الموضوع: استفسار الله يجزاكم خير فــى هــــولـــنــدا

الــــســلام عـــــلـــيــكـــم ورحــــمــــة الـــلــه وبـــــــركـــــــــاتـــــه

أشـــلـــونــــكـــم أخــــوانـــي واخــــواتـــي الأعــــضــــاء الـــــــمـــحـــتــــرمـــيــن


فــــى واحـــد مـــن أصــــدقــــائــى يــــمـــدح مــــنــــطـــقــه فــــى هـــــولــــنــــدا يـــقــــول نـــــفــــس زلـــمـــسى

بـــحــــيـــره بــــس للأســــف مــــا أعـــرف أســـمــــهـــا بالـــضــبط تـــقـــريــبــا الأســـم شنيفنك أو غــلط

ويــــــــن أهــــــــل خـــــــــبــــــــرة هـــــــــــــولـــــــــــنـــــــــدا

مواضيع عشوائيه ممكن تكون تعجبك اخترناها لك:

• ماتقصرون ياخبراء بلجيكا
• يا اخوان هل تنصحوني بـ باتومي جورجيا ؟
• جزاكم الله كل خير
• السفر للبوسنه مع العائله اي خبير بهالشي يعمل معروف ويدخل هنا
• استفسار عن الدراسة في رومانيا طب اسنان
• ما الأفضل السكن في بروكسل أو جنت؟
• الخطوط الجوية التشيكية
• البنت المكاوية فــــي لشبونة البرتغالية
• المصــــــحات التشـــــيكية للعـــــلاج الطبــيـــــعى
• بغيت استفسر عن ارقى وافخم الفنادق في بلجيكا
• شو رايكم فـ برنامجنا السياحي في بروكسل لمدة ايام ؟ مستعجل
• التزلج في البوسنة
• سؤال لأهل رومانيا
• خط سير لرحلتي الاولى لاوروبا
• رحله اوربيه هولندا المانيا النمسا ساعدوووني
• رحلة بالسيارة بين المانيا و بروكسل و هولندا رحلات القطار
• اسألة لأهل الخبرة عن السياحة في بولندا
• استفسار عن فيزة اوكرانيا رجاءا ابي مساعدة
• فيزا شنجن
• فندق متروبول ولا لي بلازا في بروكسل

اتوقع قصدك شخيفنينغ :114:
بس ترا ماكو مقارنة بين الثنتين
لانه زلمسي بحيرة وجبال ومناطر طبيعية
شخيفنينغ موجودة في لاهاي او دين هاغ Den Haag مثل مايسمونها هناك
وهي عبارة عن بحر وعلى البحر تلاقي في مثل قهاوي ومطاعم ومول صغير
هولندا فيها مناظر طبيعية واايد بس مو بهالمكان
بس عموما المكان حلو وانا صار لي سنتين بالصيف اروح هناك :101:

هــــلا والـــلــه ولـــــــد ديـــــــــرتـــــــــي والــلــه أنــــك راعـــي فـــــزعـــه تــــكـــفــه عـــطـــنـــيــى


مـــعـــلـــومـــات عــــن الـــديــــره وهــــذى الــــمـــنـــطـــقــه الــــمـــذكـــوره وأبـــى أقـــرب دولـــه لـــهـــا


وبـــيـــض الــلـــه وجـــهــــك يـــالــــغــــالــــي Noura86

ممـــكــــن أحـــــــد يــــــــــــــــــــرد عــــــــــــلـــــــــــــــــي ضــــــــــــرورى :110::110::110::110::110::110:

هلا اخوي
شوف المنطقه حلوة وباردة حتى بالصيف لانها على البحر
اهي اسمها Den Hagg بس احنا العرب نسميها لاهاي مادري ليش:114::114:

انا والاهل لما نروح هولندا نسكن فيها لانها امان ومافيها المناظر اللي تشوفها في امستردام
و اذا حبينا نروح امستردام ناخذ القطار من الصبح ونرجع قبل لا تظلم الدنيا وصدقني ماشفت شي من اللي يقولونه عن امستردام

واذا تحب تقدر تدخل بلجيكا منها
انا رحت بروكسل
وانتروب (فيها اكبر مجمع في بلجيكا )
تقريبا تاخذ ساعتين وشوي

وممكن انك تروح المانيا تقدر تروح دوسلدورف وكولون بس مو عن طريق محطتها عن طريق محطة اسمها يوترخت تاخذ ثلث او نص ساعه من هالمنطقه


المهم انت قولي متى بتروح وشكثر بتقعد
وانا اقولك شتسوي بالتفصيل الممل :24::24:

واسفه على التأخير

السلام عليكم ورحمة الله وبركاته

هلا وغلا الغالي

قعدت في هولندا اسبوع ماشفت فيها ولا جبل

كلها عباره عن مسطحات خضراء ..

قاعد اسوي تقرير عن رحلتنا لهولندا واول ماأخلص بعزمك عليه ان شاءالله ..

