الموضوع: وين اروح حق شهر العسل شرق اسيا ولا اوروبا ولا امريكا ؟؟؟

السلام عليكم ورحمة الله و بركاته

هذي اول مره اشارك فيها بمنتدى في حياتي

بس الي خلاني اشترك اني كنت محتاره ولا عندي خلفيه عن السفر..


حبيت اسالكم..


انا بسافر بذن الله في نص شهر 2 _ 2011 ..


و الميزانينه الي حاطينها هي 4000 دينار ..
يعني 40 الف ريال ..


و محتاره بين
امريكا
لان خاطري اروح والت ديززني ..
[font="Arial Black"][size="5"]
ولا شرق اسيا الي هي هونك كونق و ماليزيا و تايلند..

ولا
اوربا اروح كروز باليخت الكبير.. الي يفرنا على دول اوروبا كلها ..






بس قالو لي ان في هونق كونق والت ديزني بعد



بليز انصحوني .. شلون الجو هناك..
و الاسعار
و السوق
و العب
و البرامج و الوناسه

وين احلى





و اكون شاكره لكم

مواضيع عشوائيه ممكن تكون تعجبك اخترناها لك:

• ياجماعة اريد انا اذهب اسافر نقاهه بسبب مرضي واحتاج لامشورتكم وخبرتكم لاني مريض
• رشّح شركة برامج سياحية أعجبتكـ
• أرجو المساعدة
• الخطأ الذي يقع فيه الكثير من المسافرين
• من لدية حل فليتفضل
• هل من احد يعرف موقع لحجوزات الشقق في اوروبا؟
• السفر لماليزيا بعد اختبار القدرات أم تركيا ؟
• هدية أخوكم أبو جلنار ساعة العالم فقط حرك الماوس وتعرف على الوقت في اي دولة ؟
• ممكن مساعده ضرروري
• عمري
• نصائح خاصة ... لرحلة آمنة ... الحقائب والأغراض الشخصية !*
• طريقة حجز فنادق ديزني لاند باريس بالتفاصيل و الصور
• اول مره اسافر ساعدوني
• تنبيه مهم جداً لكل الأخوان المسافرين خلال شهر أكتوبر كي لا تفقد حجوزاتك أو مواعيدك
• محتارين شو بنختـــار
• وش الشنط اليدوية الافضل للسفر
• استفسار عن الموقع
• نداء للي سافروا لانونيسيا تعالو ابيكم شوي
• استفسار عن بطاقة خصومات الفنادق حول العالم
• محتاج مساعدتكم ي اخوان في شهر نوفمبر

ليش محد رد علييي انا زعلانه عليكم وايد

وعليكم السلام ورحمه الله وبركاته

هلا فيك اختي الكريمه وحياك الله في منتدى العرب المسافرون ..


سؤالك عام ... لذا من الافضل لك ان انقل استفسارك الى الواحه السياحيه .. وهناك الاخوان ما يقصرون معك بالافاده اللي ترضيك ان شاء الله ...


تحياتي

امريكا .. مررآ رووووعهـ وإذا متحمسين لطبيعه روحوا عـ ولايه تكساس..



أوربــآ .. مــرآ رووعهـ خاصهـ النمسا و اللي قريبين عندها..



شرق اسيآ .. أحلى شئ روحي عـ كوريا الجنوبيهـ مـرآ جنآن..

تايلاند .. أحلى مافيها الشناط..

ماليزيـآ .. اي شهر عسل معروف لازم فيهـ سكن بـ ماليزيا..

..

أدخلي ع قسم الولايات المتحدهـ الأمريكيهـ..

انـــا اقـــوووول اوروبــا وانـــت مرـــتــاح البــــال

أنا واجهت نفس مشكلتك ورائح شهر عسل قبلك بشهرانشالله ، لكن بعد تفكير أنا قلت شرق اسيا وبقوه شرق اسيا تحسينها تهتم ومؤهله لشهر العسل اكثر، أنا من سكان امريكا وزرت اوروبا كثير وبعد زرت شرق اسيا، امريكا حلوه لكن راح تكلفك اكثر من المبلغ الي حطيتيه وبمعايير اقل من شرق اسيا وفيه بعد سالفة الجو في امريكا، على ذاك الوقت ما راح تكون كثير من امريكا مناخه لك بسبب الجو، فقط ولايات الجنوب من كاليفورنيا وفلوريدا والجزر الي حولها، كاليفورنا جداً غاليه فراح تضطري الي أخذ معايير اقل، وفلوريدا جوها حلو بذاك الوقت لكن مو حلوه لحالها ومن ناحية جزرها شرق اسيا تتفوق عليها بكثير....

