الموضوع: أي وجهة ممتعة للأطفال والكبار معا

السلام عليكم ورحمة الله وبركاته

أخواني محتاااااااااااااارة وين تكون وجهتنا بالصيف

بين ماليزيا أو تركيا أو باريس وزيلامسي وأنترلاكن

والميزانية بتكون 5 أشخاص 6 ، 7 الاف دينار

فــ بين الأختيارات الثلاث في كل وحدة عيوب ومميزات
أولا ماليزيا من عيوبها وهي واحدة فقط الجو الحار والرطوبة ولكن ترفيهية لأطفالي و للتسوق تمام
وتركيا الجو ممكن يكون أحلى من ماليزيا ولكن الطبيعة أكثر من الترفيهية فيعني غير ممتعة لصغار فياليت الأخوة يذكرون الأماكن المسلية للأطفال
ونأتي لأوروبا الجو تمام وحلو ولكن أيضا أغلب شئ الطبيعة ويقولون (زيلامسي و أنترلاكن) مملة للأطفال وتصلح للكبار وباريس جيدة

فما عندي من بعد الله إلا أنتم أخواني
العرب المسافرون

مواضيع عشوائيه ممكن تكون تعجبك اخترناها لك:

• استفسـار لـ من لديـه الخبـره بالـ مكاتب السياحيـه
• كيف تنشئ سفرا سياحيا ببساطة ؟
• استفسااااااار عن الجواز الامريكي
• المانيا بلجيكا هولندا فرنسا
• شركة سلطانة تورز للسياحة
• استفسار؟ بخصوص السفر خارج المملكة
• كيف أعرف رسوم ضريبة المدينة و رسوم الخدمة
• بئر “إك كل” في المكسيك رائعة طبيعية مازالت تسحر البشر منذ أكثر من سنة
• الدليل السياحي العالمي الدول المنتجعات الفنادق الطيران
• بسافر مع الاطفال ومحتاره بين لندن وباريس وتركيا
• عطوني اسماءدول تنفع للسياحه ومو غاليه
• العربية للطيران تطلق عروض أسعار لاتصدق من جدة إلى الشارقة ووجهات أخرى
• طيران فلاي دبي نصب واحتيال
• أين تذهب في الاجازة ؟
• استراليا واكوانزو كيف وكم؟
• موقع لمعرفة درجة الحرارة في الاشهر القادمة
• تأشيرة شنغن متعددة الدخول والخروج
• اعتذار
• الطيران العماني يفوز بلقب أفضل درجة سياحية في الشرق الأوسط لعام
• ساعدوني لاهنتوا

اعشق ماليزيا
وعلشان كيذا ارشحها
موفق

مشكوووووووور أخوي
مشروع فيلسوف
على الإفادة

ارشح تايلاند للصغار والكبار

ارشح باريس للصغاروالكبار ممتازه

انا شفتهم كلهم و ارشح لك باريس + سويسرا

طبيعه و تسوق و ترفيه

هلا أخوي حلو ومدلع وبعد إذن أختي لآلئ الكويت
أنا الود ودي بأستراليا أكثر من أوروبا لأن أوروبا أحسها مثل ما كتبت بسرعة نتملل منها وأنا جيت ألمانيا وخصوصا فرانكفورت بصراحة ديره مافيها سهر ولا ترفيه الحياة تنقطع بعد الــ 7 و5 أيام بالأسبوع شغالين ويومين نحط إيدنا على خدودنا ههههههههه
والخطه الصيفيه يقول الوالد الله يطول بعمره يا ماليزيا أو النمسا وسويسرا وألمانيا وفرنسا بس أحس النمسا و سويسرا مو مرغوبه
وعاد قلت للوالد ماليزيا 3 ليالي سيلانجور ومن بعدها أستراليا 20 ليلة ومن بعدها أسبوع ماليزيا (لنكاوي هي حلم ماليزيا بس 3 ليالي وأربع ليالي كوالالمبور
والمدن الإسترالية هي سيدني وجولد كوست وهل ملبورن تستاهل وأبيها بس علشان الجسر الزجاجي ما أعرف أسمه
والمدن الثلاث كم تبعد عن بعض وشلون ننتقل لها بس على الطيران ولا في قطار
وسااااااااااامحني على كثرة الأسئله والله لأني محتااااااااارة وين نروح
وبما أنت خبير لندن بعد ما شاءالله مطار هيثرو هذا إلي تنزل عليه طيران البريطاني إذا قدرت وحاولت أقنع أبوي لأمريكا ونقعد كم يوم فيها بالروحه والردة
وأحس أستراليا ولا أمريكا أكثر وناااااسه لنا من أوروبا لأن ترفيهية أكثر ماهي ثقافية لأن أوروبا أكثر شئ متاحف

طاب يومكم ..

