الموضوع: بغيت رنامج سفر من إلى

السلام عليكم أخواني وخاوتي الاعضاء حبيت أنكم تساعدوني في برنامج سفر شهر العسل

محتاره بين دول أوروبا وله دول شرق آسيا؟

من ناحية الجو والاماكن السياحيه.

ممكن أنكم تساعدوني؟ وجزاكم الله الف خير يارب.

مواضيع عشوائيه ممكن تكون تعجبك اخترناها لك:

• عندي موضوع مهم واتمنى من الجميع ان يتعاون وياي
• بعد شهور من الكرف اريد اجاااازه و محتاره بين لندن والمالديف
• مواقع حجز فنادق عالمية يمكنك الحجز من خلالها في أي فندق في العالم
• ايهم افضل الصـــين او الفلبين رحلة سياحية
• توب أفضل الأمــاكن لـ أروع غــروب
• الأخوة الذين حجزوا الفنادق بواسطة الانترنت
• مدينة ارم ذات العماد مدينة عاد قوم هود
• رخصة القيادة الدولية في السفر الي النمسا والمانيا
• نصيحة للسفر الى اوربا
• من يعرف جمعيات أو عضويات عن السفر والسياحة عربية أو أجنبية ؟؟
• اختيار الملابس المناسبة للسفر
• للخبراء المميزين متى موعد الإجازة ؟؟
• بخصوص تجديد الجواز
• سؤال
• فزعتكم ميزانية 100 الف ريال والاختيار بين سنغافورة والمانيا ولندن؟
• تجديد جواز السفر السعودي باقي له سنة
• شهر عسل اوروبا او امريكا
• العروض التشجيعية على الخطوط السعودية جديد
• ماهو افضل مكان سياحي ازوره مع والدي
• محــتارين في رحلة الصيف

يا اخت بنت الشامسي
ما قلتي لنا متى بتسافرون بالصيف أو بالشتاء
وشكثر الميزانية اللي حاطينها لهذي السفرة
إذا كنتوا بتسافرون في الصيف الجاي يعني على أول شهر سبعة أنا ارشح لكم طبعاً اوربا ( سويسرا, فرنسا , النمسا , المانيا )
اما في الشتاء فأحسن لكم هو جنوب شرق آسيا
( ماليزيا , تالندا , سنغافورة , اندونيسيا)

هلا اختي انصحج باوروبا وخاصة الوقت الي مختارينه الجو حلو هناك

الوقت نوعا ما حلو بس ميزانيتكم هي الي اتحدد
يعني ممكن اقترح لكم اتروحون المالديف 8 ايام وبعدها تطلعون على دبي
وممكن اقولكم اتروحون مصر وشرم الشيخ او بيروت
وممكن اقولكم جزيرة بالي وماليزيا
وممكن اقولج روما وبرشلونه
او اسبوع باريس واسبوع لندن
او جنوب افريقيا وجزيرة سيشل او موروشيس
والا قتراح الي افضله دايم هو 10 ايام غلود كوست و5 ايام سدني بستراليا
انا اقول حدديلنا الميزانية علشان انعرف اذا الميزانية عالية اكيد يا جنوب افريقيا يا اوربا يا استراليا
واذا الميزانية مو عالية يعني ماليزيا او مصر او بيروت

هلا مشكورين على الردود الحلوه بالنسبه للميزانيه هي مب قليله ولا كثيره يعني متوسطه.

ومدة السفر تقريبا 20 يوم من تاريخ 10/04/2010 إلا 28/04/2010

كم الميزانية بظبط علشان انعرف واذا 20 يوم انا انصحج بستراليا

شسالفه اختي انتي بلعنوان حاطه اسبوعين وبعدين 20 يوم وبعدين 4 اسابيع يعني حددي
واي ليش لا انا قعدت بستراليا شهر ونص ومامليت ومب شرط استراليا وبس ممكن اتمرين على ماليزيا وعلى سنغافورة

وانا ماقلت لج منطقه وحده روحي لسدني ولغولدكوست ولملبورن هاي 3 مناطق وتقدرين اتمرين على ماليزيا وسنغافورة لان بنسبة لي استراليا اتغطي على اوربا

هلا اخويه حلو ومدلع ليش معصب عليه قلت تقريبا عشرين يوم يعني لحد احينه مش محدده الأيام بالضبط كم والسموحه منك .

اختي بنت الشماسي ..

اهم من الميزانيه انتي كيف تبين شهر العسل يكون ..
اذا تبين ملاهي و اماكن ترفيهيه وكفيهات وتمشي بالشوارع اللي كلها حياة .. انصح باستراليا واوربا
واذا تبين رومانسيه ومنتجعات دلع مساج وسبا وعشا خاص رايق وحولك شموع والبحر حد رجولك بالاضافه الى نشاطات والعاب مائية عندك الجزر خاصه في اسيا أو موروشوس

انا زرت اكثر من 15 دوله سياحية ومن تجربتي ارشح موروشوس الافضل لشهر العسل
ممكن اختي تزورين بوابة سياحة الجزر وتقررين

والف مبروك مقدما والله يوفقكم ويسعدكم

هلا أمس رحت مكتب السفريات وعطوني جدول لدول اروبا
والدول باريس وجنيف ولوزان وميونيخ وزيلامسي وفيينا.
وعطوني أسامي الفنادق وبغيت آخذ رايكم من ناحية الفنادق بما انه دول أروبا مفيه فرق بين الخمس نجوم والأربعه.
أنا اخترت أربعه
في باريس فندق كاليفورنيا
جنيف فندق نوفوتيل
لوزان فندق فلورا
ميونيخ فندق لي ميرديان
وزيلامسي فندق نيو بوست
وفيينا الهيلتون.

فبغيت رايكم بالفنادق وإذا في أحسن منهم ممكن تعطوني الأسامي.

أنا اشوف وأنصح بالجزر صدقيني أحلى الايام هي شهر عسل في مكان شبه نائي بحر وشجر وهواء نقي

بدال المدن والعمارات وهاذي الاشياء لاحقه عليها بأذن الله بعدين

في سفراتكم اليايه

لا تضيعين الفرصه وماتسيرون جزر مثل الامالديف او موروشيوس او جزر ماليزيا

فكري عدل وشوفي الصور بحد ذاتها رومانسية

واسمحيلي طولت عليج شكلي حنيت لايام الماض خخخخخخخخ