الموضوع: انتبهوا من هذا المكتب

انا عضو جديد والله ماخلاني اسجل بالمنتدى الا هذا النصاب انتبهوا منه هذي قصتي :

قبل سنه دخلت للمنتديات ابي احجز لشهر العسل واشوف العروض طاحت عيني على عرض بمكتب ( ترحال العربيه ) قدر الله علي ومشيت للرياض قبل زواجي بأسبوع تقريبا ورحت للمكتب وجلس يعلمني على العروض اللي عندهم ... حجزت لمالزيا وكان سعر السفره 11100 لشخصين 14 يوم حولت المبلغ بنفس الوقت وقال خلاص بكرى افتح ايميلك واسحب التذاكر قلت حلو .... مشيت ورجعت لديرتي يوم ويومين انتظر التذاكر كل يوم يقول بكرى النت فيه مشكله الطابعه فيها مشكله جاء يوم زواجي ولا اخذت التذاكر جلست يومين بعد زواجي وكل يوم يقول انتظر بكرى اخر شي حجزولي غير الحجز اللي طلبته وكل يوم اصبر بكرى نعدله وبالاخير يقولون الخطوط ضيعوا تذاكرك يمين ويسار راحت اجازتي وراحت تذاكري وراحت فلوسي لي اربع شهور ادق عليهم وكل يوم يصرفونن قال راعي المكتب انا الحين ماعندي فلوس مستعد اقسط لك المبلغ قلت مافي اي مشكله بس يرجع حقي اول شهر 1500 ريال ثاني شهر 1500 ريال ثالث شهر1000 ريال ولي اربع شهور ساحب علي ادق عليه مايرد محول جواله على موظفات بنات عنده ويقولون هو الحين بدبي كلمت هيئة السياحه قالوا المكتب هذا غير مرخص ( ومعي خطاب الهيئه للتوثيق ) وهذا ثاني مكتب غير مرخص له الحين ابغى منه سبعة الاف ريال ولا قادر اطلعها والحل ؟؟؟؟
وشكرااااااااا
اسم المكتب يحمل اسمين ( ترحال العربيه ) او ( فرص الاعمال ) مخرج 5 حي المصيف شارع ابن سينا

مواضيع عشوائيه ممكن تكون تعجبك اخترناها لك:

• لوبي الفندق لمن؟
• ابي كود تخفيض يورب كار عاجل
• لو سمحتم ابي استفسركم عن الطيران البريطانيه ؟
• وش الشنط اليدوية الافضل للسفر
• ليس كسلا ولا انانيةعذرا يامنتدى العرب
• فين أسافر ؟؟؟؟
• مشكلة تواجه المسافر الخليجي والمسلم عموما
• وقت الاكرسمس وين الواحد يمديه يسافر لاتحرمونا من اقترحاتكم
• استفسار بخصوص الفيزا تكفوووووووووون
• أسئلة عن اوروبا ؟
• استفسار عن رحله عائليه
• اللي حجز عن طريق موقع بوكينق يدخل
• نمو معدل السياح القادمين إلى الشرق الأوسط
• افيدوني بارك الله فيكم في السفر الي تركيا
• يا اهل الخليجاشحنووووواشحنوووا
• مساعدتكم ضروووووووري لاهنتم
• بخصوص استئجار السيارة باوروبا
• اعتذار
• بغيت مساعدة يا حبايبي
• لخبراء الحجوزات السياحية

الله يعوضك خير يا رب


لاكن لو انا اللي صار لي هالموقف صدقني لاسوي العجب قهر والله وشهر عسل بعد




ليش ما رحت مكتبهم من وقتها وطلبت استرداد الفلوس صدقني ما اطلع من المحل الى ان اخذ فلوسي




على العموم المكاتب السياحية كلهم نصابين والصادق فيهم ياكلك اكل




اعتمد على الله ثم على نفسك


انا جميع حجوزاتي من النت ولله الحمد الامور طيبة




اسال الله ان يعوضك خير ولا تخلي حقك يروح انشب في حلوقهم

انا اول مره اسافر برى ولا كنت اعرف طريقة البوكنق كيف اخذ حقي عن طريق المحكمه ؟؟؟؟

الله يعوضك.....
يا اخي سبق وتكلمنا على هذا المكتب ، وانا سبق ان قرأت اعلان لهم بالجريدة ، الاعلان يدوخ من الرخص ومغري بالمرة ( وهذه طريقتهم باصطياد الزباين ) المهم اخذت عنوانهم ورحت للمكتب ( قبل اكثر من سنة ) وهنا كانت المفاجأة .....
مكتب صغير جدا به طاولة وعلى الطاولة مجسم الكرة الارضية ( ابو عشر ريال ) فقط يعني اقرب ما يكون مكتب عقاري والمكتب العقاري قد يكون افضل فيه خرائط وعروض .
يعني واضح انهم مستجدين او ( ......) . على كل حال اعتقد موضوعك ما ينحل الا عن طريق الشرطة والمحكمة .

الله يعوضك
تاخذ سند استلام المبلغ وتقدم شكوى بالمحكمة المستعجلة
الحق قبل ماينقل من الموقع فلو نقل ضاع حقك

معوض ان شاءالله و الف شكر على التنبية .
الحل الوحيد لأسترجاع حقك هو المحكمة و الله يعينك .
دام عندك منتدي العرب المسافرون ما في داعي لمكاتب السياحية . يالله الى صار ، صار .
تحياتي لكم """