أختي هدوء العالم .. أستراليا ما فيها زود بقوه لكن حلو الواحد يكتشفها .. سدني
فيها أكواريوم وسوقها حلو وفيها حديقة حيوان ونشاطات كلها في غابات وبحر للي
يحب هالنوع من النشاطات ومو شرط تكون مناسبه للأطفال .. قولد كوست فيها السهر
والتمشي وملاهي .. ملبورن تحسينها مكان عمل وصناعات وعلم ..

اذا تبين ترفيه ووناسه على طول سوق وتمشي وعروض متنوعه وغريبه وأسعار ممتازه بكل شيء الجواب

أمريكا وبس ولو فيه مجال أن فيزتها تطلع من دون مواعيد وغربله
كان صارت المقصد الدائم للجميع ..

بالتوفيق للجميع .. وعذراً لصاحبة الموضوع بس اخذنا الحديث لكذا مكان .

تحياتي .

مرحبا عزيزتي وبلعكس اهلا وسهلا فيج
بنسبة لامريكا فهي حلوة ولاكن للامانه انا مارحت لها ومكان مارحت له ماقدر افتي فيه واعرف ناس كل سنه يروحون لها بس اسمع انها حاره اشوي بصيف

على العموم بكلمج عن استراليا وهي المكان الي رحت له وهي حلوة وتستاهل الزيارة بنسبة للمسافات بين المدن لازم طيارة لانهم ابعااااااااد ومافي قطارات يعني بسيارة اكثر من 20 ساعه لهشي لازم اتروحون بطيارة
واحلى المدن هي الي انتي ذكرتيهم بنسبة لغولد كوست فمثل ماقلتي هي مناسبة للعائلة وكلها رحلات ووناسه ومدن ملاهي بنسبة لسدني فهي حلوة وفيها شوق حلوة وسهر بعد وفيها اكواريوم وفيها رحلات مثل للجبل الازرق وغيره

بنسبة لملبورن بعد فيها مجمعات تجارية وحلوة وفيها رحلة القطار البخارية وهي حلوة وايد وفيها رحلة جبل الثلج ومن غير التمشي في شوارعها لان شوارعها اتشابه شوارع اوربا

وبنسبة لدول الي اتزورونها اترانزيت فهيا على حسب الطيران يعني لو بتروحون على الماليزيا ممكن اتمرون ماليزيا وهي اختيار حلوة بس انا انصح ممكن اتمرون سلانجور يومين منها ترتاحون واتشوفونها وهي عبارة عن مدينة مائية و3 فنادق ومجمعات تجارية يعني حدها ليلتين وبعدها اتروحون استراليا وبرده اتمرون على ماليزيا بس مانصح اتروحون لانكاوي ولا حتى بنع صح لانكاوي حلوة ولاكنها حارة وشاطئها مو مثل شاطئ غولد كوست ومافيها شي فحرام انا اقول تقعدون 3 او 5 ايام في كوالالمبور اتسوقون اهناك لانسوقهم حلو وحتى ماركاتهم ارخص واتشوفون مجمعاتهم وايد احلى وهاي نصيحتي

وممكن اتزورون سنغافورة لانها حلوة وايد وممكن بانكوك مع انها اشوي مب نظيفه يعني سنغافورة وايد انظف

وعلى العموم اي اسفسار انا بلخدمة

أنصح أختي بـ ماليزيا ودي أرجع لها لأنها ما تنمل توني جاية منها في شهر ديسمبر 2009

