الموضوع: دخول فيزا شنقن ايطالية الى اسبانيا استفسار ؟

السلام عليكم ورحمة الله وبركاته
تحية طيبة

اود الاستفسار عن حالتي

انا استخرجت فيزا شنقن ايطالية وسأذهب اولا لاسبانيا ومن ثم الى ايطاليا هل هناك مشكلة ام لا ؟

انا استخرجت الفيزا من مكتب الفيفا واخبرني انه لا يوجد مانع بذلك حتى ان كنت ستذهب لاسبانيا اولا

افيدوني
جزاكم الله خير

مواضيع عشوائيه ممكن تكون تعجبك اخترناها لك:

• ارتداء العبايه في مدريد
• ودي أسافر لمدريد وإقليم الأندلس
• سؤال عن الفيزا واتجاه الرحله
• مسافر بعد يومين
• استفسار بخصوص العفش المسموح في اسبانيا
• تبي تحجز بأقل سعر من اي بلد لأسبانيا حياك الله تفضل
• يا خبراء اسبانيا اشصاير ببرشلونه؟؟؟؟؟؟؟؟؟
• استفسار عن السينما في مدريد
• استفسار لرحلة للكامب نو
• نصائحكم أسبانيا في نوفمبر لمدة أسبوع واحد فقط؟
• مسافر اسبانيا في ابريل علي الخطوط السعودية جدة مدريد
• آحتآج مسآعده ضروريه
• ابغاء من المنتدى سكن لعائلة كبيرة في مدريد
• مساااعده ضروريه
• رتبولي جدولي ارجوكم
• مخطط لاسبانيا محتاجة نصاااااايحكم ضروري
• موعد السفر اقترب هل من مسعف
• مباراة برشلونة وفيال ريال متى ؟؟؟
• بغيت فندق على شارع قران بيا شارع المقاهي والمطاعم ويكون سعره مناسب
• كم يفرق بالفلوس

المشاركة الأصلية كتبت بواسطة مهندس الهدد
http://www.arabtravelersforum.com/tr...1/#post4175634

السلام عليكم ورحمة الله وبركاته
تحية طيبة

اود الاستفسار عن حالتي

انا استخرجت فيزا شنقن ايطالية وسأذهب اولا لاسبانيا ومن ثم الى ايطاليا هل هناك مشكلة ام لا ؟

انا استخرجت الفيزا من مكتب الفيفا واخبرني انه لا يوجد مانع بذلك حتى ان كنت ستذهب لاسبانيا اولا

افيدوني
جزاكم الله خير



إذا كانت مدة إقامتك في إيطاليا أكثر من أسبانيا فإجراءك نظامي 100%
ونصيحة أخ خل معك اثبات بحجز السكن طول مدة إقامتك في اسبانيا وإيطاليا حتى توريه للموظف لو حاول يعقدك

طيب السؤال اذا كنت ساذهب الى اسبانيا فقط

هل يصلح اطلع الفيزا من السفارة الايطالية

انتم خابرين الحين السفارة الاسبانية تشترط حضور
صاحب الطلب واللي خارج الرياض يتعذر عليه مراجعة السفارة

وانا سالت مكتب وقال اطلع لك من الايطالية بس خايف انه تصير مشكلة الله يستر

تكفوووووووووووون اللي عنده اي معلومة بهالخصوص
لا يبخل علينا

ومشكوووورين

نفس السؤال! وأنتظر الرد معاك..

