الموضوع: خلونا دوله خليجيه وحده في سيريلنكا

الســـلام عليـــكم ورحمـــــة اللــــه وبركاتــــــه

مثل مانتوا شايفين عنوان الموضوع

شو رايكم نسوي دوله خليجيه وحده في سيريلنكا ؟؟؟؟

نكون ايد وحده واذا الواحد طاح الثاني يشيله ، خلونا نكون مع بعض ونساعد بعض مثلا

وعلى قوله اخوانا السعوديين: نبسط في حديقه الفندق ونسوي يمعه حريم ويمعه رياييل ونتقهوه مع بعض ونتعرف على

بعض وكل وحده تقول شو اسمها فالمنتدى هههههه

وعيالنا ههه او بزارينا يلعبون مع بعض

ونكون دوله وحده مسلمه حتى مثلا صلاة الجمعه اذا ماقدروا الرياييل يروحون المسيد يسوون جماعه ويصلوون مع بعض

وحتى الصلوات الخمسه يصلووون مع بعض وجماعه (ترى الجماعه اجرها اكبر من الفرديه)

خلونا نوريهم الاسلام وكلنا على ايد وحده ومحد يستنغنى عن الثاني حتى لو من دوله مختلفه



يالله نتريا تفاعلكم بس مب هني في سيريلنكا........


ولكم الخيار (للي حاب يجتمع مع بعض واللي يحب يجلس بروحه ...............

مواضيع عشوائيه ممكن تكون تعجبك اخترناها لك:

• الصيف بالهند.. هل الجو حار؟
• مسافر يبي يسألكم
• مدينة منالي رحلة الى سفوح الهيمالايا
• وش رايك بالبرنامج هذا
• الجميع الفزعة
• سيرلنكا الجزء الثاني من القصة المُلمة والتفاصيل المُملة بعيون مهنديه فندق
• سيرلانكا وماليزيا
• أول سفر لسيرلانكا ارجو المساعدة
• جدول مناسب لرحلة عائلية للهند
• المساعدة في ايجاد مصانع ملابس أطفال بالهند
• لو سمحتوا
• مقتطفات من ذكرياتي في مدينة حماة
• مشورتكم في الهند السفر قرب
• مكتب استقدام عمال من الهند
• اي منطقة تنصحوني أزور بالهند ؟
• فيلا رااائعة بنوار إيليا ؟؟؟
• تكفوووون لمن سافر إلى كوتشي
• مـطار وناس تحجز للمفارق ع ـمد ‫‬ تقريري المُصور لـ سيرلانكا ‫
• عاجل الرحله بعد اسبوعين استفسار بشأن خط سير الرحله لمده ايام ليالي
• خبراء كيرلا مسافرة ماليزيا وحابه اضيف سيرلانكا ســااااااعدوني

و الله فكرة ما عليها ..

و لكن شخصياً أحب في السفر تكون لي خصوصيتي و للأسف أحب أبتعد كل البعد عن الأشقاء العرب لأم البعض منهم الله يهديه يقحم نفسه فيما لا يعنيه ..

و بالتوفيق ..

طبعا محد يدخل فالثاني ولا يدك باب الثاني

بس اللي قصدي فترة العصر مثلا نيلس ونسولف ونتعرف على بعض بسسس

والرياييل وقت الصلاة يتيمعون عشان يصلوون

هههههههه

ودي اكذب عليك واقول فكره حلوه

اجل ليش اسمها سياحه استجمام !!!

حلوة الفكرة ...ياليت تسوونها...على الاقل ساعة باليوم..مو كل اليوم....لايروح بالكم انها بتفرقكم عن ازواجكم...اوقات الصلاة فقط وساعة وحدة....

بصراحة فكرتك حلوة.....ليتني اكون معكم انا احب الجمعات والسوالف والوناسة....

من خلال خبرتي بالسفر

فالعرب مستحيل يعطونك وجه في دولة اجنبية حتى اني حاولت اسولف مع بعضهم بس للأسف كانوا يكلموني بضجر أو يجاوبوني على قد السؤال يمكن أنهم ما يحبون أحد يشاركهم في خصوصياتهم

اعتقد ان العرب دايما يتوقعون ان العربي مثلهم راح يطلب منهم خدمات عشان هذا السبب يتحاشون لقاءاتهم

طبعا يا للأسف..

