السلام عليكم
طبعا دي تقريبا اول مشاركة ليا في المنتدي واتمني تكون مفيدة واستفيد بخبرة الاخوة هنا

انا ان شاء الله ناوي اتجوز علي اخر اسبوع في ديسمبر - يعني من 26 ديسمبر كدا
لسه ماحدتتش اليوم بس هو تقريا من 26- 30 ديسمبر
وحابب اطلع شهر عسل في اوربا فالمدة دي - وطبعا مكنش في بالي حاجات كتير واهمها اللي افتكرته :
- الموعد دا موعد راس السنه والكريسماس والاعياد واكيد كل شيء بيكون غالي
- الموعد دا عز الشتاء في اوربا

فطبعا فكرت في جنوب اسبانيا ( الاندلس ) لانه بيكون اقل ثلجا من اي حته تانيه
طبعا يا رييييييييييييت حد من الأعضاء بخبرتهم في اوربا واسبانيا بالذات يساعدني في ترتبيب الاسبوع دا يعني مثلا يبدأ من الاندلس ليومين وبعدين ممكن ازور ايطاليا او فرنسا او البرتغال ( كل بلد يوم كدا مثلا ) ونرجع تاني علي الأندلس

واستفساراتي كالأتي :

- هل الوقت دا ينفع لشهر عسل في الاندلس ؟ كطقس ؟
- هل اقدر اتنقل عادي بين الاندلس وباقي اوربا ؟ ولو بالسيارة او الكروز ايه الاخبار ؟
-التكلفه بين الفتره دي وفترة منتصف يناير او اواخر يناير 2011 بيكون فرق سعر كبير ؟
-ايه المصاريف ( كمتوسط ) المتوقع غير الطيران والفنادق ؟ وهل لازم احجز في كل بلد هاروحها من دلوقتي ولا سهل اظبطها في اي وقت لما اوصل هناك

- ويا ريت زي ما قلت يا جماعه لو حد عنده اقتراح لاسبوع كامل مع ذكر التكلفة المتوسطيه و مراعاة ظروف الطقس

والف الف شكر علي مساعدتكم مبدأيا

مواضيع عشوائيه ممكن تكون تعجبك اخترناها لك: