السلام عليكم ايها الرفاق .. الرفيقات ..
ايها الشعب الكريم ..

ادري ربما بعض (المتعصبين ) سيشنون علي حمله شعواء .. وحرب ضروسا .. واني اعذرهم مسبقا
اخواني .. اخواتي ..

خدعوكم فقالوا .. السياحه في السعوديه .. الكويت .. البحرين .. قطر ..

وافردوا لها الصفحات والكلام الطويل والتقارير ورحلتي لقطر .. ورحلتي لتبوك .. ورحلتي للبحرين"الحبيبة"
ويتكلمون عنها وكأنها تلك البلدان الجميلة السياحيه


والحقيقه المره .. يقولها الاعرابي ويكاد يقسم عليها ..

1- كقاعده عامه لاسياحه في الخليج الا في دبي (بمقوماتها السياحيه ) اللي جعلتها (غصب) مزار سياحي

2- قطر ماهنا الا الدوحه وكم مول وصلى الله وبارك .. وكم عماره طويلة وبس .. والجو حر موت وهذا يشترك فيه كل دول الخليج .. ابفهم وش مقومات السياحه في الدوحه ..

2- البحرين كلها على بعضها المنامه وحرور وطل يوحش .. ولا خيار ثاني الا في هالـــ 15 كيلو متر عرضها !!!


3- السعوديه بلدي لاحقتها .. حر وصحاري وانعدام تام للمقومات السياحيه .. والثقافه الشعبيه لااااترحب بالسائح ويسمون اي اجنبي (صديق ) سواء كان عاملا ام رئيس شركه هونداي

4- مدن كامله لدينا غير جده والرياض والدمام والحرمين .. لااااايوجد بها خدمه تكسي لاااائق .. ولامواصلات عامه ولا باصات وتبلش بنفسك ..

5- الكويت جيتها وهي عباره عن 100 كلم للكويت كلها صحراء اولها .. ثم تجيك الكويت كم مول وكلها طرق وحضارة اسمنت الدايري الرابع والعاشر ....والاف طرق.. وطرق وسيارات وكباري وحر ولوحات الزواجات معلقه ..
ولاشي غيرها .. ولاخيارات ولاترفيه ..
للعلم (اهلها يهربون منها ) ثم يجي سعودي ويكتب
(الكويت الحبيبه .. رحلتي للكويت ) ياعمي وينك رايح ..


** انا لا اهمش بلداننا الخليجيه او احقرها ولكن انزلوها منزلها واعطوها حقها العادي فلا مدح بلا مقومات

** 420% من الناس اللي يجون للمملكه يروحون للحرم
ين ولولا الحرمين كان مااحد طب علينا

** الحرارة 100 درجه مئوية وصحاري بمئات الكيلومترات ونقول .. السياحه الداخليه او نقول مهرجان الصيف في ابها او الكويت او الدوحه (يالربع اتقوا الله )

** انا لااهمش بلداننا ولكن الكويتي في كويته والسعودي في سعوديته والقطري في قطر فلاااداعي لشد الرحال لا للرياض الحبيبه ولا للمنامه الغاليه ولا للدوحه الأموره .. خلك بديرتك واحمد ربك .. وين تروح بهالحرور ..


هذا والله اعلم والله المستعان..

وكتبه الاعرابي المسافر ذات بوح .. من مكان ما من سعودية ما
هذا والله اعلم والله المستعان

مواضيع عشوائيه ممكن تكون تعجبك اخترناها لك: