتمنى من ذووي الخبرة اخباري لاتمكن من تكملة التقرير المفصل ولأخبركم عن المفاجأة التي حصلت عليها .....؟ انتظروني في الحلقة المقبله :101: فـــ الشوق ـــارس

مواضيع عشوائيه ممكن تكون تعجبك اخترناها لك:

• وأرغب في شقة مفروشة جديدة ونظيفة وسعرها ممكن
• مذكرات حجية
• انا في مكه الآن
• اسبوع في جده وأبي اخطط له كويس
• حجاج بيت الله قادمون من الكويت
• استفسار عن فجر الشرق ؟؟؟؟؟
• أريد شقق مفروشة لرمضان
• اعلان بخصوص التعامل مع رحلة الإيمان
• فندق النخبه بمكه
• ** شارع الفن **
• برجاء الافادة وشكرا
• لمحبي الأكلات المصريه
• ناوي اروح العمرة وابغي مشورتكم؟
• ما هي أفضل مطاعم اليغمش والمنتــــو بجده؟
• تقرير رحلتي إلى ربوع مكة المكرمة والمدينة المنورة
• رحلتي الى المدينه المنوره ومكه المكرمه وجده غير
• المغرب
• مطعم تشيليز ما في حد زي
• ما هي اسعار الغرف في ابراج زم زم في مكة المكرمة
• استئناف الرحلات الجوية بين العراق والسعودية

الف مبرووووووووووووووووووووك الحجز وان شاء الله اجازه سعيده....

بالنسبه لتنزيل الصور فعليك اولا نقلها من جوالك الى كمبيوترك الشخصي وبعده ادخل على رابط (معرض الصور) ومن هناك تقوم بتحميل الصور من جهازك الى الموقع ثم تأخذ الرابط حق الصور وتدرجه في موضوعك...

بانتظار تقريرك عزيزي ...

تحياتي

انا متاكد ان الموضوع اللي بالاسفل راح يوضحلك اشياء كثيره

http://www.arabtravelersforum.com/travel147207/

ننتظر الصور..

هنا كل ماتريد عن الصور
VVV
VV
V

http://www.arabtravelersforum.com/travel152592/

الغالى فارس الشوق ..
شوقتنا مررررررررررررررررة للتقرير كلنا فى الانتظار ..
يعطيك العافية ..ومساء الورد :101:

مساء الخير لكم جميعا ...... اسف على انتظاركم وربي اني انحست في تنزيل الصور لكن ان شاء الله راح انزلها في اقرب فرصه شاكر انتظاركم وراح تشوفها بإذن الله .............

ان شاءالله تكون اقامه ممتعه
بنتظار الصور

!!

الف مبروك الحجز

ننتظر باقي التقرير المصور

!!

السلام عليكم ورحمة الله وبركاته نبدأ معكم طريقة الحجز فالبداية تم الاتصال بالفندق وتم تحويلي على قسم الحجز حاولت احجز لكن طلبوا مني بطاقة ائتمان ولكن لايوجد معي بطاقة ائتمانية فقالوا لايوجد حل الا انك ترسل لنا احد من معارفك في جده ليقوم بالحجز بدلا عنك والا ربما لن تستطيع الحجز في اليوم اللي طلبته ... قلت لهم اوكي بعد التفكير العميق قلت ما فيه حل الا إني اسافر جده طبعا أنا كنت ابي اسكن انا وام العيال في فندق 5 نجوم ويكون جديد وبه جاكوزي خصوصا إني كنت مسافر خارج حدود الوطن خلال شهر صفر ورجعت من السفر وما قابلت ام العيال لذا حبيت اني اضرب عصفورين بحجر / اولا عيد زواجنا اللي يوافق 24/مارس / وثانيا رجعتي بالسلامه من الخارج وابي جاكوزي اطقطق فيه ..... طولنا عليكم المهم حجزت على جده وذهبت مباشرةً من المطار الى الفندق بتاريخ 23/مارس الساعه 12 ظهرا ... وصلت الفندق وجلست مع مشرف الحجوزات واحد اسمه ( حمدي ) قمة في الاخلاق مصري الجنسية سألته عن اسعار الغرف والاجنحة واعطاني الاسعار واخترت جناح اللؤلؤه وكان السعر بعد الخصم اقامة ليلة واحده 1210+15% خدمة يعني تطلع حدود 1400 شامل وجبة افطار ومساحة الغرفه كبيرة جدا حدود 50 قدم مطلة على البحر تم دفع المبلغ كاش واخذوا كالعادة 500 ريال تأمين ( طبعاً السعر كان بعد الخصم الخاص لموظفي وزارة الداخلية ) بحكم طبيعة عملي /// اخونا حمدي ودعني وطلعت على اساس بجيهم بكره للسكن في تمام الساعه 4 عصرا وعندما حلت الساعه 3 ظهرا لم اعــد استطيع الانتظار فذهبت انا وأم العيال بسرعة البرق فرحاً بهذا الفندق ( واللي يشوفنا يقول واحد متصدق عليهم بليله مجانية ) المهم دخلنا الفندق وش تتوقعون طلعت المفاجأة ؟؟

