بغى شقه او فندق في بروكسل

**ahmed1** · 01-15-2015, 05:16 AM

مرحبا للجميع لو سمحتو اخواني وخواتي ابغى منكم طلب ... بغيت شقه اوفندق مايكون غالي ويكون قريب من ساحه الجراند لأني مطوله في بروكسل تقريبا راح نجلس ثلاث اسابيع... وبغيت منكم تدلوني على اماكن حلوه قريبه من بروكسل نروحلها بنفس اليوم ونرجع غير كولن واخن ودوسلدروف وباريس وامستردام ومشكورين.

مواضيع عشوائيه ممكن تكون تعجبك اخترناها لك:

**ahmed3** · 01-15-2015, 05:16 AM

:110:وين الناس اي رد ... حتى ان شاء الله تقولو مدري بس لاتطنشوني

**ahmedgaper** · 01-15-2015, 05:16 AM

السلام عليكم اشلونج اختي العزيزه g.a.s شخبارج بشرينا شنو صار معاكم والله لكم وحشه

أدخلي على هذا العنوان الأخت الغاليه مـــغـــتــــربـــه الله يوفقها

&&& هـنـا تـجــمــعـنــا يـا من تـغــربــنـا لــعلاج الـعــقم فـي بـلـجــيـكــا &&

وراح أعـــطـــيج عـــنــــاوين فى بلجيكا مــن الاخ العزيز الغالي بوحمد777 الله يرزقه بالذريه الصالحه يارب

عنوان بعض الشقق الفندقيه الذي يرتادها العرب
WELLNESS HOTEL RUe des palais 108 1030 Bruxelles
وهذا الفندق انا سكنته اربع شهور فندق نظيف والميزه الافضل تجمع العوائل الكويتيه فيه وان جميع الخدمات قريبه من الفندق ولكن له عيووووووووووووب الا وهي ازعاج لانه على شارع عام وثانيا صيانه تعبانه يعني اذا خرب عندك شئ الله يعينك وثالثا غالييييييييييي أصبح سعره الآن 2000 يورو .
واما شقق كاسكاد نفس المستوى ولكن لم اسكنها
وانصح السكن عند عمارة ترون وهذا عنوانها
Rue du trone 118
وهذه العماره من الصعب الحصول على شقه فاضيه لان فيها ديوانيتين للكويتيين والاماراتيين الدور السابع وسوف تستفيد الكثير عند اللقاء بهم ويوجد بالفرب من العماره شقق برناس ويوجد ايضا فندق ساس ممكن ان تسكن فيه يومين لغاية الوصول للشقه المناسبه علما بان سعره مناسب
وهذا عنوان المركز الاسلامي الذي في بلجيكا للاستفسار عن مواقيت الصلاة والفتوى
Parc du cinquantenaire, 14 -1000 Bruxelles
TEL:027352173

وبعض سائقي التكاسي يتكلمون العربيه والمطاعم ايضا
عنوان بعض المطاعم في بلجيكا
مطعم الاهرام 298,CHee dlxlles-1050 Bruxelles
TEL:026440355 علما بانه مطعم جيد وان اكثر المطاعم يقومون بتوصيل الطلب للمنازل
مطعم لبناني سندويش TEL:025377131 يوم الاحد
مطعم ايراني 190,AVENUE DE FRE -1180 Brussels tel:023742046 مع ملاحظة اوقات فتح واغلاق المطعم قم بالاتصال عليهم ويوجد مطاعم عربيه كثيره عراقيه وتركيه ومغربيه قريبه من السوقين المشهورين في بلجيكا هما سوق سيتي تو وسوق لويس
وعناوين أسواق بلجيكا
1. city 2 shopping mall
2avenue lousie شارع الماركات العالميه
3منطقة ولوويه بالقرب من مستشفى سان لوكwoluwe shopping center
4 سوق الاحد من الساعه 8 صباحا الى 12 ظهرا في منطقة محطة ميدي يوجد ملاهي في هذه المنطقه من 15 يونيو الى 15 أغسطس
5. انتويرب وسط المدينه antwerpen city center
6 ماس مخلن maasmechelen village outlet shopping
وهذه أيام العطل في بلجيكا
أول يناير,يوم الاثنين التالي لعيد الفصح , اول مايو ,خميس الصعود ,يوم الاثنين التالي لعيد العنصره ,21 يوليو العيد الوطني 15 اغسطس عيد انتقال العذراء , اول نوفمبر عيد جميع القديسين , 11 نوفمبر عيد الهدنه , 25 ديسمبر عيد الميلاد
الطواريء
الاسعاف اتصل رقم 100 الشرطه اتصل رقم 101 طبيب المنازل اتصل رقم 025130202
وفي النهايه لاتنسى تأخذ جهازك الابتوب معك ووضع البرامج المفيده لتستفيد من وقتك وبوصلة لمعرفة اتجاه القبله
ولا تنسونا من خالص دعاؤكم بالذريه الصالحه والتوفيق
خير الناس أنفعهم للناس

**ahmed2** · 01-15-2015, 05:16 AM

هلا والله بااخوي المزعج اولا الف شكر على المعلومات الكامله ـ وبالنسبه لنا الحمدلله على كل حال نبغى دعواتكم ـ وبالنسبه لمواضيع اختي مغتربه الله يجزاها خير ماافوت لها اي موضوع انا من اشد المعجبات والمتابعات لها وياليتها ترد علي لاني ابغى اسألها بعض الاسئله. اما بالنسبه للشقق فلقيناهم مايأجرون الا بالشهر واحنا نبغى ثلاث اسابيع بس . حصلنا شقق اسمها سويت هوتيل قريب من شارع لويس بس لسه ماحجزنا نبغى نتاكد هي حلوه والا لا. واشكرك اخوي مره ثانيه