الموضوع: قيادة السيارة السواق محل الراكب والعكس

السلام عليكم


احنا الخليجين متعودين أن حنا نسوق من جهة اليسار يعنس السوق يكون يسار

هذا الي متعودين عليه



لاكن أذا بروح لبريطانيا أو ماليزيا أو باكستان أو اليابان والهند

راح يكون السواق جهة اليمين

مثل هاذي




أتوقع يكون في أختلاف كبير

ياليت نشوف تجاربكم من الناحيه هاذي

لاني بأسافر لماليزيا وراح أستأجر سياره وخايف من النقطه هاذي

مع العلم اني ماراح أسوق داخل المدن الكبرى

مواضيع عشوائيه ممكن تكون تعجبك اخترناها لك:

• التعاملات المالية ايش نصائحكم
• احد يفيدني عن موقع الحجز
• 9 أماكن لزيارتها بميزانية قليلة سنة 2017 !
• الى كل من يحب السفر
• أفضل شواطئ في تركيا
• مشاكل السفر والنصائح
• كيف احجز لطفلي الرضيع ؟؟؟
• رياح للمغرب
• اقتراحات لوجهة السفز
• جربت مواقع حجوزات الفنادق بس غيره مالقيت
• نصائح سفرية
• تم الجواب على الاسئلة
• ابي موقع مقارنة اسعار تذاكر الخطوط
• محتاج مساعدتكم بخطة شهر عسل
• كاميرا
• بشرى لكم
• شهر وش افضل الدول
• معــرض عالــم عطــلات الإمــارات عالــم مــن الإختيــارات
• تجربتي مع تأخر الرحله
• رخصة القيادة الدولية في السفر الي النمسا والمانيا

[size="4"]سق أول مره في أماكن وسيعة علشان تتأقلم بس أهم شيء خذ اوتوماتيك وأمورك بتمشي بس يبي لك تثبت ان الشوارع بعد عكس وتنتبه للدوارات وأمورك تمام

أخذت مره في بونشاك عادي

صراحه فيها صعوبه وانا جربتها في استراليا وصرت كل مره اروح اركب السياره اروح يم الباب حق الراكب متعود ان الدريكسون على اليسار ههههه

احسها صعبة من ناحية اللف لليمين واليسار

وحتى بالدعس على البنزين والفرامل

المشاركة الأصلية كتبت بواسطة وسيـم
http://www.arabtravelersforum.com/tr...2/#post5878468

احسها صعبة من ناحية اللف لليمين واليسار

وحتى بالدعس على البنزين والفرامل



لا يا غاالي مكان الفرامل والبنزين والسوتش كلها نفس السيارات العربيه

مصيبه لو دواسة البنزين والفرامل معكوس !!

انا حاليا في استراليا
السواقه صعبه لمدة اسبوع بعدها تتعود
ومثل ما ذكر احد الاخوان قبل لازم تسوق في اماكن وسيعه وخاليه من الزحمه وبرضه لازم تعرف ذروة الزحمه في البلد
ذروة الزحمه في استراليا في الصباح وفي العصريه قبل المغرب.۔ (تكثر الحوادث في قت العصريه كل الناس تخترش يذكروني بالنص ساعة قبل افطار رمضان!)

احرص تاخذ سيارة اتماتيك مو ناقصك تشويش.۔

الجهه اليسرى من السيارة تكون غريبه عليك تحس مو ضابطها بمعنى تمر من جنب سيارة تعتقد انها بعيد عنك ما تدري إلا انت شاطفها من مسافة قريبه ونفس الحكاية الارصفه تعتقد انه بعيد ما تدري إلا صافق فيه!

كل الي ساقوا جهة اليمين عندهم هذا الاحساس
دائم السيارة تجنح جهة اليسار!! يمكن لان السواق تعود يكون على اليسار ويضبط السيارة من جهة اليسار هههه الله اعلم

وحقيقه شريت السياره ووقفتها عند البيت ما حركتها إلا بعد التامين
كثير من الزملا صارت معهم حوادث وكانوا متساهلين بالتامين كل يوم يقولون بكره نأمن لين صارت لهم حوادث تورطعوا فيها صاروا يدفعون التكاليف اقساط!!

