الموضوع: رحلة كروز تبدأ من أسبانيا وتمر ايطاليا وفرنسا موجوده لستفساراتكم

السلام عليكم ورحمة الله وبركاته

شحالكم يا اعضائنا يا حلوين عساكم بخير

حاولت اكتب تقريري بس ما عرفت من وين ابدأ

فقلت بحطلكم اهم التفاصيل واسألتكم بتكمل الموضوع

سفرتي كانت تاريخ 24-6

والرجعه تاريخ 8-7


على طيران التركي رخيص بس ما انصح حد فيه وترانزيت في تركيا طبعا

توزيع الرحله

7 ايام في اسبانيا

7 في الباخره كروز (رويال كربيان)


السكن في اسبانيا


Barcelo Raval

http://www.eurobookings.com/barcelon...FZQy3godKH8U0w

الفندق حلو راقي جدا مشكلته مب على شارع لارمبال حجزناه عن طريق الخطأ بس زين

مب وايد بعيد 5 دقايق من شارع لارمبال

ثلاث ايام ابـ 311 يورو

وسكنا قبل الكروز في فندق Melia Barcelona

والسبب ان الله يسامحهم الشباب كانو يبغون فندق قريب من ملعب برشلونه

الفندق حلو ونظيف مشكلته انه بعيد وااايد من شارع لا رمبال بس حذال الفندق

في 3 مراكز تجاريه

انا انصح ابفندق رويال و يصنف من فنادق الأربعة نجوم نظيف ومرتب وسعره حلو

http://www.arabtravelersforum.com/re...hroyal.com/en/

كروز


تم حجز الرحله عن طريق شركة رويال كاريبيان

http://www.royalcaribbean.com/

السعر كان حلو لان حجزنا وقت التخفيضات فجأه يسون عرض الحق ماتلحق

Day 1 Barcelona, Spain 7:00 PM

Day 2 Cruising

Day 3 Naples, Capri, Italy 7:00 AM 7:00 PM Docked

Day 4 Civitavecchia (Rome), Italy 7:00 AM 7:00 PM Docked

Day 5 Livorno (Florence/Pisa), Italy 7:00 AM 7:00 PM Docked

Day 6 Villefranche (Nice), France 7:00 AM 7:00 PM Tendered

Day 7 Provence (Toulon), France 7:00 AM 5:00 PM Docked

Day 8 Barcelona, Spain 6:00 AM


اسم السفينه Voyager of the Seas

وفيها هل اشياء وطبعا غير العروض المسيقيه اشياء حلوة

Ice-skating rink
Rock-climbing wall
In-line skating
Royal Promenade (open 24 hours)
Johnny Rockets® '50s-style restaurant
Portofino Italian Restaurant
Themed bars and lounges
Casino RoyaleSM
Golf simulators
9-hole miniature golf course
Adventure Ocean® youth facilities
Day Spa and Fitness Center
Full-size basketball court
انتظر اسألتكم والسموحه على القصور

مواضيع عشوائيه ممكن تكون تعجبك اخترناها لك:

• استشارة لاصحاب الخبرات بالسفريات
• نبارك لمشرفنا الجديد
• ارجو منكم مساعدتي في السفر لغرناطة وسؤال بسيط بخصوص الخطوط
• ارجوا افدتي من اهل الخبره بالسفر لاسبانيا
• فنادق اسبانية
• برشلونة و الأماكن القريب منها
• رحلتي الى مباراة ريال مدريد بالصور
• ابغى احلى شهر عسل من احلى منتدى
• استفسار ترانزيت إلى برشلونا داخل دول الشنغن
• استفسار عاجل لاهنتـو
• خبراء أسبانيا ساعدوني
• كيفية الانتقال من مدريد الى برشلونة ؟
• وين الاماكن السياحيه الجميله و فنادق في قربطه و غرناطه و مالاقا و ماربيا
• احتاج مساعدتكم بليييز
• وش تنصحون فيه اسبانيا وفرنسا؟ او
• محتار في السكن في برشلونة
• الى مشرفي منتدى اسبانيا احتاج لتواصلكم
• رحلتي إلى مدريد ـ سلمنكا و بورتو البرتغال
• مساعدة بخصوص الطيران الاقتصادي
• محتار بين هالفندقين في مدريد

الجو


اسبانيا جوها حلو مب حر ولا برد احلى جو بين الثلاث

ايطاليا وااايد حر

فرنسا فلوسط بينهم

هذي اهم الاماكن في فرنسا وايطاليا

ايطاليا

http://www.arabtravelersforum.com/tr...6/#post4022526


فرنسا


http://www.arabtravelersforum.com/travel405558/

للاسق لم استطع تعديل الموضوع الي يعرف يساعدني

تصدقين سعركم وايد احسن بالفندق حجزت 5 ليالي ب 913 يورو بس خذته من النت تطلع الليلة 84 دنار بحريني ويوم سألت مكتب السفريات لنفس الفترة عطاني 126 دينار بحريني فقمت مباشرة وحجزته من النت .