لأن حدها وناااااسه لنا كلنا من صغير وكبير

مشكووووورين أخواني على المساعدة

وحبيت أستفسر من أخوي حلو ومدلع

بخصوص أستراليا

كم بين جولدكوست وسيدني

وشنو أحسن منطقة لسكن فيها بكل من سيدني وجوولدكوست وأسامي فنادق ولا شقق فندقية للعوائل

مرحبا عزيزتي بين سدني وغولد كوست ساعه بطيارة ويمكن اكثر بشوي بس
للامانه افضل استراليا هي غولدكوست وسدني وانا حبيتهم اكثر من ملبورن

بنسبة لنصيحتي اكيد تسكنين في غولد كوست لانها احلى وممتعه للاطفال

بنسبة لسكن انصح بشقة فندقيه وفي شركات اكثار يعني في شقق اسمها السيركل كفن وهي حلوة وتعتبر اجدد شي والموقع لا يعلى عليه ولاكن يعيبها انها صغيره اشوي مقارنه بغيرها
وعندكم الشيفرون حلوة والموقع وايد حلو ولاكنها قديمة اشوي

وفي شقق انا مجربها وهي حلوة وايد وهي اسمها صن ستي نفس شركة السيركل كفن وهي رووووعه

يعني الشقه الي غرفتين كبييييييييييييرة وايد والمنظر حلو وهي تعتبر ابعد شي عن السيرفس برادايز بس لا اتخافين لانها 5 دقايق مشي بس تخيلي بس 5 دقايق مشي وحلوة وفيها ملحقات وهاي اهم شي للصغار فيها غرفها للالعاب الالكترونية وفيها مسبحين واحد مغطى والثاني مفتوح وفيها وملعب تنس اذا حابين تلعبون وفيها زحلايقات مائية يعني مناسبة جدا للعوائل وخصوصن مافيها شباب وايد وكلهم عائلات وراقية جدا لاني اكيد مابنصحج بشي مب حلو وانا هاي رايي والعادة انصح فيها لو في اطفال وياكم لو مافي ممكن اقولكم السيركل كفن
وبنسبة لسدني ففي فنادق وايد واحسنهم انا اشوف انه الفورسيزنت والنوفتيل واكيد على راسهم ستارستي وهو فعلا روووعه والشفه مالتهم راقية حلوة ومنظر حلووو وتخيلي فيها تنظيف يومي حتى الصحون يغسلونها الي بلمطبخ والشقق كاملها

انا هاي اختياراتي بسكن واي استفسار انا بلخدمة

واكيد اتوزعين الايام الاكثرية على غولد كوست انا اشوف ان اقل شي من 10 ايام الى اسبوعين ولو علي انا اقول اقعدو شهر فيها وماراح اتملون بنسبة لسدني اقل شي 5 ايام واكثر شي عليها 10 ايام

مرحبا عزيزتي وماسوينا الا الواجب
بنسبة لليهال فهم راح يتعبونج في اي مكان بدنيا لاتنسين اعمارهم حساسه وهم وايد صغار بس انا اشوف ان استراليا مناسبه لهم لان فيها مدن ملاهي وراح تبهرهم العروض اهناك اهم شي ودي وياج اشويت لبس برد احتياط مع ان شتاهم مب وايد بارد بس بعد الاحتياط واجب
الجدول نوع ما حلو بس بعد زيدي يومين على سدني انا اشوف اشوي 3 ايام بس بعد زينه

الود ودي اتزيدون المدة اكيد علشان تستمتعون بس صدقيني جدولج وايد حلو وتدري انه دخل مزاجي واذا قدرت اقنع الاهل انروح استراليا اكيد بنسوي مثلكم تدري انا متعلق بستراليا وايد والود ودي اروح لها كل سنه مع اني رحت لها 4 مرات ومامليت افضلها عن اوربا بوايد
وبنسبة للمسافه اكيد بكون في تعب لو خذيتي سياحية بس انتي ابروحج سويتيها وقلتيها من دون ماقترح لج يعين كنت بقولج مب شرط اتروحين على طول وانتي ماشاءالله قسمتي الجدول تقسيمه حلوة لهشي مابكون في تعب وايد لان ماليزيا الا 7 ساعات ونفسها الى برسبن يعني مابتروحون خط واحد وهشي بخفف التعب ولا تنسين عربت الياهل ابو سنتين علشان لو تعبتو من شيله تقدرون ادزونه فيها

واي استفسار انا بلخدمة

أرشح ماليزيا واستراليا كلهم بلد عائليه وللأطفال متعه أكثر شئ

مشكور اخوي حلو ومدلع ..بالنسبة لي اوروبا حسيتها جامدة شوي وحبيت دول شرق اسيا مثل ماليزيا وسنغافورة اكثر لأنها وايد عائلية وحلوة حق الأطفال ومن تقارير الأعضاء عن استراليا حسيت انه فيها نفس الطابع وتشوقت اني ازورها..بالنسبة حق ملبورن حسيت انها تحمل نفس طابع اوروبا من جذي ما حطيتها في الجدول..

معليش اخوي بتعبك شوي بس ممكن اسامي الفنادق الي رشحتهم في قولدكوست وسيدني بالانجليزي

والله أنا عندي ما شاء الله 4 أطفال أعمارهم من 8 سنين الى 2 و خاطري أسير أستراليا و خايفة يتعبون اليهال ... لأني ان شاء الله اذا سرت بسير على الاتحاد مباشرة الى سيدني يعني أقصد تعب مرة وحدة ولا تعب المطارات و فك الشنط و ترتيبها ..... بس مشكلتي مترددة بسبب السيارة لأن نظام القيادة عندهم نظام بريطاني ..... عشان جذي محتارة

مرحبا عزيزتي وابشري يا غالي والطلب رخيص

هاي رابط الصن ستي في الغولد كوست وتقدرين اتشوفين الصور وانا مجربه شخصيا ووايد حلوو
http://www.booking.com/hotel/au/mant...ml?aid=1329869

وهاي رابط السيركل كفن الي بغلود كوست والي قلت لج انه موقعه حلو في نص البردايز
http://www.hotelscombined.com/Hotel/...Gold_Coast.htm

وبنسبة لسدني عندج فندق الفورسيزنت وهاي الرابط
http://www.booking.com/hotel/au/four...ml?aid=1329869

وعندج اختي فندق الانتركونتننتل وهاي الرابط

http://www.booking.com/hotel/au/inte...ml?aid=1329869

وطبعا الفندق الي انا اعقة وهو الستار ستي وهاي الرابط وعلى فكرة عندهم نظام شقق ومع سيرفس وشققهم روووعه وعلى مستوا عالي جدا
http://www.booking.com/hotel/au/star...ml?aid=1329869

تقريبا هاي احسن الفنادق وانا جربت الستار ستي في سدني والصن ستي في الغولدكوست


وبنسبة للاخت الثانية بلعكس لا اترددين ولا شي

والسيارة ليش السيارة في شنو بتحتاجونها بنسبة لغولد كوست فرحلات ومدن الملاهي اهناك في شركات ومكاتب مثل الاوندا يامن لك التوصيل من والى الفندق سوان بلباص او بسيارة خاصه وانا اشوف الباص اونس وغولد كوست صغيره وماتحتاج الى سيارة ونفس الشي سدني لو صار ماصار التكاسي موجوده وبلعكس راح تمشون وتستانسون وماراح تحتاجون الى السيارة وفي تكاسي كبار واتشيل عدد اكبر ممكن تطلبونها واتقولون لهم العدد ويامنونها لكم

وعلى العموم اي استفسار انا بلخدمة

مشكور اخوي (حلو ومدلع) ما قصرت

ماسويت الا الواجب واي استفسار انا بلخدمة

هلا أخوي حلو ومدلع
ماشاءالله أشوف كل ردودك عن أستراليا وهي حلمي من الصغر وأمريكا بس مثل ما أنت خابر البعد عنا حول 14 ، 15 ساعة فتعب على الكبار ولا الصرف ممكن الواحد يصرف في دبي ويسكن برج العرب 5 ليالي أكثر من أوروبا ولا أمريكا
فالحين محتارة بين قسمين وكل قسم من الكويت 7 ساعات
ماليزيا ولا زيلامسي و ميونيخ و باريس ولا شرايك بما أنت خبير بلندن لندن باريس
مشتاااااقة لماليزيا بس لجزيرة الأحلام لنكاوي عارفة في جزر أحلى مثل مالديف وبالي بس للشهر العسل وما شابه مو للعوائل
ماليزيا 60% أوروبا 40%
عيوب ماليزيا الحر والرطوبة بس أونس
أوروبا الجو فظيع بس ممله جربت فرانكفورت وزهقت بسرعة ويقولون كل أوروبا في الهوا سوا
وسااااامحني على التعب
فتكون سيلانجور لنكاوي كوالالمبور دبي
سلامتك