الالتزام بالمسار من اهم الاشياء في القياده
تجي تنعطف يمين تبقى في المسار اليمين ويسار تبقى في المسار اليسار
مو مثل بعض ربعنا
يمسك اقصى اليمين ويديور للوراء
يحجر العالم عشان بيرجع!! انانيه وقلة ادب

بمعنى انسى تحاول تستمر على طول وانت في مسار يمين او مسار يسار
والمسارات مخططه عند الاشارات ومحدد عليها اي مسار يجيب ان تستمر فيه على طول او تنعطف لاحدى الجهتين.۔

ايضا الناس تعودوا على النظام
لما المشاه يقطعوا الشارع الكثير منهم وانا اصبحت لدي هذي العاده
قليل منهم يطالع في الشارع يشوف فيه سيارات قادمه ام لا!!
بحكم ان الاشاره حمراء للسيارات وخضراء للمشاه

ايضا خطوط المشاه البيضا
يجب التوقف عندما يكون فيه شخص يحاول يقطع
وبعض الاشخاص يقطع ولا يطالع فيك
يعني متعودين ان السيارات توقف لخطوط المشاه البيضاء

الانعطاف لليمين يسبب تشويش لانه اكثر حاجه مختلفه عن شوارعنا

ايضا هناك نقطه مهمه وركزوا عليها يا اخوان
بعض الشوارع الي ما فيها زحمه
تفتح الاشاره من الجهتين
بمعنى تفتح لك وتفتح للسيارات القادمه من الجهة المقابله

يحق لك تنعطف يمين إذا الشارع فاضي
لا تستغرب تجيك سيارة من الجهة الثانيه اثناء انعطافك لليمين والاشاره خضراء لك
هي ايضا خضراء له والاولويه له
يجب انت نتتظر ثم تنعطف

نقطه اخرى وهي المحافظه على التقاطع فارغ (عجبتني جدا ليت المرور عندنا يوعي الناس فيها)
بمعنى إذا كان فيه زحمه والسيارت تمشي وتوقف
يجب انك تبقى واقف عندا لاشارة حتى وهي خضراء لحد ما اخر سياره امامك تتجاوز التقاطع
إذا تشوف فيه مساحه تتقدم وتصير خلف السيارة الي سبقتك تقدر تطلع
لكن إذا بتتقدم وتكون مؤخرة سيارتك في التقاطع تعتبر مخالف

الفكره ان التقاطع يكون دائما خالي من السيارات
بحيث لو فتحت الاشاره للجهات الاخرى ما تكون هناك سيارات في التقاطع بسبب الزحام.۔

ايضا يجب استخدام اشارات السيارة للانعطاف
لان الناس تمشي خلفك وقد يكون فيه مسار فيه خياراين اما الانعطاف او الاستمرار
لما تكون بتنعطف في مسار فيه خيارين الناس تصف خلفك تعتقد انك رايح على طول بينما انت بتنعطف يمين ولا استخدمت اشارة السيارة
انت تنتظر يفرغ الشارع من شان تنعطف لليمين بحكم ان الاشاره مفتوحه للجهتين بينما العالم خلفك توهقوا وصفوا خلفك والمسار الثاني مفتوح والاشارة مفتوحه!! بحكم انك ما عطيت اشاره للانعطاف۔

ايضا يكون بعلمكم
المواطنين يبلغون عن المخالفين
يعني لا تستغرب تجيك مخالفه عدم ربط حزام الامان ولا قابلت ولا شرطي او كاميرا
اي مواطن له الحق يبلغ عن اي مخالف ومصدق لانه مشارك في الدوله ويدفع ثلث راتبه ليحق له ان يمارس الحياة السياسية وغيرها.۔

محطات الوقود يجيب ان تنزل بنفسك وتعبي سيارتك وتعرف رقم الكبينه الي عبيت منها وتترك السيارة في مكانها وتروح تحاسب داخل المحل۔ السعر يطلع عند البائع. فقط اذكر له رقم الكبينه وهو اصلا يتأكد من وجود السيارة عند الكبيه الي عبيت منها.۔

اي سؤال انا حاضر.۔

جربتها بلندن وضبطت الامور معاي بس حقيقه خفت اجيب العيد وعطيتها واحد

امك بتروح ماليزيا خذلك سياره مع دريول وايد احسن اقل شي هو ادرا بسواقه وادر حتى بلبلد

انا اعتراضي مو يمين ويسار الاعتراض ان الدوارات عكس والطرق عكس الصراحه ما اعرف افرق

لهشي اتجنب اني ااجر سياره وانا ما اعرف اسوق نفس اسواقة اهلها

هههههه ضحكتوني ..الحمد لله اني ما اسوق ..الله يعينكم يالرجال