شكلج ما عندج غيري .....شنو أحلى فعاليات الكروز؟ وشخبار غرف الفوياجر اوف ذ سي؟؟؟؟آنه حاجزه الغرفة ام بلكون مع إنها كانت ضد رغبة زوجي يقول اغلى واحنا طول يومنا برع الغرفة ! وجهة نظر سليمة بس ذي اول مرة لي بالكروز حبيت ادلع اشوي مرة ثانية ناخذ الغرفة الأرخص إذا الله أراد

بعد نبي تفاصيل عن الاسبوع الي قضيتوه في اسبانيا اشسويتوا؟؟؟؟هل طلعتو برع برشلونه؟؟وين احلى الاسواق؟

الحمد الله على السلامة
أن شاء الله أنكم استمتعتوا بالسفر

أكتبي تقريرك في الصفحة الرئيسية http://www.arabtravelersforum.com/travelarab24/

المشاركة الأصلية كتبت بواسطة غطيطة
http://www.arabtravelersforum.com/tr...4/#post4023024

نبي تفاصيل من فضلج........آدري مللتج بس اول تقرير احصله لنفس خط رحلتي الكروز ولا حاجزين بنفس الفندق بارسيلو رافال....بغيت الرويال بس مادري اشعندهم من 19 سبتمبر كل فنادق الرامبلا مليانه والسعر دبل حجزت اول ليلة قبل الكروز بسلكن رامبلا طلعت لي الليلة ب 88 دينار ويوم باحجز لبعد الكروز طلعت لي الليلة ب 126 دينار فغيرت لبرسيلو رافال ,,,,,شخبار غرف الفندق وكرمكم الله (دورة المياه)؟ان شاء الله نظيفة ؟



افا عليج فلخدمه

لبرسيلو رافال مادخلته للأسف الحمدالله رجعنا قبل ماتغلى الفنادق

حماماتهم سلمج الله نظيفه مشكلتها مافيها ماي ولله كنا انعبي غراش الماي

المشاركة الأصلية كتبت بواسطة غطيطة
http://www.arabtravelersforum.com/tr...2/#post4023032

تصدقين سعركم وايد احسن بالفندق حجزت 5 ليالي ب 913 يورو بس خذته من النت تطلع الليلة 84 دنار بحريني ويوم سألت مكتب السفريات لنفس الفترة عطاني 126 دينار بحريني فقمت مباشرة وحجزته من النت .



نحن حجزنا عن طريق موقع بوكنك

بس احس سعركم بعد زين

المشاركة الأصلية كتبت بواسطة غطيطة
http://www.arabtravelersforum.com/tr...0/#post4023060

شكلج ما عندج غيري .....شنو أحلى فعاليات الكروز؟ وشخبار غرف الفوياجر اوف ذ سي؟؟؟؟آنه حاجزه الغرفة ام بلكون مع إنها كانت ضد رغبة زوجي يقول اغلى واحنا طول يومنا برع الغرفة ! وجهة نظر سليمة بس ذي اول مرة لي بالكروز حبيت ادلع اشوي مرة ثانية ناخذ الغرفة الأرخص إذا الله أراد



الفعاليات سلمج الله ما اتخلص كل يوم بحطونلج ورقه فيها لستت فعاليات

عرض الاسكيت

عرض المجوهرات

عرض لوحات


لاتنسين تاخذينلج فستانين كيوتين (نحن لبسنا فستان قصير وتحته بنطلون وفوق قميص)

وريلج لازم ياخذ بدله اخواني ما كانو ماخذين بس شفنا عرب لابسين كنادير شكلهم كان كيوت


غرف الكروز حلوة بلنسبالي حبيت البلكونه اكثر شئ كنا كل يوم فليل نقعد على البلكونه ونطلب

