الموضوع: استفسار بخصوص برنامج سفرتي

السلام عليكم ورحمه الله وبركاته

حبيت اخذ ارائكم بالنسبه لبرنامج رحلتي الصيفيه مع اهلي
واذا الايام مناسبه او تقترحون تغيرات
اكون شاكره

ان شاءالله اول ماراح اطلب باسبانيا فالنسيا
بقعد 3 ليالي
(بدايه الرحله عندي 3 ليالي مادري وين اروح ! ) اقترحو علي فالنسياانها حلوه

عقبها بقعد بماربيا اسبوع
وبعد ماربيا برشلونه

وين تقترحون علي اسكن
وشنو افضل طريقه للتنقل داخليا الطيران والا القطار؟ وشلون علي وزن الجناط بالطيران الداخلي
انا بيكون معاي عيالي بنات صغار
وين اماكن تنصحوني فيها؟
في اماكن بارده باسيانيا؟

شي تنصحوني ماطوفه ويستحق اني ازوره


[b]بالنسبه حق فالنسيا
ياليت تعطوني خبرتكم فيها شنو اماكن تستحق الزياره
واروح لها والا اروح حق اشبيليه؟
الفنادق اللي احتاج رايكم فيها
1- the westin velencia
2- eurostat gran hotel
3-hospes palaua dele mar
وانا اميل للاخير اكثر عجبني شكل الغرف
بس احتاج نصيحه من ناحيه اللوكيشن هل مواقعهم زينه؟
في شي ترشحونه اكثر اني اروحله

التنقل من فالنسيا الي ماربيلا
احسنلي قطار؟ (لقيت انه 9 ساعات!!!!!) والا طيران داخلي واي شركه ترشحولي كطيران داخلي ؟

وهل في طيران دايركت لماربيلا؟ والا لازم اتنقل عقل ما اوصل بسياره؟ وشكثر المسافه بين مطار مالقا وبين ماربيلا؟


- تنصحوني بماربيلا والا مايوركا؟ ايهو احسن واحلا ونشاطات اكثر؟
وياي بناتي صغار مثل ماقلت ووالدتي
التنقل من ماربيلا الي برشلونه بيكون طيران داخلي ولقيته علي سباين اير (جم يسمحون بوزن الجنطه؟ في ناس تقولي ترا بس 15 كيلو لما دخلت السايت لفيتهم قايلين 23 كيلو ايهيو اصدق؟)

ببرشلونه وين تنصحوني اسكن؟
بالرامبلاس؟
في فندق مناسب وسعر زين ؟
يعطيكم الف عافيه
ياليت احصل جواب بسرعه همتكم معاي

مواضيع عشوائيه ممكن تكون تعجبك اخترناها لك:

• إتصالات برشلونة
• مدريديستا انا قااااادم ارجو المساعده
• حجزت فندق في برشلونه وش رآيكم،،
• ساعدوني في وضع برنامجي اليومي في اسباانيا
• سؤال عن الحقائب في الطيران الاقتصاددي؟؟؟؟
• بخصوص بطاقة الفيزا
• باريس برشلونة كروز كيف ؟؟ تجي و الا لا ؟
• السكن في ماربيا
• مرشد سياحي عربي ببرشلونة وباقي المدن الإسبانية
• المدارس السعودية في اسبانيا؟؟
• استفسار عاجل هل برشلونة امان ؟؟؟
• استفسار عن رحلتي لاسبانيا الله يجزاكم الجنة جميعاً
• ابي نصيحتكم يا اهل الخير
• مين يساعدني الله يجزاه الجنة
• ملقا وبرشلونة تقرير عن سفرتي مع زوجتي
• رحلة علاجيه إلى برشلونه تبدأ من الصفر واريد منكم المساعده
• بخصوص مالاغاملقا
• هل تنفع اسبانيا لناس كبار بالسن
• ســؤالي عـــــــن ؟
• استفسار عااجل لاهل الخبره

ولازلت بانتظار اي احد يساعدني@@
ثاني موضوع ولاحياه لمن تنادي!

المشاركة الأصلية كتبت بواسطة dera233
http://www.arabtravelersforum.com/tr...1/#post3954042

ولازلت بانتظار اي احد يساعدني@@
ثاني موضوع ولاحياه لمن تنادي!



أولا آسف على التأخير
أنا لي فترة ما دخلت النت بس لما شفت استفسارك أوجعني راسي
ياليت تحاول تركز أسئلتك لكن قبل كذا أنت حجزت طيران ( من بلدك إلى أسبانيا ) وإلا لسا إذا نعم نبغى نقطة الوصول والمغادرة والرحلة كم يوم وعدد المسافرين
وبالنسبة لبالنسيا هي قريبة في الطبيعة وكل شي من ماربيا بس ماربيا ممتعة للسائح أكثر فليش تكرر
وأشوفك ناسي مدريد
والأماكن الباردة والطبيعة في أسبانيا موجودة في الشمال ومدنه الأشهر - بلباو سان سباستيان سانت اندير -

شكرا اخوي علي الرد ويعطيك العافيه
وكل تاخيره فيها خيره هالتاخير قدرت احدد خطتي وشبه اخترت
وسوري اذا الاسئله مو واضحه يمكن لاني قاعده ادور وايد فالمعلومات عندي واااااااايد بس براسي
المهم
مكان بدايه الرحله من ديرتي الكويت معاي زوجي وبناتي 3 ، واهلي بيكونون سابقينا
علي الخطوط القطريه ان شاءالله
ونبات ليله بمدريد (لي الحين ماحجزتلي فيها اذا في مكان تنصحوني فيه اكون شاكره)
بعد مدريد باخذ سبان اير لفالنسيا
وحجزت فندق هوليدي ان فالنسيا من سايت الفندق عندهم بروموشن الغرفه مع افطار مع تذاكر وترتيبات رحله لحديقه الحيوانات اعزكم الله ب 110 يورو لليله
بقعد 3 ايام بفالنسيا

بعدها بنروح ماربيا (لي الحين ماحددت وسيله النقل /طيران او قطار بس اللي لاحظته ان القطار تووووووووووومتش 9 ساعات او 7!!!- والرحلات مافي خيارات متوفره كثيره بس رحلتين)
بالنسببه لحجز فندق ماربيلا تقريبا ممكن اقول 90 % اني بحجز بفندق فيسي دي لامار
http://us.mc1123.mail.yahoo.com/mc/[email protected]

هذا رابط الفندق
http://www.vinccihoteles.com/en/hote...trella-del-mar
بقعد ست ليالي ان شاءالله اذا الله سهل
هم اقين احتاج رايكم اذا ترشحونلي شي ثاني سعره حلو وحلو (ولاتنسون وياي الوالده وبناتي )

بعد ماربيلا بننتقل الي برشلونه وبنقعد فيها بعد ست ليالي
فنادق للاسف ماحصلت بريفولي
ابي رايكم بهالشقق الفندقيه
http://www.las-ramblas-apartment.com...th-floor-views
واذا عندكم اقتراحات لفنادق حلوه بسعر مناسب بالرامبلس اكون شاكره

هم بردتنا بنقعد بمدريد ليله ان شاءالله

يعطيكم العافيه ومشكورين

ونبات ليله بمدريد (لي الحين ماحجزتلي فيها اذا في مكان تنصحوني فيه اكون شاكره)



http://www.arabtravelersforum.com/travel370842/






بعدها بنروح ماربيا (لي الحين ماحددت وسيله النقل /طيران او قطار بس اللي لاحظته ان القطار تووووووووووومتش 9 ساعات او 7!!!- والرحلات مافي خيارات متوفره كثيره بس رحلتين)



مالكم غير طيران إلى ملقا





بالنسببه لحجز فندق ماربيلا تقريبا ممكن اقول 90 % اني بحجز بفندق فيسي دي لامار
http://us.mc1123.mail.yahoo.com/mc/[email protected]



الفندق ممتاز
بس يبعد عن بورتو بونيس حوالي 15 كيلو





بعد ماربيلا بننتقل الي برشلونه وبنقعد فيها بعد ست ليالي
فنادق للاسف ماحصلت بريفولي :frown:
ابي رايكم بهالشقق الفندقيه
http://www.las-ramblas-apartment.com...th-floor-views
واذا عندكم اقتراحات لفنادق حلوه بسعر مناسب بالرامبلس اكون شاكره




http://www.arabtravelersforum.com/travel373390/





هم بردتنا بنقعد بمدريد ليله ان شاءالله



لو حاجزين العودة من برشلونة على القطرية أفضل لكم

يعطيك العافيه اخونا المشرف علي الاجابات
وبالنسبه للعوده من برشولنه للاسف فرق السعر واااااايد
ممكن ترشحلي فنادق علي البحر بماربيلا؟

مشكور مشرفنا ويعطيك الف عافيه

اذيتكم معاي
بس اخوي المشرف / واي احد يقدر يساعدني

شر ايكم بالهالفندق؟
Alanda Club Marbella Hotel



سامعين فيه تعرفونه زين والا مو زين؟