انا سافرت في اخر شهر 2 ميلادي وكنت مطلعها من الايطاليه وكل رحلتي لاسبانياااا
ومشت اموررررري ولله الحمد بدون اي تعقيد

إن شاء الله بتوكل على الله ومايمديناا الغي التاشيرة باقي على سفرتي 6 أيام
تكفون اللي بيروح قبل 9 سبتمبر ومطلع تاشيرته من سفارة ثانية ومشت امواره يدخل هنا يبشرنا الله يجزاه خير

يا اخوان مديرية الجوازات ماعندهم سالفه .. وش اللي اولا

الفيزا تعتمد على البلد اللي بتجلس فيه مده اطول

انا كنت ابي اروح باريس بشهر 6 واقامتي باسبانيا اكثر لكن سويت حجوزات وهميه ان جلوسي بفرنسا اطول وطلعت

اي واحد منكم متخوف يسوي مايلي : افتح اي موقع الكتروني لحجوزات فنادق , مثال صاحب الموضوع رحلته 10 ايام , احجز اول ليلتين باسبانيا حجز وهمي + 6 ليالي بايطاليا + اخر ليلتين بالمدينه اللي بتقلع منها حتى لو نفس المدينه الاسبانيه الاولى , اطبع اوراق الحجز , كنسل الحجز

وصلى الله وبارك

طبعا انا افترض لكن بالغالب ماحد ينشد ولا يعترض لكن بعض الاخوان صارت لهم مشكله في مطار امستردم بسبب ان الفيزا اسبانيه .. بس هولندا عندهم حزازيات مع السعوديه بالتحديد بسبب الكتب والافلام اللي مسويها اعلامهم

للجميع
1- الجوازات السعودية ما راح يمنعونك من السفر
2- اللي مطلع تأشيرة من بلد مو رايح لها ممكن منفذ الدخول يرجعونه ويرفضون دخوله ( بحسب الموظف ) بس فيه طريقة للتغلب على ها المشكلة وهي أنك تقول للموظف كانت رحلتي مرتبة لبلد التأشيرة ولكن غيرت رأيي ويكون معك حجز فنادق للبلد اللي بتدخلها ( ممكن يرجعك لو ما جبت له حجز فنادق )
3- الأخ اللي يقول هولندا في مشاكل مع السعوديين أنا أعرف ناس رجعوا من ألمانيا وناس من أسبانيا ما سمح لهم بالدخول

أخوي zaman99s بنسبة لحجز الوهمي للفنادق أي بلد اللي مطلع التاشيرة أو اللي بدخلهاا

شباب هذا موضوع يطمن شوي وعلى حسب الموظف الجوزات

http://www.arabtravelersforum.com/travel422149/

دقيت على السفارة قبل شهر وكلمتني لبنانية [تقول فيك تدخل وفيك ماتدخل ] على حسب شرطة المطار
إن شاء الله انا بروح يوم 9 وبخبركم وش يصير معي
تكفون ياأعضاء المنتدى اللي بيروح قبل تاريخي ومطلع تاشيرته من سفارة ثانية يدخل هنا ويطمن باقي الاعضاء

ههههههاي شكل البنانيه ماعندها ساااااالفه
طيب احس احسن حل هو التواصل مع الجوازات الاسبانيه عشان مرره نعرف الي لنا والي ماعلينا
الي عنده لغه اسبانيه او انقلش يكتب له لو حجزت من ديره ثانيه ثم هونت ورحت لاسبانيا هل فيه مشكله ولالا ؟

خخخخخخخ حلوه التواصل مع الجوزات الاسبانية

المشاركة الأصلية كتبت بواسطة تشتاق
http://www.arabtravelersforum.com/tr...8/#post4202048

ههههههاي شكل البنانيه ماعندها ساااااالفه
طيب احس احسن حل هو التواصل مع الجوازات الاسبانيه عشان مرره نعرف الي لنا والي ماعلينا
الي عنده لغه اسبانيه او انقلش يكتب له لو حجزت من ديره ثانيه ثم هونت ورحت لاسبانيا هل فيه مشكله ولالا ؟



أخواني كلام الموظفة اللبنانية سليم
فيك تدخل وفيك ما تدخل بحسب موظف الجوازات ومزاجه إذا طبق المظام رجعك وإذا تساهل سمح لك

المشاركة الأصلية كتبت بواسطة سطام بـن فهد
http://www.arabtravelersforum.com/tr...7/#post4210337

يالربع جاوبونا تكفووون اجابه وافيه

عن الفيزا الاياطاليه باسبانيا

بدينا نخاف ويمكن نكنسل السفره !!!



أخوي سطام
في الغالب ما راح أحد يسألك ولكن
إذا انت رايح لأسبانيا فجهز حجوزات فنادق وتذاكر داخلية لرحلتك كاملة وخلها معك ولو سألك موظف الجمارك قول له كنت ناوي على إيطاليا لكن غيرت رأيي وهذي حجوزاتي الجديدة لمدة إقامتي كاملة

المشاركة الأصلية كتبت بواسطة سطام بـن فهد
http://www.arabtravelersforum.com/tr...7/#post4210337

يالربع جاوبونا تكفووون اجابه وافيه

عن الفيزا الاياطاليه باسبانيا

بدينا نخاف ويمكن نكنسل السفره !!!



لا تخااف توكل على الله

كل عام وانتم بخير

بحمد لله تم دخول الاراضي الاسبانية بفيزة فرنسية في أقل من 20 ثانية
من دون ولا كلمة . فقط خذ الجوزات وختم عليهاا

المشاركة الأصلية كتبت بواسطة أنا ولدك يابابا
http://www.arabtravelersforum.com/tr...9/#post4219609

كل عام وانتم بخير

بحمد لله تم دخول الاراضي الاسبانية بفيزة فرنسية في أقل من 20 ثانية

من دون ولا كلمة . فقط خذ الجوزات وختم عليهاا

طب الحمدلله على السلامه
على كدا شكلي حطلع الفيزا من السفاره الفرنسيه على اساس انها اسهل ومو معقده زي الاسبانيه

تروح وترجع بالسلامه ومستنين احلى تقرير
وكل عام وانتم بخير

تم أستخراجها من السفارة الأيطالية اليوم والنيـة الى أسبانيا بأذن الله وربكمـ الحافظ والله ييسر

انا متابع للموضوع عندي استفسار , انا بسافر لبرشلونه في شهر يناير 2011 ان شاء الله
متى المفروض اروح للسفارة عشان اجراءات التاشيرة هل ممكن اروح قبل شهرين مثلا؟ ولا كيف ؟

وشكرا

المشاركة الأصلية كتبت بواسطة الاحساس الوافي
http://www.arabtravelersforum.com/tr...0/#post4287150

انا متابع للموضوع عندي استفسار , انا بسافر لبرشلونه في شهر يناير 2011 ان شاء الله
متى المفروض اروح للسفارة عشان اجراءات التاشيرة هل ممكن اروح قبل شهرين مثلا؟ ولا كيف ؟

وشكرا



بتروح في يناير
اتصل من الحين على السفارة عشان تأخذ موعد خلاص ما بقي وقت

والله السفرة في اخر يناير يعني بعد اكثر من ثلاث اشهر و اخذ موعد من الحين شكل عيهم ضغط الله يعني ع تعقيداتهم يقولو انهم معقدين مرررررره ,
الف شكرا اخوي ع التنويه انا ناوي اتصل في شهر ديسمبر الحمدلله انك علمتني
انا ماراح يعقدني الا سالفة الفاكس الي من الفندق الله يسهل
بالنسبة للاستمارة الدخول هل هذي هيا الي اعبيها
http://www.diplomatie.gouv.fr/fr/IMG/pdf/visagb.pdf
راح تبلشو فيني حتى اسافر هههههههههه الله يخليكم والله ساعدتوني كثير بالسفرة هذي والي قبل و ان شاء الله بالمستقبل

مشكور اخوي Zaman99s

الاخ الاحساس الوافي،

تراهم مو معقدين ولا يحزنون والله يحللهم ويبيحهم عند سفارة فرنسا اللي إستقعدوا لصورة زوجتي قال إيش قال لازم تكون رقبتها واضحة (إيش يبون برقبتها!!!!).

