الموضوع: رحلة خفيفة لمكة الحبيبة

السلام عليكم ورحمة الله وبركاته أعضاء وعضوات منتدانا الكرام ،أمابعد:
وصلت بحمد الله بالأمس الساعة التاسعة مساء من مكة المكرمة وسأوافيكم بإذن الله بتفاصيل الرحلة لاحقا
فانتظروني:24:

مواضيع عشوائيه ممكن تكون تعجبك اخترناها لك:

• ناطحة سحاب وأبراج بتكلفة مليار ريال في جدة صور لناطحات السحاب
• العيد في الصين غير
• الغاء حجز في بوكينق
• رايكم بمطعم ابيض واسود من كل النواحي بجدة
• تقرير مصور للفنادق المطلة على المسجد النبوي الشريف
• ارغب بحجز رحلة بحرية
• هيلتون مكه
• تم الإفتتاح في فندق بارك حياة جدة
• ابي كاميرا واماكنها بجده
• فنادق ابراج البيت وقف الملك عبدالعزيز في رمضان
• الي جربو الافطار او السحور بالمطاعم
• استفسار عن برج الساعة
• استفسار مكة جزاكم الله خير
• اسعفوني بمحل حلويات في جدة
• مطعم ومقهى كرستي
• ممكن خدمه يا أخواني في جده
• طلب مساعدة ،، حجزت في برج ساعة مكة عن طريق بوكنق ولكن نسيت رقم الحجز
• من الافضل البعيجان او الركائز او عبير الهدا
• استفسار لا حرمكم الله الاجر
• لوفتهانزا و رحلات من جدة لميونيخ

أختي المتأملة
أولا : الحمد لله على سلامة الوصول
ننتظر الحلقة الأولى من التقرير ، رحلة القدوم إلى مكة بالتفصيل ثم بعد ذلك بقية التقرير فيما بعد
نحن بالانتظار0000000000000

منتظرييييييييييييييييين على نار

الحمــــــــد لـــــله

على سلامتكم وتقبل الله منا ومنكم ...

ومافي أحلى من مكة المكرمة بيت الله والكعبة المشرفة ..

ننتظرك وننتظر تقريرك عزيزتي المتأملة ..

تقبلوا تحياتي ..

عمره مقبوله

والحمدلله على سلامتكم

حمدلله على سلامتج اختي

عمرة مقبولة والحمداللة

على السلامة

ممتاز أختي المتأملة
بتاريخ كم كانت عمرتكم ؟

شكرا أخي دحنوش للمشاركة وشكرا أخيq2c وفعلا كل شخص وله طريقته في سرد الموضوع ،وبالنسبة لسؤالك أخي أبو ناصر 25فانظر بداية التقرير وتعرف الإجابة ليه السؤال لايكون أنتم معانا بالرحلة واحنا ماندري.:109:
بالنسبة للصور ماكنت ماخذة معاي كاميرا ولاجوال الكاميرا عشان أخاف ينسرق مني والصور بجوال زوجي مو واضحة عشان كذا جبت كم صورة من النت قريبة نوعا ما من صور غرفتنا.
هذه صورة مدخل الفندق


وهذه صورة من صور المطعم



وهذه صورة قريبة من صورة الغرفة الي ناموا فيها بناتي لكنهم ماحطوا لنا الشراشف الملونة الي فوق بس شراشف بيضاء ولافيها هالكرسيين الي مع الطاولة الصغيرة بس فيها طاولة طعام في ركن الغرفة فيها 6كراسي وطاولة كبيرة للتلفزيون وثلاجة وقطعتين كنب وجنب الحمام فيه دولاب كبير .



وهذه صورة أخرى


بس احنا الكنب أزرق وأصفر مو أبيض ومو نظيف كثير الظاهر الي قبلنا كانوا ياكلون على الكنب مو طاولة الطعام:109:


مالقيت صورة في النت تشبه غرفتنا إلا هالصورة مع إنها تختلف عن الي سكنا فيها بشوي ماحطوا لنا هالشراشف الصفراء ولا هالمخدات مخدات بيضاء عادية ولافيها هالمراية الكبيرة العاكسة وترى صور النت أحلى من الواقع ،ومو معنى كذا إنها في الواقع شينة أو راح تنصدمون فيها لكن تعرفون دايم في النت يطلعون أحسن الصور والغرف المميزة وليست العادية. والغرفة الي احنا فيها فيها دولابين كبار بعد وثلاجة وتلفزيون وطاولة طعام فيها 4كراسي وقطعتين أو ثلاث كنب أزرق مع أصفر.



أما الحمام أعزكم الله فهو نظيف وماهو ضيق .

السلام عليكم ورحمة الله

مشاء الله اختى المتالمه

تقرير رائع وسرد مفصل جدا .....

