-
شهر السبتمبر في عسل
السلام عليكم ورحمة الله
القراءة ثم القراءه
نعم انا فهمتك
وماخليت ولابقيت اي حرف عن جنوب افريقيا في المنتدى الا ومريت عليه
وهذا اللي خلاني اتوكل على الله وانوي اقضي شهر العسل في جنوب افريقيا
http://games.m5zn.com/cooking_games.html
طبعا هذا حجز مبدأي لمدة 15 يوم قابل للزيادة حسب نصايحكم
والسفره ان شاء الله في منتصف سبتمبر زي مو موضح بالحجز فوق وبالتحديد يوم 12 سبتمبر الوصول ان شاء الله
ويوم 26 سبمتبر المغادرة وزي ماذكرت عدد الايام قابلة للزيادة قبل ما اشتري التذاكر بحول الله اذا تنصحوني بذلك
طبعا الغرض من الرحلة قضاء شهر العسل الله يمتعنا واياكم ويجعل شهورنا كلها عسل × عسل
والميزانية للان ماوضعت لها تصور بشوف كم بيبقى بعد التاثيث ومصاريف العرس وبسافر بالباقي خخخخخخخخ
لكن خلونا نقول الميزانية معقولة حسب التكاليف اللي ببتكرمون وتعطوني فكرة عنها
والصراحة بما انها شهر عسل ودي اعرف افضل المدن اللي تنصحوني اروح لها يعني مثلكم خابرين معي بنت الحلال
لاتعرفني ولا اعرفها خخخخ اقصد مافيه ميانه لسا وياتحشرني يا احشرها هع
يعني لو تتكرمون وتخاطبوني بلغة قومي مثلا روح للمدينة الفلانية واقعد فيها كذا يوم وبعدين الديرة الفلانية وكم يوم
وسير على البلد الفلاني لايفوتك تقعد فيه كم يوم يعني مافي شي محدد وش تنصحون اللي مثلي بيروح هناك
وبيقعد من 15 الى 20 يوم
واذا ماراح اثقل عليكم في كل ديرة توضحون لي الفندق المقترح للاقامه ولاتنسون انه شهر عسل يعني وين نروح ووين نجي
وش احسن وقت تطلع فيه ووش الوقت اللي لازم تكون فيه بفندقك بالع العافيه اسواق مطاعم كويسه ومعليش احس اني ذليتكم كل شوي قايلكم لاتنسون تراه شهر عسل
صراحه ماعمري سافرت سفره عائليه كل سفراتي يالحالي يعني مع شباب وماعندي مشكله بذاك الوقت
بس الحين الوضع تغير مع بنت الناس وماودك تطب في مواقف مالها داعي خابرين شهر عسل خخخخخخخ
والسيارة لازم اخذها من اول يوم والا فيه ديره لازم لها سيارة وديرة ثانية مالها داعي السيارة
انا الحمدلله لغتي الانجليزية كويسة وسواقتي كويسه بس ماعمري سقت دركسون يمين الا مره في بريطانيا وهاتك
ياشطف بالارصفه لكن لندن غيرررر خخخخخ الحين شهر عسل الوضع بيكون خطيررر بالسواقه خخخخخخ شكلي بتفل
على بنت الحلال تخبرون الواحد متعود الشباك على يساره خخخخخخخخخخخخخخخ
مدري انا سالت عن الجو والا لا بس كيف الجو في سبتمبر يقولون موسم تزواج الاسود وانا عندي فوبيا من الاسود
مع اني قريت انه فيه حركه تسويها اذا قابلت اسد وباذن الله مايجيك شي بس هالحركه مالها داعي تسويها وفيه
احد يشوفك وخاصة اني في شهر عسل امممممم الاحرااااج
على فكرة وين احصل ابن الحلال القارمن في الرياض وعليه خريطة جنوب افريقيا
سؤال على الطاير
قبل كم سنه شفت برنامج على الجزيرة الوثائقية عن جنوب افريقيا عن منطقة فيها اسمها جنة عدن الله يرزقنا واياكم
الفردوس الاعلى من الجنه برحمته عز وجل
وين هالمنطقة اذا مرت عليكم وكيف وضعها
وبالختام متوقع ان الواحد تجيه شرهات في عرسه من العالم ولازم يردها هدايا وين افضل الاماكن اللي نتسوق
فيها ونشتري هدايا الحمد لله بنت الحلال ماعندها خوات خخخخخخخخخخخخ
هرمنا
هرمنا
من اجل هااااااااااااااااااااااااااااااااااااااااااااااااا اااااااااااااااااااااااذه اللحضه
عشر سنين وانا اتنحش عن الزواج لين صادوني متلبس في حالة ضعف عاطفي وبيزوجوني والحمد لله انهم صادوني
والا كان تلقوني متبطح في بوابة المغرب هالوقت خخخخخخخخخخ
كثرت عليكم بس مالي الا الله ثم انتم
انتم مسكوني الدرب ومالكم الا اللي يبيض وجيهكم
واول واحد يرد علي بسمي اول مولود ان شاء الله ورزقنا بسميه عليه
ويعطيكم العافيه مقدما واخر دعوانا ان الحمد لله رب العالمين
مواضيع عشوائيه ممكن تكون تعجبك اخترناها لك:
-
هلا بك اخوي .. والف مبروك على الزواج مقدماً
اختيارك الوقت والمدة والمكان مناسب جداً
اقترح عليك بما انك راح تجي على الخطوط السعودية :
المواصلة عبر طيران داخلي الى الكيب تاون والمكوث فيها 7 ايام
القاردن روت (اللي فيها جنة عدن) 4 ايام
الصن سيتي يومين
جوهانسبيرج يومين
لي عودة مفصلة ..
-
على بنت الحلال تخبرون الواحد متعود الشباك على يساره خخخخخخخخخخخخخخخ
.
.
عشر سنين وانا اتنحش عن الزواج لين صادوني متلبس في حالة ضعف عاطفي وبيزوجوني والحمد لله انهم صادوني
والا كان تلقوني متبطح في بوابة المغرب هالوقت خخخخخخخخخخ
هههههههههههههههه
هههههههههههههه
الله يسعدكم ويوفقكم
مابيقصرون الشباب ان شاء الله
ضوابط المشاركة
- تستطيع إضافة مواضيع جديدة
- تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
رد مع اقتباس
المفضلات