من خدمة الغرف حاسبو بعد الساعه 12 ابيزات

المشاركة الأصلية كتبت بواسطة غطيطة
http://www.arabtravelersforum.com/tr...4/#post4023074

بعد نبي تفاصيل عن الاسبوع الي قضيتوه في اسبانيا اشسويتوا؟؟؟؟هل طلعتو برع برشلونه؟؟وين احلى الاسواق؟

نحن ناس مال شوبنك ما سوينا شئ غير الشوبنك وكان بس في برشلونه ما رحنا مكان ثاني

كنا كل يوم انروح شارع فرعي من شوارع لا رمبال اشيائهم حلوة

وفي حولين فندق ماليا 3 مراكز للاسف ما اعرف اسمهم هم قراب من ملعب برشلونه بس مب وايد

نصيحه من اخت يوم توصلون ايطاليا لاتشوفين التراث اركضي السوق

فستاينهم وماركاتهم ارخص بواايد من الامارات والماركات في ايطاليا ارخص شئ

المشاركة الأصلية كتبت بواسطة الليل و النهار
http://www.arabtravelersforum.com/tr...6/#post4023746

الحمد الله على السلامة
أن شاء الله أنكم استمتعتوا بالسفر

أكتبي تقريرك في الصفحة الرئيسية http://www.arabtravelersforum.com/travelarab24/



تسلم اخوي وايد استمتعنا الحمدالله

اذا تنقلي الموضوع افضل لاني حاولت انزله هناك ماقدرت

وحاولت اضيف اشياء بعد ما قدرت

المشاركة الأصلية كتبت بواسطة عربيه وأفتخر
http://www.arabtravelersforum.com/tr...5/#post4023985

نحن ناس مال شوبنك ما سوينا شئ غير الشوبنك وكان بس في برشلونه ما رحنا مكان ثاني

كنا كل يوم انروح شارع فرعي من شوارع لا رمبال اشيائهم حلوة

وفي حولين فندق ماليا 3 مراكز للاسف ما اعرف اسمهم هم قراب من ملعب برشلونه بس مب وايد

نصيحه من اخت يوم توصلون ايطاليا لاتشوفين التراث اركضي السوق

فستاينهم وماركاتهم ارخص بواايد من الامارات والماركات في ايطاليا ارخص شئ




والله انج ما قصرتي .....قصدج ايطاليا في اليوم الي بننزل فيه من الباخرة؟؟؟؟؟؟او انتوا رحتوا ايطاليا بعد او قبل برشلونة؟؟؟؟؟؟وإذا كان في اليوم مال الباخرة هل يمدي للتسوق؟؟؟؟ووين بالضبط لو سمحتي اي منظقة واي سوق؟

صج يقولون إن ماي الشرب بالكروز بفلوس؟؟؟؟هل يعقل يعني الاكل طول اليوم مدفوع الاجر ويات على الماي!!!!!!!!وارجع اسئل هل تعاملتوا مع التورز الي بالباخرة والا رتبتوا للجولات بكل منطقة بروحكم؟؟؟؟؟؟وبالنسبة لسعر الكروز إذا مافيها احراج لج كم طلع علكم الشخص؟احنا شخصين خذنا الكروز بعملتكم 11048 درهم غرفة ببلكونة الدور الثامن....بس عشان أقارن اسعار مكاتب السياحة عندنا باسعار الامارات الحبيبة....وبالنسبة للتبس (البقشيش) الاجباري هل دفعتوه كاش اخر يوم او من الامارات مع سعر الكروز وهل لازم يعطونكم رصيد انكم دفعتوا التبس تسلمونه اخر يوم بدل الكاش؟وارجع واقول السموحة على الاسئلة الكثيرة

ههههههههههههه لا عادي حياتي خذي راحتج

شوفي الاكل تقدرين تاكلين اي مكان بكيفج بس في مطعم راقي الي انتو حجزتو فيه الساعه 9

هذا تاكلين فيه كل يوم الساعه 9 بس ماتقدرين اتروحين على كيفج نحن الحمدالله كنا 8 فكنا على طاولة روحنا

وبلنسبه للطلب من الغرفه نحن كنا نتجمع في غرفة الوالده لانه فيها بلكونه ونجمع الطلبيه وطبعا لهم منيو خاص ونطلب

وبعدين يوم يوصل نقعد في البلكونه اونه المكان اشرح ^^

بس بعد الساعه 12 يحاسبونج على التوصيل بس يعني اطلبي الي تبينه عادي بس التوصيل ابيزات