مشكووووووووووور وما قصرتي أخوي حلو ودلع
والله طاقم الرحلة أبوي وأمي الله يطول بأعمارهم وأخواني 16 و13 و 10 سنين
والأيام 20 والميزانية من تذاكر وسكن 5000 لأن إذا رحنا ماليزيا بحجز فنادق 5 نجوم
من غير الصرف بس للتمشي والأكل لأن ما نحب التسوق الأهم الترفيه
وأأأأأأأه على أستراليا ولا عن البرد أحس بردهم ما يدخل العظام مثل بردنا بالكويت لأني رحت مثل ما قلت فرانكفورت وبشهر يناير كان الجو بارد وحلو
وماليزيا أول مرة أروحلها

طيب يا جماعه
اشرايكم في امريكا
لسفر العائله
مثل لوس انجيلوس و سان ييغو وسان فرنسسكو ولاس فيغاس
وممكن اورلاندوا معها تكمل سفره للاستمتاع
واذا حبيتو
عاد
مدينه الزحمه تفاحه نييورك

هذا اللي قاعد اخطط له
ان شاء الله
اشرايكم
بدل شرق او غرب
تري ملينا منهم

انا اقولك ليش استراليا وهي بعيدة وبعدين بتروح فلوسكم على التذاكر وملل الطيارة مع اني احب قعدة الطيارة بس اكثر من 6 ساعات ملل وبعدين الترانزيت كل شوي بديرة ليش .........وكل الاشياء اللي قالوا عنها الاخوان اللي يؤيدون استراليا والترفيه اللي فيها موجود في بلاك بول في بريطانيا تقعدين تتسوقين بلندن وفي اماكن ترفيه بعد بلندن وبعدين روحي بلاك بول وشوفي الوناسة مدينه تونس حق اليهال والكبار كلها مراكز ترفيه وبراد ...انصحك بكل قوة واذا تبون ديزني روحي باريس من لندن .....وهذا انطباعي وكيفكم

الصراحه لا انسي ولا اتفكرين ببلاك بول

اول شي لندن تبعد عن بلاك بول اكثر من 3 ساعات ولندن بشكل عام كئيبه وزحمه وحدها 5 ايام بس وحرام اليهال يبون يستانسون وانا اشوف انها ماتصلح لهم لانها حقت سوق وكوفيات وتمشيه خفيفه

وبلاك بل كلها مدينة ملاهي وحده ابروحها والباقي كله كزنوهات ومراقص شوفها بعد الساعه 5 تنقلب المدينة كزنوهات ومراقص ومن غير مافيها فنادق عدله وماتصلح ابدا للعوائل يعني اذا صادفت انت في بريطانية ومنطقه قريبه منها اي ليش لا روح لها يوم وارجع بنفس اليوم اما يتعنون لها حرام

وانت اتقارن غولد كوست وسدني بلندن لا هنا انا اشوفه قممممممممة في الظلم الصراحه

وغولدكوست احلى بوايد وبارده وارخص من لندن

صح التذاكر اشوي غالية بس ممكن اتظبطها اشوي والاتحاد سوا عروض السنه الي طافة التذكرة ب 4 الاف ريال بس تخيلو على الاكونومي يعني يا بلاش صح المدة بعيدة اشوي ولاكنها حلوة وعلشان هشي انا قلت تاخذ ترانزيت علشان يرتاحون لو يبون او يستحملون اشوي ولاكن على شي يستاهل

وانا للامانه مارحت امريكا وشي مارحت له ماقدر افتي فيه مع ان حلمي ازور امريكا وانا متخيلها حلوة وايد