على العموم أدخل موقعهم وجهز طلباتهم وخذ موعد قبل شهر من تاريخ السفر وخلال 15 يوم راجعهم وأستلم تأشيرتك بس الله يهينك على تصوير المستندات.

للمعلومية للحصول على تأشيرة الشنغن عن طريق الفرنسية أو الألمانية لازم تدفع 90 ريال إضافية للجواز بدل أتعاب للمكتب المشترك اللي في المربع زائد 5 ريال بدل رسايل جوال.

هذي تجربتي رحلهم وخلص أمورك ولاتحتاج مكتب سياحة ولا يحزنون.

إبراهيـــــــــم

مشكوووووووور اخوي ابراهيم الله يسمع منك وتتيسر اموري فعلا اتصلت عليهم قالولي اتصل عشان تاخذ موعد في اخر نوفمبر
" بس الله يعينك على تصوير المستندات" حلوه الله يعيني يقولو لازم تصور كل مستند ثلاث نسخ زين اذا جت على كذا وهذي مو مشكله عندي بالعمل اله تصوير لو يبون الف صورة خخخخخخ
والله كلامك ريحنـــــــــــي الله يسلمــــــــــــــــــــ كــ خيوو

العفو أخوي الاحساس وحاضر لاي إستفسار آخر وزي ما قلت لك من قبل حضر اوراقهم بالشكل المطلوب وإن شاء الله تتيسر أمورك.
نقطة تأكيد حجز الفندق بإرسال فاكس إليك، أنصحك أن تبدأ فيها قبل الموعد بفترة لانها تحتاج متابعة منك وملاحق وحتى في حالة أن موعدك جاء و ما أرسلوا لك الفاكس لا تشيل هم يطلبونه منك عند إستلام الجواز مع التأشيرة.

إبراهيـــــــم

ان شاء الله ما فية اي مشكلة

انا الشنقن من الايطالية ونزلت مدريد وما قالوا اي شيء . ختم على الجواز بسرعه بدون لا يقرأ شيء

المشاركة الأصلية كتبت بواسطة Ibrahim SA
http://www.arabtravelersforum.com/tr...8/#post4300458

العفو أخوي الاحساس وحاضر لاي إستفسار آخر وزي ما قلت لك من قبل حضر اوراقهم بالشكل المطلوب وإن شاء الله تتيسر أمورك.
نقطة تأكيد حجز الفندق بإرسال فاكس إليك، أنصحك أن تبدأ فيها قبل الموعد بفترة لانها تحتاج متابعة منك وملاحق وحتى في حالة أن موعدك جاء و ما أرسلوا لك الفاكس لا تشيل هم يطلبونه منك عند إستلام الجواز مع التأشيرة.

إبراهيـــــــم



ماقصرت اخي ابراهيم كفيت وفيت
هوا فعــــــــلا حجز الفندق و شرط ارسال الحجز بالفاكس و مايعترفو بالbooking شرط مالها داعي من الاسبان!! لانه شرط عقيم
والله ييسرلك امورك ويوفقك دنيا واخرة


اخي qazwsx123 فعلا بعض الاوقات او بالاصح اغلب الاوقات تمر اذا طلعت التاشيرة من دوله ثانيه ورحت لدوله غيرها بس فيها مخاطرة حتى لو 1 بالمئة ماابي اروح ع امل و الله ييسر الامور ع المسلمين اجمعيـــــــن

أخوي الأحساس الوافي

شرط الفاكس أبد مو معقد وأصعب فيه وجود جهاز فاكس قريب منك. وهون الأمور تهون أخي العزيز.
إذا أحتجت مساعدة فأنا حاضر ومستعد.

إبراهيـــــــــم

والله خجلتــــــــــني اخي ابراهيـــــــــم مشكور والله يعطيك الصحة و اكيد اذا فيه اي استفسار مالنـــــــــا غنــــا (: