السلام عليكم ..
بما اني ناويه اسافر سويسرا بعد العيد و قاعده اجهز الفيزا قلت افيد اللي متوهق مثل ما انا كنت متوهقه
اول شي الفيزا شنغن لازم تكون من نفس الدوله اللي بتنزل فيها يعني انا رايحه سويسرا ما يصير اطلعا من السفاره الالمانيه (اذا كان قرار سفرك ديره وحده)
شي ثاني اذا ناوي تسافر لأكثر من دوله من دول الشنغن ، لازم الفيزا تصدرها من الدوله اللي مدة اقامتك فيها اطول(اذا كان قرار سفرك لأكثر من ديره)
السفاره السويسريه في الكويت بقرطبه ، و لازم اول شي تراجعهم من 11 الى 1 عشان تاخذ موعد منهم لتقديم الفيزا (ماكو موعد اون لاين مثل السفاره الالمانيه و البريطانيه)
ثاني شي تطبع الابلكيشن من سايت السفاره نفسها
و ثالث شي لازم تاخذ تأمين سفر قبل تقديم الفيزا عن طريق شركات التأمين مثل شركه المثنى
رابع شي لازم تصور الفيزات الشنغن القديمه و ترفقها مع الابلكيشن (اذا كانت متوفره عندك)
و خامس شي صورتين شخصيتين بنفس حجم الجواز ( تأكد انك ماتقول للمصور صوره للفيزا لان صورت الفيزا اصغر حجماً من صورت الجواز، مع العلم ان كل سفاره لها طلباتها مثال اللفرنسيه يبون السايز الاصغر مع انه اثنيهم تقديم فيزا شنغن)
و سادس شي يبون صوره للجواز
و اخيراً صوره لحجز الفندق و الطيران
و مكتوب من ضمن الطلبات كشف حساب و لكن لمن سألت السفاره قالولي مولازم
تأكد ان جميع المتطلبات موجوده معاك ليوم الموعد و الا راح تضطر تاخذ موعد يديد اذا اوراقك مو كامله
و اتمنى اني اكون فدت المحتاج لهذي المعلومات و شكراً من الموبايلمواضيع عشوائيه ممكن تكون تعجبك اخترناها لك:
- المركز الموحد واللعب في نظام المواعيد
- فيزا الشنغن من مكتب التأشيرات بالخبر صور معلومات نماذج بالتفصيل الممل
- ياريت تفيدوني تعبت وأنا أسال
- قبرص اليونانية واليونان
- تأشيرة الترانزيت
- تاشيرت تركيا الالكترونيه
- ساعدوني بخصوص شنغن اسبانيا من جدة
- استفسارات فيز الدول العربية لعام مرجع
- التأشيرة الفرنسيه
- ساعدوني بخصوص الفيزا الإستراليه.
- استلمت الفيز اليوم
- تجربتي مع القنصلية السويسرية بجدة مايو
- للسورين.. أرجو الدخول(فيزا الى كندا)
- ساعدوني رجاااااااااء للسفر لتركيا من مصر ترانزيت يحتاج الي تصريح امني ؟؟
- فيزة الهند إستفسآآر عاجل
- هل احتاج تجديد فيزا شنجن ؟
- تجربتي
- لدي جواز خاص
- ما هي فترة الاقامه لفيزا الشنغن
- ارجوكم اخواني ارجوا المساعده والرد السريع
رد مع اقتباس
المفضلات