الموضوع: إستفسارات عن المجموعة في كاس الخليج

السلام عليكم...

لو سمحتو نحن إن شاء الله يايين مسقط وقت دورة الخليج, وحبيت أسأل عن الملعب إلي ستقام مباريات المجموعة الثانيه فيه؟ وأبغي أعرف لو تكرمتو عن الشقق المفروشه أو الفنادق إلي تكون قريبه من الملعب......
نحن شباب يعني نبغي شي نظيف ورخيص أو يمشي الحال.....

وسلامتكم,,,,

مواضيع عشوائيه ممكن تكون تعجبك اخترناها لك:

• الطيران العماني يدرس افتتاح خط مباشر بين السلطنة والصين
• استفسار كم ساعة من العين الي صلاله
• مجمع صلالة السياحي
• مستائين جدا الحل عندكم ياهل عمان
• استفسار عن الطيران العماني
• ماذا عن صلاله من بعد تاريخ اغسطس هل من افاده؟؟
• مسافره شهر ساعدوني بسرعه يا اهل صلاله
• طريق جديد من السعوديه الى عمان بدون المرور على الامارات
• جاي مسقط؟ ادخل هنا فورا
• افضل فنادق صلاله
• معلومات لزوار صلالة من السعوديين
• ودي بشرح مفصل لزياره صلاله من الدمام برا
• صورة من أرض اللبان أهديها لكم بمناسبة فصل الخريف
• استفسار بخصوص الشقق الفندقية في مسقط
• تقريري عن متحف التاريخ الطبيعي ومتحف السيد فيصل بن علي
• استفساااااارات
• هل يوجد تذكرة طيران من الرياض إلى صلالة مباشرة
• ودي اروح صلاله عمان
• حافظوا على هذه الجنة
• سؤال

المجموعة الثانية في ستاد الشرطة بالوطية

واقرب شقق فندقية مناسبة هي منام1 للشقق الفندقية وهذا رقمهم مع فتح الخط 0096824571555 واذا ما عندهم حجوزات اطلب منام2 الي هو الفرع الثاني وبنفس المكان بس مبنى مختلف

اذا تبي تحجز انصحك تتصل الصباح ومش بليل لأن موظفي البدالة الي بليل ما تعتمد عليهم بالحجوزات، واعتقد شقة بغرفتين حوالي 60 ريال عماني، ولاحظ انه السكن عندنا في عمان جدا غالي والي تلاقيه جدا رخيص لازم تتأكد منه اكثر

وبعدين على بعد دقائق في منطقة القرم فيه عدة مطاعم تقدرون تتغدون وتتعشون فيها، وايضا بعدها بشوية منطقة شاطئ القرم الي فيها كل المطاعم والمقاهي



ولكن اذا ما كنت مصر انه تسكن قريب الاستاد ممكن تحجز ممكن تحجز بالخوير على بعد 10 دقائق بالسيارة بأحد مجموعات فنادق سفير الي في الخوير (ما عدا سفير للأجنحة لأنه احد الاعضاء اتضايق منه)، هي 3 فنادق 3 نجوم وكلها جديدة ويم بعضها واسعارها تبدأ من 80 ريال بالليلة لسويت غرفتين مثلا وهي سفير انترناشونال وسفير بلازا (يم بعض وبشارع كله مطاعم) وسفير كونتينانتال (بعيد شوي وبمنطقة اهدأ) والباقي ماعليك منه





وهذا موقعهم بس انصحك تتصل تحجز وما تحجز عبر الانترنت

http://www.safeerintll.com/index.htm#

شكراً أختي مسقطية, ماقصرتي... طرشت لشقق السفير إيميل وإذا ماردو علي اليوم بتصلبهم.......

أخوي وين رايح ... شكراً عالمرور,,

الاخت مسقطية كم المسافة بين شقق منام وملعب السلطان قابوس الرياضي ببوشر؟
وأيضاً كم المسافة بين الشقق وفندق كروان بلازا المخصص للاعلاميين؟
وشكراً جزيلاً

بحريني مسافر

سئوالك كان لمسقطيه بس ارد بالنيابه عنها

من منام الى المجمع الرياضي تقريباً 20 كيلو بس زحمه و علشان تخلص من الزحمه تطلع من منام الشارع يجبرك ان تروح يمين روح و بعدين يجيك جسر تحته دوار اسم الدوار ( دوار وادي عدي ) خذ الدوار و ارجع رجعه كامله يعني كأنك راج منام و سير على طول يجيك جسر اطلع الجسر بعد الجسر على يمينك الملعب اللي يلعبون فيه المجموعه الثانيه ( استاد الشرطه ) كمل طريقك يجيك جسر و تحت تقاطع تنزل للتقاطع اذا اخذت يمين تروح الكراون بلازا و اذا اخذت يسار تروح للمجمع يسار الشارع جديد على طول لا تلف يمين و لا يسار تلاقي نفسك و بعد مسافة تقريبيه 12 كيلو انت عند المجمع

اما اذا اخذت يمين علشان الكراون تمشي يجيك دوار فوقه جسر روح على طول لا تلف لا يمين و يسار واصل طريقك بعد الدوار يجيك دوار ثاني و هو لحديقة القرم الطبيعيه روح على طول الشارع بروحه ياخذك الى الكراون بمسافه من منام الى الكراون 8 كيلو

و هلا بك

مشكور يا خوي وين رايح
ما قصرت

زين سويت وين رايح انا ما مال كيلومترات، زين مني اسوق اصلا ههههههههه