الموضوع: رحله جديده الى اوربـا

[color="Black"][size="4"]بسم الله الرحمن الرحيم ..

حبيت اكتب هالموضوع في قسم اوربي ونسخه لكافة الاقسام الاوربية ولكن وبعد الاطلاع على كافة الاقسام لفت نظري احد المواضيع عن الاستفسارت وقلت اجرب وان شاء الله استفيد واشكر كافة الاخوة القائمين على هذا القسم .. انا انسان احب اجهز للسفره قبل موعدها بفتره طويله حتى الحجوزات قبل موعدها بشهر او اثنين على الاقل سواء ( طيران داخلي .. قطارات .. فنادق .. الخ ) حتى لا نتعطل بالرحله استفسرت من فتره عن سفره حيث تكون وجهه اوربية فقط ولكن للأسف اغلط غلطة كل سنه الا وهي ارجع للدولة الي اروح لها يعني الاربع السنوات الاخيره ضيعت سفراتي بين لندن وتايلند واذا اغير اروح تايلند ولندن بنفس الوقت يعني اخذ تذكره ( دوحه - لندن - لندن - بانكوك - بانكوك - دوحه ) سفره متعبه ولكن ممتعه

ولكن مع هذا اصريت وان شاء الله تفيدوني

ناول اسافر اوربا ( بريطانيا [ نقطة الوصول ] - فرنسا - ايطاليا - المانيا - البرتغال - هولندا - سويسرا - بلجيكا - النمسا )

طبعا صعب اروح لها كلها برحله لاتتجاوز الـ 30 يوم بحكم الاجازه السنوية : ولكن شنو الافضل وهذا يعود لكم اخواني ( وخذو اقل من راحتكم الرحله توها )





_عدد الايام ؟ 30 الى 35 يوم كحد اقصى مع العلم بان اول 5 ايام ضروري تكون في لندن :

مواضيع عشوائيه ممكن تكون تعجبك اخترناها لك:

• قمة الديمقراطية
• استفسار وين احلى سفرة حق ايام شخصين حلوة عائلية مو مكلفة بدون هالدول
• ممكن مساعدتي لقضاء شهر العسل في منطقه قريبه من باريس و تكون طبيعه
• سؤال عن الجواز اذا سمحتوا
• وحشتوني يا اغلى اعضاء
• سافر .. وتاخذ اجر بكل ريال تدفعه .. تخيٍِّــل
• زيادة في طلبات القطريين للحصول على تأشيرة لأمريكا
• سوالي عن استخراج جواز سفر للزوجة
• السفر الى اسبنجا
• رحلة شهر العسل لتركيا لمده يوم
• عشرة خطوات للتغلب على دوار البحر المرعب
• من لدية حل فليتفضل
• نصيحة للإقامة في الفنادق
• ايش الافضل لحجز الطيران وقص التذكره من موقع الخطوط نفسه او من موقع الحجوزات المتعدده
• ابي اسافر لكن محتار بين لندن وسويسرا
• الحجز اتكنسل قبل يومين خلاص اتكنسل ولا فيه امل ارجع ااكده وادفع
• أدوات تساعدك في التخطيط لسفرك (خذ السنارة و اترك السمكة المشوية)
• تاجير سياره
• احب المغامراتممكن تساعدوني
• جودة المستوى المعيشي فيينا أفضل المدن عالميّا، وبغداد الأسوء

الله يعطيك الصحة والعافية ويسهل سفرك..

بس اخوي ليه الشحططة هذي..من الغرب الى الشرق ثم العكس..


واااااااااااااي تعب زايد..

انا الان افكر بسفرة في الصيف ومابي الشحططة ذي..

وقاعدة ادرسها مزبوط..

عموما الله يسهل امرك وتلاقي اجابة شافية..

بس نصيحة فكر تستقر بمكان فيه مقومات الرحلة الناجحة..

ويسعدك ربي..

حلو تخطيطك
اخترت احسن البلدان الأوروبيه بس ابقولك أقتراحي وخط السير اللي بيكون اريح لك

لندن فرنسا بلجيكا هولندا المانيا النمسا ايطاليا سويسرا اسبانيا البرتغال لندن

مرحبا اخوي سوري بس في استفسار ضروري اترد عليه

انت بتسافر اي سنه 2011 ولا 2012 علشان اعرف لان لو 2012 فوااااااااايد بدري انك اتخطط من الحين

وثاني شي الدول الي انت كاتبها حلوة بس انك اتروح لها كلها مره وحده انا ضد هشي

وانا اقتراحي ليش ما اتفكر في استراليا لانها راااااااااااااائعه وبتصلح لكم لان فيها مدن ملاهي والعاب وشواطى وسوق وثلوج ورحلات وراح تستمتعون

واذا انت مومقتنع انصحك اتروح لاوربا عن طريق قروب سياحي لان بوديكم لاحسن الاماكن في الدول وبسويلكم جدول حلو وفي اوقات تقدرون تقضونها ابروحكم بعد

واذا بعد ماتبون انا اشوف اتخلون السفره

لندن باريس سويسرا

او العكس وانا فضل العكس الوصول سويسرا وبعدها باريس وبعدها لندن

وعلى فكره هسنه رمضان بكون في اول شهر اوغست لهشي ديربالك يعني اطلعو اول شهر جولاي وارجعو اول اوغست او نهاية جولاي

وغريب انك ماكنت اتسافر في الصيف قبل اشلون متحمل حر الدوحه والصراحه حلات السفر بصيف صح الشتى سفراته حلوة بس حدها اسبوع اما الصيف تقدر تاخذ راحتك ومنها اتفارج حر الدوحه

انا هاي اقتراحاتي المبدئية

واي استفسار انا بلخدمة

الله يعطيكم العافيه اخواني على الكلام الطيب جميعاً

نبتدي بمشرفتنا نونا

للامانه هي كانت تجربه وحده وقلنا نجرب نروح بلاد الغرب وبعدها نتجه لبلاد الشرق صحيح ممتعه لكن متعبه .. ومشكوره على تجاوبج


هلا والله اخوي خليجنا .. والله ياخوي للأمانه هي من الدول المعروفه والي اشوف لها تفاعل من السياح في المنتدى وخارج المنتدى لكن انا قلت ( صعبه اسافر للدول هذي كلها في شهر واحد ) ههههه مستحيل طبعاً راح استانس عشان جي قلت اختارولي الدول الي العالم تفضلها والي راح احس فيها بمتعه سواء مناطق او وجهات سياحيه معينه مثلا ( باريس يومين - النمسا 3 ايام .. الخ ) طبعا بحكم عدم معرفتي بالمناطق فصعب اقرر كل مدينه كم يوم اقدر اقعد فيها


هلا والله اخوي حلو ومدلع طبعا مستحيل يكون التخطيط من الحين حق 2011 ههههه لو جذي كان شفت اصلا حجوازتي من زمان جاهزه لا انا اجهز حق 2012
ثاني شي بخصوص سفرات الشتاء هي للامانه حلوه وممتعه ولكن امانه على الي سمعته ان الصيف ماتحس بمتعه السفر بحكم ان كل السياح عـرب وغير هذا وقت الصيف كل شي يرتفع عكس الشتاء الي الاسعار دائما مخفضه ثانياً الصيف بالدوحه تكون فاضيه وتروح حراره الصيف لاني افتكيت من الزحمه لووول

للأمانه اخوي انا حالياً افكر اخلص من اوربا حتى اتوجه بعدها لامريكا اما استراليا للامانه كان المفروض اتوجه لها السنه هذي 2011 بدل تايلند ولكن شائت الاقدار اني اتراجع والحمدالله تراجعت مثل ما انت شايف الفياضانات وماشابه
ومثل ماقلت انت بخصوص رمضان هو اكيد راح يكون السنه الجايه في 20 يوليو تقريباً عشان جي بتكون رحلتنا في بدايه يونيو



مشكورين جميعا

مدري احس الدول كثييييييرة مررة ماراح تستمتع مرة
الافضل تختصرها على ثلاث اربع دول
مثلا النمسا ـــ ايطاليا ـــ سويسرا ـــ فرنسا
راح تجمع بين الطبيعة والتسوق والسياحة
والله يسهل لك

والله اخوي انا الي مستغرب منك تدري انا بسافر شهر 7 ومستحي اكتب موضوع استفسار اخاف يقولون لي تو الناس

انا مااحب اخطط من بدري وايد وبعد مااحب اروح على اخر الوقت يعني حلاتها من شهر 5 تبتدي اتجهز اذا انت بتسافر شهر 7 اقل شي حزتها بتعرف ميزانيتك ظروفك اجازتك

ماتدري يصير مايصير استغفرالله من يصدق لي صاير في الوطن العربي 4 شهور وانقلبت كل الدول العربيه مظاهرات وذبح وغيره لو اتقولي قبل 4 شهور عن الي صار ماكن ماصدقت لهشي اقولك لا اتعور راسك وريج عمرك وترا الاسعار ماتتغير وايد لان بعد الشركات اتسوي عروض في الصيف توصل ل 50% انا اعرف واحد حجز من قبل سنه واسعاره اغلى من الي حجز تو

انت الي المفروظ اتسويه اتابع بس المعارض السياحيه واتابع العروض واحجز فترت العروض لان احيانا في عروض خياليه ماتتصورها مره الاتحاد سوت عرش البزنس بسعر السياحيه لستراليا تخيل يعني خصم على تذكرت البزنس فوق 70% وكان لمدة 10 ايام بس لهشي اقولك انتبه على العروض احسن لك

ومثل ما قلت لك اذا بصيف روح استراليا لان وقت صيفنا بكون شتى عندهم وبراد ودوله رائعه واسال مجرب

وارخص من اوربا واحلى بنسبة لي او امريكا الا مثل ماقلت لك لو انت مصر روح للندن وباريس وجنيف

واذا بتقدر تقعد لين بداية رمضان فانصحك مااتفوت حضور افتتاح اولمبيات لندن 2012 انا من الحين حجزت 4 تذاكر مع ان مادري اذا حد بروح وياي ولا لا

واي استفسار انا بلخدمة