المشاركة الأصلية كتبت بواسطة ريما 2007
http://www.arabtravelersforum.com/tr...5/#post3994845

حلوة الفكرة ...ياليت تسوونها...على الاقل ساعة باليوم..مو كل اليوم....لايروح بالكم انها بتفرقكم عن ازواجكم...اوقات الصلاة فقط وساعة وحدة....

بصراحة فكرتك حلوة.....ليتني اكون معكم انا احب الجمعات والسوالف والوناسة....





الفكرة حلوة بس البعض فاهمينه غلط..................

يخافون ان البعض يطلبون منهم شي او مثل ماقلتي نفرقهم عن أزواجهم

اللي انا اقصده ان بدل ماتكونون 24 ساعه مجابلين رياييلكم عالاقل خلوهم ياخذون راحتهم وانتي بعد خذي راحتج كتغيير

(وطبعا هالكلام مب للعرسان الجدد او للي ماتشوف ريلها وااايد في بلادها)

واليهال بيملون بروحهم لان اصلا مافي شي للأطفال في سيريلنكا عالاقل خلوهم يلعبون مع بعض ويتعرفون ويغيرون جو

ومثل ما انا قلت ولكم الخيار في ذلك انا مابركض وراكم واقول لكم غصبا عنكم لازم تتجمعون

انا قلت اللي حاب هالشي كتغيير




وانا هدفي من الموضوع هو عشان نتبادل الخبرات والافكار

لان مثل ماقرأت في بعض مواضيع ان شي سيريلانكيين يبتزون الخليجيين

ويطلبون منهم مبالغ او يهددونهم بسرقتهم لان قريت موضوع عن هذا وراح احط لكم الكلام اللي يثبت هالشي

بالعكس فكرة جميلة جداً لكن طبعاً بحدود المعقول

أتذكر موقف لن انساه في سوريا عندما قابلت سعودي مع عائلته وتعرفت عليه
لدرجت انه لما عرف اني استخدم الشريحة السعودية حلف علي أيمان انه يعطيني شريحته السورية!!

طبعاً رفضت ولكن الرجل حلف يمين وقال انها بدون رصيد !! الغريب في الأمر اني بعد ماودعته اكتشفت ان الشريحه فيها مبلغ ليس بالقليل

العرب ليسوا دائماً يحبون الابتعاد عن بعضهم بالعكس كثير منهم يرحب ويفرح بوجود اشقاءه وأنا منهم لكن مثل ماذكرت بحدود

بصراحه فكره حلوه كتغييييير فقط

يعني مو دايما

لاتنسون ان مافيه غير الطبيعه ممكن الواحد يحتاج يغير من الروتين فندق طبيعه طبيعه فندق هههههههههه

المشاركة الأصلية كتبت بواسطة swelem
http://www.arabtravelersforum.com/tr...9/#post3996419

بالعكس فكرة جميلة جداً لكن طبعاً بحدود المعقول

أتذكر موقف لن انساه في سوريا عندما قابلت سعودي مع عائلته وتعرفت عليه
لدرجت انه لما عرف اني استخدم الشريحة السعودية حلف علي أيمان انه يعطيني شريحته السورية!!

طبعاً رفضت ولكن الرجل حلف يمين وقال انها بدون رصيد !! الغريب في الأمر اني بعد ماودعته اكتشفت ان الشريحه فيها مبلغ ليس بالقليل

العرب ليسوا دائماً يحبون الابتعاد عن بعضهم بالعكس كثير منهم يرحب ويفرح بوجود اشقاءه وأنا منهم لكن مثل ماذكرت بحدود





طبعا بحدود المعقول وفي فترة بسيطه لمده ساعه او اقل بس من باب التغيير

المشاركة الأصلية كتبت بواسطة تتمنى تسافر
http://www.arabtravelersforum.com/tr...9/#post3996849

بصراحه فكره حلوه كتغييييير فقط

يعني مو دايما

لاتنسون ان مافيه غير الطبيعه ممكن الواحد يحتاج يغير من الروتين فندق طبيعه طبيعه فندق هههههههههه






الفكرة حلوة ولازم الواحد يغير الروتين

مثل ما قلتي فندق طبيعه فندق طبيعه وبس

ولازم حتى اليهال يغيرون جو لان مافي ملاهي لهم

وانا ذكر للي حاب مب مجبورين على هالشي

ام لولوه انتي وش برنامجك لان رحلتك 17 وانا 18 ممكن نتقابل

نقبو-- فندق ذا بيتش -- ليله 1
دامبولا -- فندق أمايا لينك -- ليلتين 2
اليكادو -- فندق هوناس فولس -- ليله 1
كاندي -- فندق ايرلز ريجنسي -- ليلتين 2
نوراليا -- فندق تي فاكتوري -- ليلتين 2
بنتوته -- فندق تاج اكزوتيكا -- ليلتين 2
كولومبو -- فندق سينمون قراند -- ليلتين 2

بس للحين ماتفقت على كل الفنادق لان صاحب الشركه قالي ان في فنادق فل وممكن مااحصل فيهم

اول مايرد علي بخبرج

ممكن اكثر تقارب في هوناس لإن الغالب في ساكنية عرب ؟

ام لولوه والله فكره حلوه للتعارف

اللي ماوده بالجمعه لا يجتمع اتوقع انها فكره ممتازه وسوف تكون شيقه للحريم خاصه

وسوف تنبسطون مره عشان البلد بسيط وهادئ



بس انا خايف انكم يالحريم اذا اجتمعتو بتسولفون وتنبسطون
و تسحبون على ازواجكم ولا ترجعون الا الفجر ههههه

بالتوفيق للجميع

انا معك ام لولوه فكره حلوه ولكل انسان وجة نظر انا اجتماعيه زيك احب لما اسافر اكلم عربي خلبيجي اوغيره حتى في الطياره لما تكون الرحله طويله يالله ان شاء الله نلتقي

ام لولوه فكره حلوه
احب اتعرف عليك
انا رحلتي نفس رحلتك 17-7
ومانتوافق احنا وياكم الا في كاندي امايا هلز

اممممم راح يتغير جدولي نقمبو -- ذا بيتش(1)
دامبولا -- الامايا لينك(2)
كاندي -- مهاويل(1)
كاندي -- ريجنسي(2)
نوراليا -- (بعده ماحدد لان مب محصل)(2)
بنتوته -- تاج اكزوتيكا(2)
كولومبو -- سينمون قراند (2)

شو راكم نحط على الشنط شعار منتدى العرب المسافرون عشان نعرف بعض ههههه والشنط مابتضيع هههه

ما فية مشكلة بس السؤال
هل سوف نتوافق في وقت الرحلة
ام انتي تتكلمي عن العموم اذا كان هناك نسبة من الخليجين؟؟

بالتوفيق

المشاركة الأصلية كتبت بواسطة dearmy
http://www.arabtravelersforum.com/tr...5/#post4029505

ما فية مشكلة بس السؤال
هل سوف نتوافق في وقت الرحلة
ام انتي تتكلمي عن العموم اذا كان هناك نسبة من الخليجين؟؟






الاثنين .....

انا ابصبغ شعري أشقر على شان ماتعرفوني خخخخخخ


من طق لك خبر اصلاً


هي بصراحه فكره حلوه جدا خصوصا في موضوع الصلاة


والحمدالله الصلاه ان شاءالله ان هالشي موجود فينا حتى هايد بارك يجتمعون الناس ويصلون

هالكلام الحلووو

وانا هذا اللي كنت أقصده ننصح بأشياء ونحذر من الاشياء اللي يصادفنا برحله

والكل يستفيد

فكره جميله جداً وتدل على تطور الفكر العربي وترابطهم

انا باجر مسافرة وجدولي راح يكون ك تالي :
نقمبو ذا بيتش 1
دامبولا أمايا لينك 1
كاندي هيل توب او هيل الاعلى 2
كاندي ريجنسي2
نوراليا وندسور2
بنتوته بنتوته بيتش2
كولومبو هليتون 2