ههههههههه

شوقتنا وش المفاجأه

تحياتي

يووووه بالله كمل

و نبي صور حلوة لو سمحت

بانتظار البقيه

بانتظار البقيه

الحمد لله على السلامة اخي المبارك ...




وبارك الله فيك ... وجعل ايامك كلها فرح وسعادة ...




بداية موفقة لتقرير مميز جميل .. بإذن الله تعالى ..



نسأل الله ان يوفقنا وإياك لما يحبك ويرضاك ...




ولا تطول علينا ...


وإلا تدري !! من طول الغيبات جاب الغنايم !!



تحياتي من اعماق قلبي ... والسلام ختام الكلام ...

معاك ,, تقريرك فلة ..

نفرات لازم مافي شوي تأخرات
لأن في هزا نفرات في انتزارات مال أنتا
لازم سوي نزل صورة عشان سوي شوف شوف مع بعز
أنا في سوي استنا مال أنتا

السلام عليكم ورحمة الله آسف جداً جداً جداً على تأخيري في الرد عليكم لظروف العمل ........ المهم وصلنا معاكم إلى المفاجأة عندما ذهبنا إلى الفندق تم استقبالنا من قبل مشرف الحجوزات أخونا حمدي الله يذكره بالخير اعطيناه رقم الحجز دخله في جهاز الكمبيوتر وطالع فيني وهو يضحك وش فيك يا ميدو تضحك قال الف مبروووك الإدارة أعطتك جناح ( أميري ) بدلاً من جناح اللؤلؤة اللي كنت حاجزه ؟؟؟ طبعاً أنا قلت له ياخي انا ما ابغى الا جناح الؤلؤ ضحك اخونا حمدي وقال انت عارف بكم الليله في الجناح الاميري ؟؟ قلت له والله ما ادري قال الليله بــ 7000 ريال وانت راح تسكن بنفس سعر الليله اللي كنت حاجزها في جناح الؤلؤ ...... طبعاً سكنت ليله واحده فقط كانت من اجمل ايام حياتي وصراحه فندق غير طبيعي رائع بكل ما تعنيه هذه الكلمة وبالنسبه للصور حاولت مرارا وتكرارا انزلها والمشكله اني ( عليمي ) في تنزيل الصور ولكن بحاول انزلها من موقع أخر لرفع الصور ( وأكرر اعتذاري مرةً اخرى لتأخيري في الرد عليكم ) ودمتم لمحبكم فارس الشوق

ماااااشااااء الله حظك حلو


بانتظار الصور

بس هل هذي هديه؟؟؟ والا ايش بالضبط؟؟؟



ننتظرك

اخوي ريح المسك وش تقصد بردك ( بس هل هذي هديه؟؟؟ والا ايش بالضبط؟؟؟ )

فعلاً على اي اساس اعطاك الجناح الأميري ,, هل هي هديه ام ان طلبك الأول غير متاح عشان كذا بدلو لك هذا الجناح
نبغى نعرف تفاصيل اكثر
لأني من وقت ماقلت غيرولك جناح اميري وانا انوي اروح احجز نفس حجزك عشان يعطيني جناح اميري ههههههه
عموما فعلاُ انت محظوظ جداً بهذه الليله الجميله في هذا الفندق الرائع والله يسعدك دوم

الله يسعدكم اخوي فارس الشوق
بصراحه فرصه رائعه جداً واتمنى ربي يكررها عليكم وعلينا
وتسلم اخوي على نقل تجربتك لنا

اولا مبروك وهنيئا لك بزيارة هذه الفندق الاكثر من رائع
ونتمنا تزويدنا بالصور عاااااااااااااااااجل