السلام عليكم ورحمة الله وبركاته ..
ما عليكم من العنوان هذا بس علشان تدشووووون
اول شيء أنا اريد اعتذر اعتذار رسمي وعلني من العزيزة جدا تارجت
برغم اني ما اعرفها وما جمعني فيها غير مكالمة تيلفون بس لطيفة بشكل كبير واسلوبها جدا راقي
اللي حصل اني من شهر ونصف تقريبا راسلتها عن طريق المنتدى وخبرتها عن الرحلة والبرنامج اللي حابة اسويه ( طبعا كله من المنتدى)
أنا نازلة مع العائلة .. امي واخواني .. عددنا 12 شخص
وطبيعي حابين بلودان والزبداني .. ومحتاجين فيلا شرحة وع الاقل 4 غرف نوم ومرافقها ومكيفات ...
هي اهتمت بالموضوع ..
بس الطبخة اللي يطبخونها كذا شخص لابد تخترب
اخواني تبرعوا واسألوا اصدقاؤهم
اختي خبرت خطيبها وهو تبرع بعد في الموضوع
وانا كنت مكلمة تارجت
وصار عندي تضارب واندوش مخي من الارقام والحجوزات اللي سووها
وفوق هذا كله صابني نحس موبايلات غير طبيعي .. غيرت الموبايل 3 مرات لان كل مرة يصير فيه شيء
وكل مرة يضيع رقم تارجت .. وكل مرة ترجع ترسل لي مسج بروحها
جدا ذوق هالانسانة
الحين خطيب اختي مصمم ما ناخذ من عند حد ما نعرفه .. وانا اقول اني واثقة في تارجت .. وهو خايف من مسألة النصب
اخوي جاب رقم شخص اسمه بويوسف في الزبداني .. بس اسعاره بالدولار .. وعلى طول خطيب اختي ضرب عليه اكس وقال اللي يتكلم بالدولار استغلالي
الزبدة باقي على الرحلة يومين .. وانا للحين ما عرفت راسي من كرياسي
بس لأن تارجت تعبت معايه حبيت اعتذر لها
ولانكم اخواني حبيت تنصحوني
وتعطوني جدول مناسب لها الرحلة
احنا نازلين 10 ايام ان شاء الله
برنامجي في دمشق:
- القرية الشامية ( باب الحارة)
- مغارة موسى
- دمشق القديمة والجامع الاموي
- الينابيع ( الحية/ عين الفيحة/ بقين....)
- رحلة بالقطار من الربوة لعين الفيحة
- جبل قاسيوون
خارج دمشق:
- اللاذقية
- صلفنة
- كسب والجبل الاقرع
- مشتى الحلو / وادي العيون
ممكن تخبروني كيف التقسيم المثالي للوقت يعني كم يوم في الشام وكم يوم برا الشام
وكيف الطريق يمر خاصة خارج دمشق يعني اي منطقة قبل الاخرى
والسكن خارج دمشق لأن هذا الوحيد اللي ما تدخلوا فيه للحين
انتظر ردووودكم
اختكم:
العذوبمواضيع عشوائيه ممكن تكون تعجبك اخترناها لك:
- بعض الاستفسارت
- مسافرُ إلى تايلند وأودُّ إلقاءَ السمعِ للناصِحِ
- الحكومة تقر إلغاء الترسيم السنوي للسيارات وتزيد سعر البنزين ليرات
- بعد اسبوعين طاير ع التاي بس الفيضانات مخوفتني
- وش رايكم بهالفندق في بوكت ولاعليكم امر
- فزعتكم ياهل الخبرة
- لحضة وصولي لبانكوك ابغى مشورتكم
- للأخ المشرف
- نداء لأهل الخبرة
- هل استيراد البضائع من تايلند الى السعوديه ممنوع
- شهر عسل بعد العيد ساعدوني
- سؤال عن الاسواق اليليه في بوكت وبانكوك
- ادخلوووووووووو تكفوووووووووووووووون تراي استحي
- محتاره تايلند او اورباء
- التنقل بدمشق
- هيلتون تخطط لتوسع سريع في جميع أنحاء الشرق الأوسط
- محتاج مساعدتكم في ترتيب برنامج
- غرائب وطرائف الأسماء في الأماكن الدمشقية
- الي خبراء تايلند لاتبخل علينا بنصيحتك بهذا المكتب عنده عروض خلتني أشك فيه واذا كان صا
- محدثكم من بوكيت مباشرة الحمدللة وصلت بسلامة
رد مع اقتباس
المفضلات