أشـــــــــلــــونــــك أخـــــــوي الــــغــــالــــي القــــــــطــــــــــرى راعـــــــي الــــفــــزعــــات

ويـــــــن الــــــــــــــوعــــــــد قــــــــاعــــــد أنـــتــظــــر مــــنـــك الأجــــــــابـــه :110
شـــــــــخــــــــبــــارك أخــــــــوي الـــــغـــــالـــــي Noura86 أبـــــيـــك تــــنـــــظــــم لـــــي الــــرحـــلــــه

أنــــا مــــع زوجـــتـــي وبـــنـــتـــي عــــمـــرهـــا 3ســــنـــوات الــلــه يـــحــفــظــهــا :114:

أنــــــــا بالــنـــتــــظـــاركــــم أحــــــــر مـــــن الــــــجــــــــمــــــــر

هلا اخوي
الله يخلي لك زوجتك وبنتك ويحفظهم لك :101:
ونصيحة اذا تبي تروح لاهاي لا تروحلها الحين روحها من شهر 4 لي شهر 8 هذا احسن وقت لها لان المنطقه على البحر فااا باردة تخيل انا بالصيف رايحتلها كانت باردة درجة الحرارة كانت 13 تخيل هذا بشهر 7 فما بالك الحين بس عموما المنطقة حلوة

راح اقولك كل شي انا اعرفه ان شاء الله

الطيران : اذا انت من الكويت و تبي تروح دايركت طبعا تروح على الهولندية KLM
او على الاردنية بس تنام ليلة هناك وبعدها تكملون او على الاوكرانية تقعدون جم ساعة ترانزيت وتكملون بس طبعا انا انصحك بالهولندية اريح لكم وارقى بس سعرها اغلى

بداية الرحلة : طبعا راح توصلون مطار امسترادم واول ماتطلعون من المطار تلاقون التكاسي خصوصا الكبيرة اتفقوا مع اي واحد يوديكم المنطقة اسمها شخيفننغ Scheveningen تقريبا نص ساعة الا انتوا واصلين ان شاء الله ونصيحة اتفقوا معاه عشان ياخذكم برجعتكم للمطار مرة ثانية لمل تخلص الرحلة لان راح تلاقي صعوبة هناك شوي بالتكاسي لان هناك الترام اهو اسهل طريقة للتنقل

الفندق : انا انصحك بفندقين اذا تبي فندق 5 نجوم وراقي في فندق يقولون ان اهو كان قصر هتلر سابقا وحولوه لي فندق اسمه كور هاوس kurhaus
وهذا موقعه http://www.kurhaus.nl/aboutkurhaus/p...togallery.html
سعره غالي لكن راقي وموقعه ممتاز على البحر مباشرة لكن عيبه الغرفة مو كبيرة لكن كل شي ممتاز

واذا تبي فندق سعره اقل في فندق ايبس Ibis اهو مو على البحر مباشرة لكنه قريب جدا منه
اهو فندق جيد وارخص من كور هاوس
وهذا موقعه http://www.ibishotel.com/gb/hotel-11...en/index.shtml


الاماكن :
نصيحة اول ماتوصلون اخذوا لكم تذاكر حق الترام اوفر لكم لان التنقل بالترام اسهل وسيلة هناك وارخص من التكاسي شوفوا اي جمعية وسألوهم عن هالتذاكر

_ اول ماتوصلون راح تلاقون البحر قريب منكم روحوا اكتشفوا المكان وراح تلاقون مول صغير وايد فيه جم محل و جمعيه صغيرونة ومكان في العاب وبولينغ وبعدها تطلعون على الشاطى اللي راح تلاقون فيه المطاعم والقهاوي القعده هناك حلوة خصوصا بالليل وعلى فكرة بالصيف كل يوم اربعا يسوون مثل العاب نارية وحركات حلوة
واذا حابين تكملون على السنتر اتجهوا حق مكان الترام في واحد بمقابل فندق ايبس بالضبط مكان وقوف الترام اخذ ترام رقم واحد يوديك للسنتر هناك طبعا المحلات اللي ماتخلص والمطاعم

باجر ان شاء الله اكمل لك الباجي
بس شوف هذا الموقع حق المنطقة نفسها

http://www.denhaag.com/default.asp?id=DOORWAYNEWS-uk

في اماكن موجودة في Den Haag
لازم تروحون لها مثل :
_ Madurodam هذا مكان يسمونه هولندا المصغرة راح تلاقي كل شي له علاقه بهولندا على تراكيب واشياء صغيرة
المكان حلو وممتع للصغار والكبار
http://www.madurodam.nl/templates/mad/global/index.php
هذا موقعه وعشان توصله بالترام تروح المحطة اللي مقابل السينما بس مااذكر جم رقم الترام اللي يودي لها عموما هناك خريطة بالمحطة توضح لك كل شي

_ في حديقة الزهور طبعا اهي مو نفس اللي في امستردام لكنها حلوة وتستحق الزيارة عشان توصلها تركب الترام اللي محطته مقابل السينما وتنزلون في وقفه له في محطه اسمها نيوا ديرويغ راح تشوفون الحديقة قريبة منكم بعد ماتنزلون

_ وتقدر تروح منها حق امستردام - يوترخت - روتردام واماكن كثيرة انا انشاء لله راح اتكلم عن هولندا بشكل مفصل في صفحة مخصصه لها لازم تزورها :101:

_ تقدر تطلع من هولندا وتروح بلجيكا والمانيا بس المانيا عشان توصلها لازم تروح محطة مدينة يوترخت
وعشان توصل محطة القطار تاخذ نفس الترام اللي مقابل السينما عشان توصل لها Central station