ان شاء الله تكوني وصلتي بالسلامه

الفكره حلوه

والقهوه والشاهي عندي

انا رجعت بالسلامه (:

بس جدولي كله تغير بذكر لكم الجدول والاسباب

بس فكره اللي طرحتها ماشفتها أبد

لاتجمع ولا سلام ولا شي حتى الضحكه في وجه الثاني مافي

الشي الوحيد اللي حسيت انه هناك دوله خليجيه

هي صلاة الجمعه شفت وااايد من العرب لابسين كندوره وغتره ورااايحين لصلاة الجمعه

زوجي لما لبس الكندورة والغترة وحط الدهن العود وراح للسواق عشان ويوصله المسيد

تخبل السواق وقاله شكلك مثل شيخ هههه حليلهم مب شايفين واحد كاشخ لصلاة الجمعه

طبعا جدولي تغير بسبب تأخري فالحجز

صاحب الشركه اللي هو ياسر قال لنا اذا تبي تضمن الحجز لازم تحجز شهرين قبل ماتجي

المهم جدولي كان كالتالي:

نقمبو -- تاج الصراحه أحلى وافخم من ذا بيتش بس مافي بحر في نهر والعاب للأطفال قريب من المطار
خذا منه ربع ساعه


دامبولا -- أمايا لينك الغرف حلوة وماعليها كلام بس عيبهم الوحيد مترووووووووووسه طياطير او بريعصي ولما طلبنا نغير
الغرفه قالو لنا كل الغرف جذي يعني متروسه طياطير وبريعصي وشي نمل كبااار بعد وطلنا منها
ورحنا لفندق كندلاما الصراحه حلووووة واطلالتها اروع وبذات الصبح

كاندي -- هوناس الفندق 3 نجوم والغرف عاديه بس اطلاله الفندق والجو اللي حواليها تخليك تنسى كل شي

كاندي -- ريجنسي الفندق حلو وماعليه كلام

نوراليا-- قراند الفندق حلو وماعليه كلام طبعا انا شفت المبنى اليديد وماشفت القديم

بنتوته -- بنتوته بيتش الفندق حلو واللي محلنها أكثر الشواطى والبحر بس العيب الوحيد البعوض بس فالغرف في جهاز
لقاتل البعوض وعند الفندق شي قوراب للأجار لرحله الى المانجروف والجتسكي وغيرها بس
سعرها أرخص من الفندق


كولومبو -- قلداري الفندق حلو وهادي وقريب من شاطئ البحر وفيه مطعم عربي




وسلامتكم

الحمدلله على سلامتك

وانا والله مازلت هناااااااااااك
والله يستر شكلي بطول اكثر واكثر

للـــــــــــــــرفـــــــــــــع

المشاركة الأصلية كتبت بواسطة أم لولوة
http://www.arabtravelersforum.com/tr...4/#post4096584

انا رجعت بالسلامه (:

بس جدولي كله تغير بذكر لكم الجدول والاسباب

بس فكره اللي طرحتها ماشفتها أبد

لاتجمع ولا سلام ولا شي حتى الضحكه في وجه الثاني مافي

الشي الوحيد اللي حسيت انه هناك دوله خليجيه

هي صلاة الجمعه شفت وااايد من العرب لابسين كندوره وغتره ورااايحين لصلاة الجمعه

زوجي لما لبس الكندورة والغترة وحط الدهن العود وراح للسواق عشان ويوصله المسيد

تخبل السواق وقاله شكلك مثل شيخ هههه حليلهم مب شايفين واحد كاشخ لصلاة الجمعه





ياعمري يام لولوة....
ماعليك منهم هم وضحكتهم. ..اهم شي انبسطتي واستانستي....

انا اضحك لك وتقبلي ضحكتي....
والحمدلله على سلامتك

فكره ممتازه وعموما انا دائما اسويها لما الاقي خليجي اتعرف عليه استفيد من خبرته وافيده
,,,,,,,, وصراحه انا مااحب الترفع والكبر وسوء الظن اللي جاي سياحه مو بحاجه يطلب فلوس او اي شي