وانا اقول لو البزنس غالية وياد استحملو على الاكونومي ومع اترانزيت يعني 7 ساعات استحملوها وبعدها ارتاحو في شرق اسيا كم يوم وبعدها كملو ونفس الشي برجعه وبتكون رحلة ممتعه ومب متعبه وايد

واي استفسار انا بلخدمة

يا حلو ومدلع لا تورط العايلة اهي تقولك 5000 دينار يعني اقولك بتسكن فنادق واكيد اكل ومصرف للعايلة مع التذاكر ما راح يونسونهم لا يبيلهم فوقها 5000 ثانية اسئلني انا رايحة مع عايلة والكل يبي يشتري ويلعب واكيد غير الفنادق كل شي غالي ويبيلهم 3غرف وعليك الحساب لا ما انصح الا اذا دبلتي مصرفج

بلعكس هم عددهم مو وايد ويقدرون يظبطونها وثاني شي استراليا ارخص بوايد من اوربا

انت تدري اني سكنت في فندق من ارقى الفنادق بسدني وخذت سويت غرفتين وصالة ومطبخ وبلكونه مطلع ومع ذالك سعر السويت يساوي سعر غرفه في لندت باي فندق 4 نجوم صح التكت اشوي غالي بس الصرف والفنادق رخيصه وانا قلت لها لو بتاخذ بزنس اكيد بكلفها هشي بس في شركات اتسوي عروض وتقدر تسال واتعرف الاسعار

اما لندن فاكيد مانصحهم فيها يعني اتروح ماليزيا وهنغ كونغ وايد احسن لهم من لندن لان مابسون شي وبملون ومن غير لندن غالية واقل فندق من 120 باوند وانت طالع ولا فندق 4 نجوم والغرفه صغيره والصرف بس على التكاسي احبلك بليوم مايقل عن 70 باوند من غير اكل وشرب وتمشية يعني لندن هي الي اتكلف بعكس استراليا

انا مادري ردي متاخر والا لا
بس اذا تقدرون على طيران استراليا وبعد مسافاتها
روحوا لامريكا اصرف واطلق منها مليون مره...امريكا بس لو يسهلون الفيزة واجراءات المطار كان كل سحب على اوروبا وغيرها
من جد هي نصف العالم...الامريكي مايحتاج جواز لان كل شي عنده وفيه احصاءات تقول ان نسبة الامريكيين الي يمكلون جواز لاتتعدى 7% فقط
وفوق كذا امريكا رخيصة جدا مقارنه باوروبا وباقي الدول

صحيح كلامك بس لندن واوربا افضل لان الجو اللي فيها كافي بتهدالحر وتروح حر ورطوبة بماليزيا وغيرها من دول أسيا وييييييع ولا اشفيها طبيعة روح الارياف باوروبا والله انا افضل اوروبا ........والتكاسي بلندن شخباري الله يهداك الحين الباصات قص اسبوع وكثر ما تبي اركب بالباصات ووين ما تبي يودونك وغير المترو ويطلع للعائلة كلها ارخص من تاكسي بيوم واحد......وامريكا جوها حار وبعيدة وهم التذكرة غالية

لهشي انا اقول استراليا الجو حلو وايد وارخص بوايد واونس
لندن زينه بس شنو الي فيها زود انت الحين اتقولي باصات وقص اسبوع انا معاك بس لو هم اول مره يروحون اشلون بدلون ومن غير اذا كان مافي لغة لهشي بياخذون تكسي اسرع لهم واذا كان وياهم يهال يعني انا استخدم الاندر اقراوند لاني اعرفله عدل بس تبي الصج على كل روحاتي للندن انا ماستخدم الباص وايد لان احيانا اضيع فيها واظطر اخذ تكسي فشلون الي اول مره

وجو لندن متقلب السنه الي طافت ياتنا موجة حر اوصلت الحرارة 28 يمكن تضحك اتقول هاي مو حر بس بنسبة للندن وايد حر كان الجو خصوصن مافي مكيفات والشمس حاره وايد جنها فوق راسك