ولازلنا في المتابعه

دمتي بخير

شرفت تقريري أخي عبدالعزيز وننتظر منكم تعليقا بعد إنهاء التقرير في المرة القادمة بإذن الله.

عمره مقبوله اختي المتأملة
تقريرك روعة واحلا مافيه التفاصيلتموت بسرد التفاصيل
وحبيت اسأل كم سؤال
الحين الفندق يستاهل الفلوس اللي دفعتوها فيه
لانك قلتي الاثاث ماهو نظيف مره وانا اهم شي عندي الاثاث
فأنا ابغى احجز فيه الاسبوع الجاي ان شاء الله واحترت بينه وبين السوفتيل
بس اللي اعرفه ان غرف الشيراتون اكبر بس ماعندي خلفية عن النظافة
ومعاملة الموظفين...ياريت تعطينا رايك
ذكرتي ان رحلتكم دامت اربع ساعات لين وصلتو الفندق
فحبيت توضحين لنا كم دامت الرحلة وكم انتظرتو بمطار جدة
وكم المسافة بين المطار والفندق
هل احرمتو من الطيارة او من البيت
بالنسبة للتوسعة اللي قدام فندق التوحيد كيف توصلون لها وبوابات
المسعى مقفلة عشان الصيانه..انا سمعت انك لازم تروحين لها من عند
الحلاقين اللي بنهاية المسعى والمسافة بعيده وكلها حوسة من اعمال الصيانه
ادري غثيتك بالاسئلة واعذريني على الاطالة
ودمتِ بحفظه

:113: :113: :113:

الحمدلله على السلامة أختي وعمره مقبوله انشاءالله
يعطيج العافيه على التفاصيل الممتعه والله استمتعت جدأ بقراءة الرحلة ماشاءالله رحلة من أولها مغص :109:, وبالنسبة للخدامات مو متعودين للسفر بالطيارات ولا بالسيارات وخاصة الاندونيسيات تقولين بديرتهم عمرهم ماركبو لاطيارة ولا سيارة :109:
توقعت خلال رحلتكم تعطون يوم لجده تروحون لها تتمشون وتتسوقون بس ماشاءالله خليتوها كلها بمكه

مكه كل شي فيها حلو , لكن مشكلتها الافارقة والشحادين والسرقات , اكبر 3 عصابات تأثر على الامن في مكه هم هؤلاء, وللأسف على الرغم انهم واضحين للعيان ولكن لايتم مكافحتهم والقبض عليهم , وخاصه الافريقيات الي في ساحات الحرم ومعروف انهم متخلفات ولايملكون اي اثباتات

عمومأ اهم شي استمتعتم بالآجواء الروحانية في مكه والله يتقبل منكم



تحياتي: سلطان الشرقية

شكرا أخي سلطان الشرقية وشرفت موضوعي وشكرا للدعاء والحمدلله إن التقرير أعجبك،شفت عادبدايتها مغص وأعتقد خدامتي من النوع الخواف وهالحبوب تطمين نفسي ليس إلا، وبالنسبة لجدة قد زرتها من قبل أكثر من مرة ومدة الرحلة قصيرة يمكن لو كانت أطول كان فكرنا وعادة لو بناخذ يوم أو يومين لجدة يكون في نهاية الرحلة لكن نهاية الرحلة يوم الجمعة وماحبينا تفوتنا صلاة الجمعة بالحرم .
أما بالنسبة للشحاذين والسرقات والأفارقة فنحن بحمدالله نتحصن بالأذكار ونخرج سويا ونتجنب الزحمات ولانظهر مالدينا من أموال قدر الإمكان حتى لايطمعوا فينا وبالنسبة لي أنتبه لوأحد تلزق فيني أو حاول يتحسس إذا معاي شيء لأني ألتفت بسرعة يقوم يغير مكانه وصارت لي أكثر من مرة ،وماأجلس جنب التكرونيات بالحرم لأني أعرف إن عندهم أحسن رادارات في الدنيا ويشمون ريحة الفلوس من بعد كيلومترات وماينسلم منهم ،وفيه بعض الي يجون لمكة جايين أصلا وهدفهم الشحاذة والسرقة واستعطاف قلوب الناس بالباطل هداهم الله وإلا لو عرفوا أن الإثم مضاعف بمكة لحرمة المكان لمافكروا بذلك نسأل الله السلامة والعافية.

طمنينا عليك أختي طيوبة بعد ماترجعين من مكة بالسلامة .

