هاام بخصوص الفيزا شنجن

**ahmedgaper** · 01-15-2015, 04:16 AM

السلام عليكم ورحمة الله ..
أنا الآن في مدريد وصلت امس وحبيت بس أنبه المسافرين لأوربا .. انا الفيزا اللي معي من السفارة الايطالية ولمدة ستة اشهر .. وكانت رحلتي على klm يعني بتمر في امستردام.. المهم يوم وصلنا امستردام الفجر الساعه 5 بتوقيت امستردام.. خلوني انتظر اكثر من ساعه ونص (الانتظار بين الرحلتين ساعتين) بحجة انهم بييتأكدون من الفيزا ولازم انتظر طبعا مو بس انا ,, العرب والافارقه واللي من شرق اسيا.. المهم قالو لازم تنتظرون لين يبدا دوام اللي بعدنا (قصدهم الشفت) المهم سألوا الاسئلة المعتادة ليه طلعتها من ايطاليا ورايح على اسبانيا وجاوبتهم بالاجابة المعتاده (غيرت مخطط الرحلة والوقت اللي تاخذه الفيزا عشان تطلع طويل تقريبا شهر ) ووريتهم حجوزات وهمية كنت مسويها على ايطاليا عن طريق بوكنج .. سألو ا عن المبلغ اللي معي ووطلبوا يشوفون بطاقة الفيزا وحجوزات الفنادق في اسبانيا وتذكرةالعودة للسعودية.. المهم كنت على اعصابي طول الوقت لاني خايف تفوتني الرحلة ... وبعد وقت طويل قالوا لي تفضل .. حبيت انبهكم بس لاني كنت افكر لو اني كنت مسافر مع العائلة وصار لي كذا .. لاني ما احب اي شي ممكن يتعبهم او يسبب لهم مشاكل .. حبيت انبهكم وبس خصوصا اللي مسافر مع العائلة..

تحياتي

مواضيع عشوائيه ممكن تكون تعجبك اخترناها لك:

**alifun** · 01-15-2015, 04:16 AM

يا ريت الشباب اللي عارضوني بخصوص الفيزا ومكان استخراجها يقرؤون هالقصة

الحمدلله على السلامة وما تشوف شر

**ahmedgaper** · 01-15-2015, 04:16 AM

واضح أن مطار امستردام يعقدون كثير و فيه كثير من المواضيع الي تتكلم عن مشاكل في مطار امستردام

**ahmed1** · 01-15-2015, 04:16 AM

أنا قلت لكثير من الشباب ها الطريقة ممنوعة رسميا وممكن يعقدونك عند الدخول في أي بلد
يعني بالعربي على حسب مزاج موظف الجوازات

**ahmed2** · 01-15-2015, 04:16 AM

المشاركة الأصلية كتبت بواسطة البرنس_15
http://www.arabtravelersforum.com/tr...4/#post3342262

الله يسلمك اخوي fatheroflions.. وانا واحد من اللي ردوا على الموضوع اللي عارضوك فيه كثير بخصوص الفيزا.. انا معك ان الواحد ياخذها من سفارة البلد اللي هو مسافر له عشان يتجنب اي مضايقات او تأخير او مشاكل... والمرة الجاية باخذها من نفس السفارة اللي بسافر لدولتهم ان شاء الله..

حياك الله اخوي البرنس وزين إن امورك سلكت وعديت الحمدلله ,,

في اوروبا يطبق القانون بشكل دقيق والواحد لازم يحذر خصوصاً انه في بلاد مش بلاده وما حد رح يوقف معه إذا صارتله مشكلة والله لا يجيب مشاكل

**ahmedgaper** · 01-15-2015, 04:16 AM

مرحبا اخوي أحب الاسفر
بخصوص الجو .. انا الحين في ماربيا والجو الصباح يكون بارد شوي والظهر حر مع رطوبة خفيفه (لاحظ ان حر يعني تقريبا 26 بس احس شمسهم حاره) يعني لو تجلس بالشمس ولا تمشي بتحس بحر يعني وقت النهار البس صيفي والليل الجو مره حلو .. ومدريد كنت فيها من يومين وكان الجو حلو موبارد ولا حار بس يكون بارد الصباح.. وبخصوص الفيزا اخذت بالضبط 10 ايام عمل ..

وبخصوص النظام في اوربا اخوي fatheroflions بصراحه انصدمت من سواقة الاسبان هنا.. يعني اتوقع مافيه احد نظامي بالسرعه غيري (ياغريب كن اديب) يعني كلهم طايرين (اقصد بخطوط السفر) يعني مايعرفون شي اسمه سرعه محدده .. ولكن بأشياء تخصنا مثل الفيزا بيكونون نضاميين وبقوة.