واذا لنتكلم عن اوروبا أنا ما أشوف هالوقت مناسب، لكن اذا ما قد رحتي لها من قبل ممكن تكون شهر عسل حلو لكن بعد خذي خاصية السعر الي هو أغلي في اوروبا من شرق اسيا وحتى امريكا....

أنا أشوف كشهر عسل وفي هذاك الوقت وبميزانيتك شرق اسيا هي الخيار الامثل، تجمعين ما بين جمال الطبيعه ورخص الأسعار مقارنة بأوروبا وأمريكا، يعني بسعر غرفه في فندق خمس نجوم في اوروبا ولا كاليفورنيا تقدرين تاخذين لك سويت وبمستوى عال في دول الشرق وبخدمات راقيه وكامله.....

يجئ السبب الرئيسي الي هو قضية ترحيب دول الشرق بالسواح وخصوصا اصحاب شهر العسل، بعكس العدائيه الي حاصله الان في الوجهتين الأخرى، خلاصه دول الشرق اجمل احلى أسهل أرخص ومناسبه اكثر، ما أقلل من قيمة اوروبا وأمريكا الأكيد ان لهم ما يميزهم عن دول الشرق لكن مو في شهر العسل..،،

هذا الكلام وانا ما تكلمت بعد على الفيزا، لا اوروبا ولا امريكا غيرهم غثثثثثثثثثثثى

هذا رأيي وقاعد اكتب بالايفون فسامحنا على ضعف التعبير

اختى ان شاء الله جوازه مباركه باذن الله

وانا برشحلك فيينا بلد السحر والجمال بكل تاكيد


وان شاء الله تتهنى كتير واذا كنت اعجبتى بالاقتراح
شهر العسل هناك خبرينى وبدلك على برنامج بيجنن

مرحبا اختي انا رايي من راي الاخ عمر

بنسبة لستراليا فهي رائعه وبتكون اول اختيار اقوله بس للاسف انتي بتروحين لها بصيف يعني لو انتي بتروحين لها بنهاية 2 او شهر 3 اوكي بكون الجور ربيع ورااااااااائع بس شهر 12 و 1 و2 يعتبر فصل الصيف عندهم اكيد مو مثل صيفنا بس بعد يعتبر احر من صيف اوربا


بنسبة لاوربا اختيار حلو ماقول لا بس الجو وايد بارد وخصوصن ان سنة 2009 و 2010 شهدت اوربا موجات برد عاااااالية جدا في الشتاء لهشي انا اقول الغيها من حساباتك

بنسبة لشرق اسيا الصراحه اختيار حلو ماقلنا لا بس وبعدين يعني مافيها زود والكل يروح لها وكلها خليجين ولا تنسين جوهم حااااااار وانتي عروس يعني بتطلعين نص ساعه بلكثير ساعه وبتخيسين وهاي بعد لو كنتي محجبه وتلبسين دفه او عباية هشي اتوقع بتعبج وايد لان حر احنا نلبس شورت وتي شيرت ويدوب انتحمل لهشي هاي نقطه مهمة وايد لهشي ماحب شرق اسيا لشهر العسل ممكن افضلها اترانزيت وانت رايح لستراليا اتوقف فيها بس اكثر من جذي ما انصح فيها

انا اقول يا اخرو السفر اشوي وروحو استراليا ولا امريكا حلوة وايد ومن احسن الاختيارات وياحيكم اخفاف باجر يمكن ايكم يهال وتتعبون وماتقدرون اتروحون وياهم هدول البعيده لهشي انا اسوق خلي الدول القريبه مثل الدول العربيه وتركيا وشرق اسيا لبعدين لاحقه عليهم حتى اوربا بعد قريبه المهم عندد امريكا وكندا او استراليا واي استفسار عن استراليا انا حاظر لاني رايح لها بس امريكا للامانه مارحت لها بس قريت عنها وايد واعرف ناس راحو لها وان شاءالله على الكرسمس او بلكثير على الصيف يا امريكا او نرجع على استراليا

تحياتي

ان شاء الله انا خلاص قررت اروح امريكا باذن الله


بس ابي برنامج شهر عسل حلوو

وين اروح ووين اسكن


و كذا يعني