وبلنسبه للملابس كل يوم يقولونلج شوي اللبس المقترح بس في ليلتين بكون عباره عن حفله كل حد

يكشخ في وحده بحرينيه هي وريلها لبسو هو لبس كندوره وهي عباه وبلعكس كان شئ حلو

بلنسبه للتسوق انا اقصد في اليوم الي بتروحين بلكروز ايطاليا والله نحن كنا نركض ركض فمشينا الموضوع

بس المكان ما اعرف انتي يوم تسألين الاستقبال مال الباخره بدلونج الاماكن كلها لاتحاتين

المشاركة الأصلية كتبت بواسطة غطيطة
http://www.arabtravelersforum.com/tr...4/#post4027174

صج يقولون إن ماي الشرب بالكروز بفلوس؟؟؟؟هل يعقل يعني الاكل طول اليوم مدفوع الاجر ويات على الماي!!!!!!!!وارجع اسئل هل تعاملتوا مع التورز الي بالباخرة والا رتبتوا للجولات بكل منطقة بروحكم؟؟؟؟؟؟وبالنسبة لسعر الكروز إذا مافيها احراج لج كم طلع علكم الشخص؟احنا شخصين خذنا الكروز بعملتكم 11048 درهم غرفة ببلكونة الدور الثامن....بس عشان أقارن اسعار مكاتب السياحة عندنا باسعار الامارات الحبيبة....وبالنسبة للتبس (البقشيش) الاجباري هل دفعتوه كاش اخر يوم او من الامارات مع سعر الكروز وهل لازم يعطونكم رصيد انكم دفعتوا التبس تسلمونه اخر يوم بدل الكاش؟وارجع واقول السموحة على الاسئلة الكثيرة

للاسف صح

بس في فلطابق الخامس مكان فيه ماي تقدرون اتروحون تشربون

ونسيت اقول ترى بعد البيبسي ابيزات

مشكورة حبيبتي على هالمعلومات والله اج ما قصرتي ....وموضوعج نزل بوقته ,,,,,يعطيج الف الف الف الف الف عافية

عربية وأفتخر :

ألف الحمدلله على سلامتك أنت والعائلة الكريمة ,,

عزيزتي :

كنت متابعة استفساراتك وإنه كان عندك يوم واحد في كذا مدينة (في فرنسا وإيطاليا)
فكيف تستفيدين من هاليوم ؟؟


و انتظرت عودتك عشان تنزلين لنا تقرير محترم عن الكروز,,

عربية : الله الله بالتقرير السنع مع الصور ,,

وإذا تقريرك الشامل بيتأخر لابأس بذكر أهم المعلومات,,

بإنتظارك , لا تتأخرين .

تسلمين اختي النوف على المرور

عندي موضوعين غير هذا عن ايطاليا وفرنسا والمدن الي زرتها

ناقصني الصور لان اختي مارجعت من السفر معانا فعشان جي هل شئ ناقصني

إيه يالحبيبة شفت موضوع إيطاليا وموضوع فرنسا بس ناقصهم الصور ويصيرون تمام ,,

وهم بعد الكروز ,غير الصور نبغى معلومات بالتفصيـــــــــــــــــــــــــــــــل .

موفقة خير في باقي التقرير

مشكوره بس ودي اعرف جم تكلفة الرحلة بالنسبة حق الشخص الواحد بس كروز من غير تذاكر طيران ولا التور مال الرحلات
ونظام الدفع بالكروز كاش ولا بطاقه لأن ماعندي فيزا

ليش ماتنصحين اختى بالطيران التركي؟ وش عيبه؟

الله يهنيكي انتي و الوالدة و الشباب على الرحلة الحلووه
مرات افكر اسويها على الكرووز و مرات اقول لا مدري متردد وايد

مرحباا اختي ..

ابي اسأل كم سؤال ,,؟؟

اذا نزلتوا من الكروز في المدن اللي توقفون فيها كيف تتنقلون داخل المدينه لحالكم هل الكروز يوفرون سيارات اجره او انتم تركبون سيارات اجره او تستخدمون المترو ؟؟؟؟

ومتى رحتوا للكروز هل فيه وقت محدد للحضور اول يوم عشان تحطون الشنط والاغراض؟؟

معليش ازعجتك بس ابي احد يفيدني