ياحبي لها التفاصيل السنعة

ماشاء الله عليك ما خليتي شئ الا وما كتبتيه

واحسنتي يوم خذيتي الشغالة المسكينة

مشكور أخي حايط علا للمروروالدعاء ومن قال مامليت من الكتابة أصابعي تعورني والله من الكتابة أثاريه منك :109:امزح عاد ،شوف أخوي الكتابة بالنسبة لي تعبيرعما في النفس وإمتاع لنفسي وإفادة لغيري أيضا ،وأيضا أنا ألجأ للكتابة لمعنى في نفسي لاأحب أن أفصح عنه :114:وأنا عندما أكتب تقريرا لاأكتبه دفعة واحدة وإنما على مراحل وتقريبا كل يوم أو يومين أنزل جزء منه ،وأحس تقريري مو ذاك الزود طويل،بعض الأعضاء ماشاء الله تبارك الله تقاريرهم طويلة جدا جدا طبعا تقارير عن رحلات لخارج السعودية ولم أستطع قراءتها وهؤلاء هم الذين أستغرب فعلا كيف لم يملوا من الكتابة ،وعموما الرجال يهتمون بالأمور إجمالا والنساء بالتفاصيل ،والأغلبية أعجبتها التفاصيل الدقيقة ماأدري أنت من مؤيدي التفاصيل أوالإيجاز
وشكرا أخي محبكم في الله للمرور والتعليق وأنت من مؤيدي التفاصيل إذن وهذا شيء طيب.
وأشكرك أخي أبو المهند للإطراء والدعاء وإن شاء الله استمتعت بالتقرير،وعلى قولتك أنا معدتي حساسة جدا في السفر وغير السفر الله يشفيني إن شاء الله.

.

الله يعطيك العافيه اختي وتقبل الله منكم ومنا صالح الأعمال ..

تقرير رائع واحلى مافيه اسلوبك ..

مشكورهـ ماقصرتي ..

وليتك ما تحرمينا عن تقارير مثل هذي عن الاماكن والأسواق والمطاعم الي تزورونها بالشرقيه ..
لأن ماشاء الله عليك عندك دقة ملاحظه وتخلين الواحد كأنه زار المكان ..


.

الحمدلله على السلامة أختي وعمره مقبوله انشاءالله

شكرا أخي سياحي درجة أولى للمشاركة، وبالنسبة للصور عاد هذا الي موجود وشيء أحسن من ولاشي ،عاد أنا وصلت إحساسي بالكتابة .
وشكرا للمرور مرة أخرى أختي ميسون محمد وماقصرت وزين إذا تحبين التفاصيل مثلي وماقصرت بدعواتك الحلوة .
وشكرا للمرور والدعاء أخي جيلاتو.

الحمد لله عالسلامة

الله يتقبل منا ومنكم صالح الاعمال

مشكور أخي إيطالي مرة للمرور بموضوعي ومشكور أخي deqaللدعاء .

الحمدلله على السلامه وتقبل الله طاعتكم
الصراحه اسمتعت بالموضوع وزاد شوقي لزيارة مكه
واذا ممكن عندي سؤال لو سمحت :
بالنسبه للسيارة اللي نقلتكم من مطار جده الى الفندق قلت ان السايق سعودي وسيارته جيمس مكيف ماشاءالله بسعر 200ريال وين حصلتوه وشلون اقدر احجز الحين في لهم تلفون شي ، لان في تفكير عندنا بنعتمر انشاءالله ، وياجماعه اذا احد يعرف طريقه نحجز منها حق سيارة شرط ( جمس مكيف ) ينقلنا من مطار الملك عبدالعزيز جده الى الفندق في مكه المكرمه بسعر زين ، فياريت يخبرني ، لاني اذكر قبل رحت واخذت من التكاسي اللي بره سياراتهم موذاك الزود وغالي بالسعر
وشكرا

شكرا أخي السفر والسفر للمشاركة والدعاء،وبالنسبة للسائق مادورناه ولاحجزناه توافيق من رب العالمين أول ماطلعنا ووصلنا للصالة لقينا مجموعة ورحنا مع هالسواق وسألناه وش سيارته مارحنا وبس وهو قال لنا190 واحنا عطيناه 200ماأدري أول مرة أسمع بأكثر من هالسعر لأنك إذا طلعت للموزين برا أخبر السيارة الصغيرة ب140 أو 150 والسيارة الليموزين الفان الكبيرة ب200ريال إلا إن كنت تقصد إنك تتصل على شركة تأجير سيارات من ديرتك فهؤلاء يستغلون بشكل خيالي أتذكر العام بغينا نسوي كذا تخيل قال لنا السعر 800ريال تقريبا وبعد المفاصلة قال ب650 وماعجبنا السعر ،وش حاد الواحد يحجز سيارة والليموزينات برا والسيارات الخاصة على قفا من يشيل بأسعار معقولة ،لاتاخذ تاكسي خذ من شركة الليموزين واسأله عن السعر قبل لاتركب وتتوهق بعدين ،وإن شاء الله تزورون مكة قريب.

جزاك الله خير

ماتقصر أخوي الهذلي 14والله يجزاك خيرومشكور للدعاء.