اوربا بشكل عام حلوة ماقلنا شي بس لا ننسى ان ترفيه استراليا او ماليزيا احلى منها وممكن يستمتعون وخصوصن انها ارخص وانت ابروحك قلت ان الميزانية 5 الاف دينار بس يعني يبيلها حسبه ماقدر اقولهم روحو لندن وخسرو كل الي عندكم وردو وانتو مو مستانسين وانت اتقولي الريف اوكي الريف حلو بس راس ماله منظر حلو وجو وهم عندهم يهال يعني يبون ملاهي ويبون وناسه مب من يطلعون الين يرجعون وهم على نفس الجدول ومايغيرون صح في مدن وملاهي في اوربا بس كل وحده تبعد وايد وفي دوله بعكس استراليا الي حواليكم وبنمطقة ثانية وغير رحلات السفاري والنشاطات الوايد

انا هاي نصيحتي وهي لها الاختيار سوان اوربا او شرق اسيا او استراليا بلحالتين انا رحت لها واقدر اساعدها فيهم

وانا ماذكرت امريكا لاني مارحت لها ومكان مارحت له ماتقدر افتي فيه

هلا أخوي حلو ومدلع
شوف أخوي توني سأله سفريات عن طيران الإمارات لسيدني قال 600 دينار وعلى موقع الرسمي للطيران الإمارات شفتها 578 دينار وخلاص يقول ما عاد فيه ترانزيت إلا لتايلند وسنغافورة ما عاد فيه
وطيران السنغافورة سألت لين الحين ما نزلت العروض يقولون في وسط شهر أبريل تنزل عروض الصيف
وبالعكس أهم شئ عندي الوناسة ولا الجو مو حلو أنحاش أسبوعين بس علشان الجو وأرجع للحر ولا فيه وناسة
ولندن الوالد والوالدة راحولها يقولون ما تصلح وممله ولا اللغة الحمدالله تمام ويقولون الشقق الفندقية مافيها تكييف وتجي موجة حر
شرايك في طيران السنغافوري إذا رحنا عليها إلي أعرفه أنهم قبل طيران الإمارات شغلوا أرباص a380
ومشكووووووور

هلا اختي طيران السنغافوري من احسن الطيران بلعالم وداخل ظمن احسن 10 يران بلعالم

وبسالج 600 دينار هاي البزنس ولا الاكونومي لان لو البزنس الصراحه بكون سعرهم وايد وايد مغري
وانا يوم رحت على الاماراتية كان في ترانزيت سنغافورة وهونغ كونغ وتايلند وممكن اتشيكين على الماليزيا لو تبون اتمرون اترانزيت على كوالالمبور

وفعلا شقق لندن مافيها مكيفات ومستواها عادي والاسعار نااااااار بعكس استراليا الي حتى لو مافي مكيفات الجو ظامنته باااااارد لان شتى عندهم مو مثل لندن مره حر ومره مطر ومره برد ماينعرف لهم

وممكن تاخذين بكج كامل من الاماراتية للعطلات او القطرية للعطلات او الاتحاد للعطلات او السنغافورية وراح اتكون عروضهم حلوة

وفعلا عروض الصيف ماتبتدي الا من شهر 4 وطالع بس حاول اذا اكيد تحجزون بدري لان رمضان داش بدري واكيد الكل بسافر من نهاية شهر 6 وبيرجعون قبل رمضان واهم شي حجوزات العودة لان وايد زحمه

السلام عليكم أسألك أخي أنت جربت إسبانيا؟ أنصحك بزيارة إسبانيا جهة الجنوب التي تسمى أندلسيا خصوصا إشبيلية ومالغا و مربيا مدن جميلة جدا شواطئ طبيعة تسوق جو رائع

مرحبا عزيزتي اي في مكاتب تتكفل بلرحلات وبتامين لكم السياره اهناك

زين بقولج ليش ماتسالين عند الاماراتية للعلات قوليلهم لو خذت منكم البكج كامل كم تعطوني سعر التكت يعني الي اقصده لو انتي حجزتي عندهم الفنادق بعد عن طريقهم لان السعر ارخص
وانا مانصح انج اتروحين شرق اسياء بشركة وبعدها اتغيرين لشركة ثانية لان بتحب لج تذكرتين

وانا بعد اقولج شيكي على الماليزية من الكويت وشيكي على السنغافورية من الكيوت وشيكي بعد على القطرية والاتحاد وانا بعد بحاول اشيك لكم

واي استفسار انا بلخدمة